Read Waray Samarenyo Meaning Based Sirac 7 Bible Online

Sirac 7 - Waray Samarenyo Meaning Based bible

Sirac 7

¹May Iba pa nga mga Sagdon Ayaw pagbuhat hin maraot ngan waray maraot nga mahinanabo ha imo.

³Ayaw pag-aradoha an tuna hin pagtanom hin mga binhe han kamalupog; bangin mag-ani ka hin darudako pa kay han imo ginpapaabot.

⁴Ayaw pangaro han GINOO hin kadungganan o han hadi hin importante nga katungdanan.

⁵Ayaw pagparayaw han GINOO nga ikaw matadong o ha atubangan han hadi nga ikaw maaram.

⁶Ayaw paghingyap nga ikaw magin maghurukom, gawas kon may-ada mo makusog nga buot nga magagamit mo hin pagpoypoy han kamalupog. Mawawara an imo pagkamatadong kon mapadara ka la hin tawo nga may dako nga katungdanan.

⁷Ayaw pagbuhat hin maraot kontra han kadam-an nga mga tawo ngan ayaw pagpakaalohi an imo kalugaringon ha atubangan han imo igkasi taghimungto.

⁸Ayaw balika hin makaduha an amo gihapon nga sala. Igo na an sirot han syahan mo nga pakasala.

⁹Ayaw pakahunahuna nga iisipon han Gihihitaasi nga Dyos an imo kamahinatagon sanglit makarawat hiya han bisan ano nga halad nga imo ighatag.

¹⁰Ayaw kaguol hin pag-inampo ngan ayaw palabya in higayon hin paglimos han mga kablas.

¹¹Ayaw pagtawai in usa ka tawo nga ginpahiubos. An GINOO amo an nagpapahiubos hin tawo ngan amo man liwat an nagpapahitaas ha iya.

¹²Ayaw paghunahuna hin mga buwa hiunong han imo kasangkayan.

¹³Ayaw pagbuwa kay waray gud ini kaupayan nga mahihimo.

¹⁴Ayaw tukdaw ngan ayaw pagyinakan hin waray la hangkag ha katig-oban han katigurangan. Ngan ayaw pagbinalikbalika an imo mga pulong kon mag-aampo ka.

¹⁵Ayaw paglikay han trabaho ha uma o hin iba nga mabug-at nga trabaho; iginhatag ini ha aton han Gihihitaasi.

¹⁶Ayaw pagtampo hin hugpo hin mga makasasala; hinumdomi nga maabot gud an sirot han GINOO.

¹⁷Pagmapinaubsanon kay an kadunot nga kanan kamatayon naghuhulat ha aton ngatanan. An Pakigkausa han Iba

¹⁸Ayaw paglingoa in usa nga sangkay tungod la hin kwarta. Tungod la hin ngatanan nga bulawan ha kalibutan ayaw paglingoa in matuod nga sangkay.

¹⁹Ayaw pagkaragi an higayon hin pangasawa hin maaram ngan buotan nga babaye, labaw pa hin bulawan in usa nga buotan nga asawa.

²⁰Ayaw pagraogdaoga in usa nga surugoon nga nagtratrabaho hin maupay, o in usa nga nagpapasuhol nga nagbubuhat sugad han iya mahimo para ha imo.

²¹Higugmaa hin tinuod in usa nga maupay nga surugoon sugad han paghigugma mo han imo kalugaringon.[17] Ihatag ha iya han iya kagawasan.

²²Pagmangnoi hin maupay an iyo mga hayop. Bantayi ini hira kon nakakabulig han imo pakabuhi.

²³Kon may-ada mo mga anak, pagpaadma hira. Tutdoi hira hin pagdisiplina han ira kalugaringon samtang mga bata pa hira.

²⁴Kon may-ada mo mga anak nga kababayen-an, bantayi nga magin uray hira ngan ayaw hira tugoti nga magpatakas la hira han ira mga karuyag.

²⁵Kon imo na ipapangasawa an imo anak nga babaye, natuman mo na in dako nga baratonon kundi ipaasawa hiya hin buotan nga lalake.

²⁶Kon may-ada ka maupay nga asawa, ayaw hiya pagbulagi, kundi ayaw pagtapod hin babaye nga diri mo hinihigugma.

²⁷Pasidunggi an imo amay ha bug-os mo nga kasingkasing ngan ayaw hingalimti an gin-antos han imo nanay dida han imo katawo.

²⁸Hinumdomi nga imo inutang ha ira an imo kinabuhi. Uunanhon nimo hin pakabalos ha ira tungod han ngatanan nga ira nabuhat para ha imo?

²⁹Kahadloki an GINOO ha bug-os mo nga kasingkasing ngan tahora an iya kapadian.

³⁰Higugmaa an imo Magburuhat ha bug-os mo nga kusog ngan buligi an iya mga ministro ug tinaporan.

³¹Pasidunggi an GINOO ngan tahora an kapadian. Ihatag ha ira an iginsugo ha imo hin paghatag: an syahan nga mga abot, an halad para han sala, an sugbong han mananap nga iginhahalad—an ngatanan nga mga halad nga tinubod ngan mga halad nga may niyo katungdanan hin paghalad.

³²Buligi an mga kablas ngan bebendisyonan ka hin hingpit han GINOO.

³³Magmahinatagon ka ha mga buhi ngan magmaloloy-on ka han mga minatay.

³⁴Pakitaa han imo pagpaid adton mga nawad-an han iya hinigugma ngan duyog ha ira hin pagkamasulob-on.

³⁵Ayaw pag-alang hin pagbisita han mga magsakit. Pinaagi hin sugad nga mga butang hihigugmaon ka nira.

³⁶Bisan ano an imo pagbuhaton, hinumdomi nga san-o nga adlaw mapatay ka. Kon imo ini pagtipigan ha imo hunahuna, diri ka gud makakasala.