Read Waray Samarenyo Meaning Based Sirac 1 Bible Online

Sirac 1 - Waray Samarenyo Meaning Based bible

Sirac 1

¹Gindayaw an Kinaadman Tikang han GINOO an ngatanan nga kanaadman, ngnan aada ha iya ha kadayonan an kinaadman.

²Hin-o an makakaihap han mga turo han uran o han baras ha baybayon? Hin-o an makakaihap han mga adlaw han panahon nga waray tinikangan ngan waray kaposan?

³Ano an kahitaas han kalangitan? Ano an kahiluag han tuna? Ano an kahilarom han kalalawdan? Hin-o an makakatugkad han Kinaadman? May-ada ba makakabaton hini nga mga pakiana?

⁴Gintuha an kainaadman san-o han iba nga mga butang; nakada na ha kadayonan an sarabotan.[1]

⁶Iginpakita na ba hin tawo kon din tikang an Kinaadman? May-ada ba nakakasabot han iya talagsaon nga paagi?[2]

⁸Uusa la an may kinaadman ngan kinahanglan tumindog kita ha pagtahod ha atubangan han iya trono.

⁹An GINOO ngahaw na nagtuha han Kinaadman. Kinmita hiya han Kinaadman ngan kinilala niya an iya kapulsanan; sanglit ginpuno niya hin Kinaadman an ngatanan nga iya ginhimo.

¹⁰Ginbahinan niya hin Kinaadman anngatanan nga mga tawo, kundi iginbubo niya ini ngadto han mga nahigugma ha iya.

¹¹Kon magtahod ka han GINOO, ihahatag ha imo an kadungganan ug dungog. Pagpupudongpudong an ka hin kalipay ug pagrayhak.

¹²An pagpasidungong han GINOO usa nga kinasingkasing nga kalipay; mahatag ini ha imo hin hilawig ngan malipyon nga kinabuhi,

¹³ngan magmamainuswagon ka ha kataposan. Bebendiyonan ka han Dyos ha adlaw hanimo kamatay.

¹⁴An pagtahod han GINOO amo an tinikangan ha Kinaadman. Iginhatag an Kinaadman ngadto han mga matinumanon didto pa ha tiyan han ira mga nanay.

¹⁵Nag-ukoy hiya kauod ha aton tikang pa hadton naglabay nga mga panahon, ngna matapod ha iya an mga tiarabot nga katulinan.

¹⁶An pagkahadlok han GINOO amo an labi ka hingpit nga Kinaadman ginlilipay kita niya hin hingpit pinaagi han iya mga hatag

¹⁷ngan ginpupuno iya an aton mg abalay ngan mga kamalig han ngatanan nga gin-uungara han aton mga kasingkasing.

¹⁸An pagkahadlok kan GINOO amo an bukad han Kinaadman nga nabuklad hin kalinaw ngan maupya nga panlawas.[3]

¹⁹Nagpapadara hiya han hibaro ngan sarabotan sugad han uran, ngan gindudugangan hin dungog adton mga nakarawat ha iya.

²⁰An pagkahadlok han GINOO amo an gamot han Kinaadman; dayuday buhi an iya mga sanga.[4] An Pagpugong ha Kalugaringon

²²Waray baribad para han kasina nga waray katadongan; makakapapukan ini ha imo.

²³Hulat ngan pagmapailobon ngan ha orhe malilipay ka nga ginbuhat mo ini.

²⁴Paghilom tubtob han pag-abot han panahon hin pagyakan, ngan maaangkon mo in bantog hin maupay nga buot. An Kinaadman ngan an Pagtahod sa Dyos

²⁵May-ada bahandi an Kinaadman hin mga puplonganon nga makina-admananon, kundi gintatamay han mga makasasala an mga butang nga dyosnon.

²⁶Kon karuag mo nga magmaaram ka, tumana an mg asugo han GINOO, ngan ihahatag ha imo an waray sukol nga Kinaadman.

²⁷An pagkahadlok han GINOO amo an Kinaadman ngan usa nga pag-aram. Nakakalipay ha iya an kamaunongon ngan kamapainubsanon.

²⁸Pagmatinumanon hin pagbuhat han imo tuluohan; kon magsingba ka han GINOO buhata ini hin kinasingkasing.

²⁹Paghirot han imo igyayakan, ngan ayaw buhat an pagkamalabyaw.

³⁰Ayaw hinpagkamapahitas-on; bangin ka mahulog ngan maalohan. Igpapadayag han GINOO an imo mg atingo ngan papaubson ka niya ha atubangan han ngatanan didto han katig-oban, kay awaray ka kumadto hin pagsingba han GINOO, lugod an imo kasingkasing puno hin pagkamalabyaw.