Read Waray Samarenyo Meaning Based Mga Salmo 91 Bible Online

Mga Salmo 91 - Waray Samarenyo Meaning Based bible

Mga Salmo 91

¹An napakadto han GINOO hin pagsalirong, ngan hin pagsalipod, han Makagarahum,

²an makakasiring hini ha GINOO, “Amo ikaw an naugop ha akon ug nasalipod, ikaw an akon Dyos; aada ha imo an akon pagtapod.”

³Igagawas ako niya ha ngatanan nga kataragman; ngan han ngatanan nga nakakamatay nga balatian.

⁴Tatahoban ka han iya mga pako, waray mo kahadlok, ha iya pagmangno.

⁵Kataragman ha gab-i, ayaw kahadlok, ha adlaw nga pagsulong, ayaw kahulop.

⁶Ug hin sakit nga tikang ha kasisidman, ngan han magraot nga buhat ha kapaw-an.

⁷Damo ha imo ligid in bangin mapukan, hin darodamo pa ikaw paglilibotan, kundi diri ka gud paglalabtan.

⁸Han imo mga mata, imo hikikit-an, nga an mga magraot iya pagsisirotan.

⁹An GINOO imo[169] nagin darangpanan, an Gilalabawi imo nagin salipdanan.

¹⁰Waray ha imo masulong nga karat-an, ngan waray masupil han imo puroy-anan.

¹¹Mga anghel han Dyos ikaw pagmamangnoan, pagbantay ha imo dida ha paglalaktan.

¹²Sasapnayon ka nira basi diri ka mapilasan, an imo mga tiil diri mahisampak ha kababtoan.

¹³Mga liyon ug halas imo pagtatamakan, magpintas nga liyon ug mga ibingan.

¹⁴Nasiring man an Dyos, “Akon tatalwason hira nga nahigugma ha akon; an ngatanan nga magtug-an nga ako GINOO, akon pananalipdan.

¹⁵Kon magtawag hira akon pamamatian, uupdan ko hira kon may-ada kakurian; tatabangan hira ngan pagpapasidunggan.

¹⁶Babaloson ko hira hin kinabuhi nga dayon, ngan akon hira ngatanan pagtatalwason.”