Read Waray Samarenyo Meaning Based Sirac 18 Bible Online

Sirac 18 - Waray Samarenyo Meaning Based bible

Sirac 18

¹Makagarahum an Dyos An GINOO nga nag-uokoy ha kadayonan amo an nagtuha han bug-os nga kalibutan

²ngan hiya gudla an matadong.[45]

⁴Waray hiya maghatag bisan kan kanay hin gahom pagsumat han iya ginbuhat, ngan waray tawo nga makakag-usisa hini hin tukib.

⁵Hin-o ba an makakagsukol han iya gahom? Hin-o an makakagsaysay han bug-os nga susumaton han iya maloloy-on nga mga buhat?

⁶Diri kita makakadugang o makakaiban hini. Waray gud paagi hin pagtugkad han makaaramdok nga mga butang nga ginbuhat han GINOO.

⁷Kon umabot na kita ha kataposan han susumaton, waray pa ngani kita makagtikang; diri gud la gihapon hisasabotan naton hin maupay. Waray Hinungdan an Tawo

⁸Ano ba an tawo ngan ano an iya gamit? Ano an kahulogan han maupay ngan han maraot nga iya mga buhat?

⁹Kon in usa ka tawo mabuhi hin 100 ka tuig, hilawig ini nga kinabuhi,

¹⁰kundi kon itanding han panahon nga waray kataposan sugad la ini hin usa ka lugas nga baras ha baybayon.

¹¹Sanglit mapinailobon gud ha aton an Dyos, ngan maloloy-on gud hiya ha aton.

¹²Nakita hiya ha aton ngan maaram hiya nga mapatay kita; sanglit andam hiya hin pagpasaylo.

¹³May-ada pagkalooy in usa ka tawo ngadto hin tawo nga iya kinikilala, kundi an GINOO nalolooy han ngatanan nga mga tawo. Sinasaway, gindidisiplina ngan gintututdoan kita niya. Sugad hin magmarangno hin mga karnero nga nagbabantay han panon, gindadara kita niya hin pagbalik ngadto ha iya ngahaw.

¹⁴Malolooy hiya ha aton kon karawton ta an iya pagmando ha aton ngan andam kita hin pagkarawat kon ipakita niya ha aton an aton mga pakasayop. Pagmaloloy-on ngan Pagmahinatagon

¹⁵Anak ko, kon mabulig ka hin usa ka tawo, ayaw idungan an pagsayaw ha iya. Kon magregalo ka, upaya an pagpahimutang han imo mga pulong.

¹⁶Labaw an imo mga pulong kay han imo ihinahatag. Bisan an tun-og nakakahatag hin gutiay nga pahalibway ha panahon han kapaso.

¹⁷Tinuod, mapulsanon pa an mga mag-upay nga pulong kay han gimamaupayi nga mga regalo, ngan kon tinuod an imo paghatag, ihahatag mo ini nga duha.

¹⁸Usa nga kalurongan an kawaray pagkalooy ug an pagpakaalo. Waray mga mata nga malilipay hin pagkita hin regalo nga diri kinasingkasing an paghatag. Usisaha an Imo Kalugaringon

¹⁹Kinahanglan maaram ka kon ano an imo ighihimangraw san-o ka magyakan, ngan mangnoi an imo panlawas nga diri ka pa nasasakit.

²⁰Usisaha an imo konsyensya san-o an GINOO maghukom ha imo. Niyan kon umabot na ito nga panahon, pasasayloon ka niya.

²¹Pagpaubos anay, san-o ka pagsirotan hin sakit. Pagbasol kon nakasala ka.

²²Kon magsaad ka han GINOO, tumana ini dayon. Ayaw ig-ugsod an pagtuman hini ngada ha takna nga himaratyon ka na.

²³Kundi san-o ka magsaad, pag-andam nga daan hin pagtuman hini. Ayaw pagsarihi an pagkamailobon han GINOO.

²⁴Paghunahunaa! Karuyag ba nimo nga masina hiya ha imo ha adlaw han imo pagkamatay? Kon paghukman ka na niya, karuyag ba nimo nga talikdan ka?

²⁵Kon may-ada ka han ngatanan nga imo kinaruruyag, paghunahunaa daw kon ano an pagkagutom ngan kon ano an pagkakablas.

²⁶Damo an nababalhin sulod hin usa la ka adlaw; an GINOO madagmit makagbuhat hini.

²⁷Kon maaram ka, maghihirot ka han ngatanan nga imo ginbubuhat. Kon ginlilibotan ka han sala, paghirot gud nga diri ka kadarahigan han sala.

²⁸An tawo nga masinaboton nakilala han kinaadman ngan pagpapasidungogan niya an bisan hin-o nga nagpapakita hini.

²⁹Kon ha imo pakabati han kinaadman ginmahal mo ini, mahihimo ka liwat nga makinaadmananon, ngan an imo mga pulong usa nga burabod hin kinaadman para han iba. Pagpugngi an Imo Kalugaringon

³⁰Ayaw pagpagarong han imo mahilas; nga kaipahon; pugngi an imo maraot nga mga ungara.

³¹Kon pataksan mo la an tagsa mo nga ungara, pagtitinawaan ka han imo mga kaaway.

³²Ayaw pagpatakas hin himyang nga pag-ukoy; makakaraot ini ha imo.

³³Kon waray mo kwarta nga imo kalugaringon, ayaw pangutang para hin mahal nga mga kombite kon makakahimo manla ini ha imo nga usa nga makililimos.