Read Waray Samarenyo Meaning Based Sirac 5 Bible Online

Sirac 5 - Waray Samarenyo Meaning Based bible

Sirac 5

¹Ayaw Paghambog Ayaw pagtapod han imo kwarta nga makakahimo ha imo hin diri na pagsarig hin iba.

²Ayaw paghunahuna nga kinahanglan magkamay-ada ka han ngatanan nga imo karuyag ngan onina gastohon mo an imo kusog hin pagmalaangkon hini.

³Ayaw paghunahuna nga waray makakagbuot ha imo; kon buhaton mo ini, kakastigohon ka han GINOO.

⁴Ayaw paghunahuna nga makakasala ka ngan pasasagdan ka la; naghuhulat la an GINOO hin pagkastigo ha imo.

⁵Ayaw pagtapod han pagpasaylo han GINOO nga magpapadayon ka hin pagpinakasala.

⁶Ayaw paghunahuna nga dako gud an iya pagkalooy sanglit papasayloon niya an imo mga sala bisan kon damo na ini hin duro. Malolooy hiya kundi napupungot liwat hiya han mga makasasala.

⁷Balik ngadto han GINOO hin kadagmitan. Ayaw paglanganlangana an imo pakighiuli ha iya. Bangin umabot dayon ha imo an iya kasina, ngan mapatay ka ha ubos han iya kastigo.

⁸Ayaw pagtapod han imo linimbong nga karikohan; waray ini gamit ha imo ha adlaw han karat-an. Buhata hin Kinasingkasing

⁹Ayaw pagruhaduha han imo tinutuohan ngan ayaw pagbarobalhin han imo ginyayakan. Ayaw pagtinguha hin pagpahalipay han ngatanan o pag-abuyon han ngatanan nga ginsisiring han mga tawo.[12]

¹¹Dayuday pag-andam hin pamati, kundi tagi hin panahon an imo pagbaton.

¹²Pagbaton kon maaram ka han imo igyayakan, kundi paghilom kon diri ka man maaram.

¹³An paghimangraw makapasidungog o makakapaawod ha imo; makakaparaot ha imo an imo ginyayakan.

¹⁴Ayaw itugot nga mahibantog ka nga usa ka nga paralibak ngan ayaw pagpasarang hin mga sumat nga makakadaot hin mga tawo. Sugad nga maaalohan an mga tikasan, pagsususnan man hin duro an mga buwaon.

¹⁵Paglikay han bisan ano[13] nga gudti o dagko nga mga sayop,