Read Waray Samarenyo Meaning Based Mga Salmo 95 Bible Online

Mga Salmo 95 - Waray Samarenyo Meaning Based bible

Mga Salmo 95

¹Kadi, an GINOO aton pagdayawon! Magkanta, magrayhak kit' hin malipayon; ngadto han DYOS hiya'n panalipod naton, hiya nga magtaralwas ta an pagdaygon.

²Hin pagpasalamat ngadto kit' ha iya, magrugya hin mga pagdayaw nga kanta,

³kay an GINOO amo'n Dyos nga gamhanan, hadi nga gamhanan kay han kadiyosan.

⁴Naghahadi hiya han bug-os nga tuna, mga kahitas-an, kahiladman iya;

⁵iya'n kadagatan nga ginhimo niya, pati katunaan nga iya ginporma.

⁶Kadi, yukbo kita, aton pagsingbahon, luhod ha GINOO, naghimo ha aton!

⁷Kay amo man ada hiya an DYOS naton, kita katawhan, gin-ataman nga panon. Pamati hiya nagyayakan yana:

⁸“Kasingkasing niyo ayaw patig-aha; sugad kaapoyan niyo ha Meriba, sugad didto han kamingawan ha Masa.

⁹Didto ak' ginsulay, ira ginsarihan, bis' ak' mga buhat ira nakita na;

¹⁰Kwarenta anyos ak' kasina ha ira, siring ko, ‘Hin kamasinupilon nira! Nadiri pagsugot han ak' mga sugo.’

¹¹Sanglit nasina ngan nakasumpa ako: ‘Hadton tuna diri gud masulod kamo nga amo na unta an pahuway niyo.’”