Read Waray Samarenyo Meaning Based Sirac 15 Bible Online

Sirac 15 - Waray Samarenyo Meaning Based bible

Sirac 15

¹Kon may kahadlok ka ha GINOO tutumanon mo ini. Pag-admi hin maupay an iya Balaod ngan hiaagian mo an Kinaadman.

²Tatapoon ka niya sugad hin usa nga iroy o hin kinasal nga daragita.

³Pakakaonon ka niya han hibaro ug paiimnon ka niya hin kinaadman.

⁴Tapod ha iya basi diri ka mapukan, ngan diri ka gud maaalohan han imo kapakyasan.

⁵Pagpapasidunggan ka niya labaw pa han ngatanan mo nga mga kahigrani; kon magyakan ka ha katig-oban tatagan ka niya han angay nga mga pulong.

⁶Hiaagian mo an tinuod nga kalipay; hinunumdoman ha kadayonan an imo ngaran.

⁷Kundi an mga lurong o makasasala diri ngani makakakita han Kinaadman.

⁸Diri hiya manginginlabot han mga tawo nga mapahitas-on; diri gud niya nasulod han hunahuna han mga buwaon.

⁹Diri angay para hin usa nga makasasala an pagkanta hin pagdayaw, kay diri kinasingkasing an iya pagsingba.

¹⁰An pagkanta hin pagdayaw usa nga pagpahayag hin kinaadman nga linamragan han GINOO. An Hayayag nga Kaburot-on

¹¹Ayaw pagbasola an GINOO tungod han imo sala; diri pagbubuhaton han GINOO an iya ngahaw napupungtan.[32]

¹²Ayaw pagsiring nga gintuyaw ka niya; diri hiya nagkikinahanglan han mga makasasala hin pagtuman han iya mga panuyo.

¹³Napupungot an GINOO han ngatanan nga maraot, ngan diri nabibihag han karat-an adton may pagkahadlok han GINOO.

¹⁴Ha tinikangan han paghimoa han GINOO han mga tawo, tinagan niya hira hin kagawasan basi magbuhat hira sumala han ira karuyag.

¹⁵Kon karuyag mo, makakagtuman ka han mga sugo han GINOO. Makakagbuot ka kon maunong ka ba ha iya o diri.

¹⁶Iginbutang niya in kalayo ngan tubig ha imo atubangan; abota ngan kuhaa an imo naruruyagan.

¹⁷Ikaw an pag-igo kon hain an imo pipilion: kinabuhi ug kamatayon. Maaangkon mo an imo pagpipilion.

¹⁸Dako gud an kinaadman ngan gahom han GINOO ngan nakita hiya han ngatanan.

¹⁹Maaram hiya han binubuhat han ngatanan nga mga tawo, ngan ginmamangnoan niya adton may pagkahadlok ha iya.

²⁰Waray gud hiya magsugo nga magbuhat hin maraot an bisan hin-o nga tawo o waray hiya tumugot nga magbuhat hin sala an tawo.