Read Waray Samarenyo Meaning Based Mga Salmo 67 Bible Online

Mga Salmo 67 - Waray Samarenyo Meaning Based bible

Mga Salmo 67

¹[117] O Dyos, pagmaloloy-on manggad ha amon, imo unta kami pagpakaupayon. Tan-awa kami ha im' kamaloloy-on,

²nga sabton han 'tanan imo kaburut-on. Tanan mga nasod unta mahibaro, han katalwasan nga natikang ha imo.

³Magdayaw unta, O Dyos, an mga tawo, tanan nga katawhan magdayaw ha imo!

⁴Maglipay na unta adton kanasoran, ngan magkaranta na nga may kalipayan. Kay matadong an paghukom mo han tanan, ngatanan nga nasod im' ginmamandoan.

⁵Magdayaw unta, O Dyos, an mga tawo, tanan nga katawhan magdayaw ha imo.

⁶Kay an katunaan nanmunga hin duro, naghatag hin abot, hin ani nga husto. An Dyos, nga aton Dyos naglipay ha aton,

⁷an Dyos amo an ha aton nagbendisyon. Katawhan ha tanan dapit mag-uruyon pagyukbo ha iya hin matinahoron.