Read Waray Samarenyo Meaning Based Josue 15 Bible Online

Josue 15 - Waray Samarenyo Meaning Based bible

Josue 15

¹An mga panimalay han tribo ni Juda kinmarawat hin usa ka bahin han katunaan nga amo inin masunod: Naabot an tuna ngadto ha pag-ultan han Edumea ha may timogan tubtob ha kamingawan han Sin ha labi ka timogan nga dapit.

²Ini nga pag-ultan ha timogan natikang ha kataposan nga timogan han Patay nga Dagat,

³natipatimogan tikang han Aragian han Acrabim asta ngadto ha Sin. Natipatimogan han Cades Barnea, inaagian an Esron ug ngadto ha Adar, naliko tipakadto ha Carca,

⁴inaagian na liwat an Asemona, ngan naubay han sapa didto ha pag-ultan han Ehipto ngadto ha Dagat Mediteraneo, diin natatapos an pag-ultan. Amo ini an pag-ultan ha timogan han Juda.

⁵An pag-ultan ha sinirangan amo an Dagat nga Patay ngan nagpapadayon ngadto han surok nga sapa nga inaawasan han Jordan. An pag-ultan ha amihanan nga dapit natikang didto

⁶ug nagpapadayon ngadto ha Bethogla ngan natipakadto ha amihanan han pungtod nga natangbo han Kahamub-an Jordan. Ngan natipasagka ini ngadto han Bato ni Bohan (anak ni Ruben hi Bohan),

⁷tikang han Kahamub-an Kasamokan ngadto ha Dabir ngan naliko tipaamihan ngadto ha Gilgal nga atbang han Aragian Adumin ha may timogan nga dapit han kahamub-an. Nagpapadayon ini ngadto han mga burabod han Ensemes ngan nagawas didto ha Enrogel

⁸ngan nalatas ini han Kahamub-an Hinom ha may timogan nga dapit han pungtod diin nahimutang an Jerusalem, an syudad han mga Jebuseohanon. Nagpapadayon an pag-ultan tipairaya ngadto han pungtod ha may katundan nga dapit han Kahamub-an Hinom, ha may amihanan nga kataposan han Kahamub-an Refaim.

⁹Tikang didto natipakadto han mga Burabod han Neptoa ngan nagawas ngadto han mga syudad nga harani han Bukid Efron. Didto naliko ini ngadto ha Baala (kon Cariatiarim)

¹⁰diin naglibot ini tipakatundan han Baala tipakadto han sagkahon nga tuna han Edumea, nagpadayon ngadto han amihanan nga dapit han Bukid Jarim (kon Keslon) ngan nalugsong ngadto ha Betsemes ngan nalabay ha Timna.

¹¹Nagawas an pag-ultan ngadto han pungtod ha amihanan nga dapit han Ecron, naliko tipakadto ha Sicrona, nalabay han Bukid Baala ngan nagpapadayon ngadto ha Jebnel. Didto ini katatapos ha Dagat Mediteraneo,

¹²nga amo an pag-ultan ha amihanan nga dapit. Ha sakob hini nga mga pag-ultan pag-ukoy an mga panimalay ni Juda.

¹³Sugad han sugo han GINOO kan Josue, usa ka bahin han katunaan han Juda ihinatag kan Caleb, anak ni Jefone nga tikang han tribo ni Juda. Kinarawat niya an Hebron, an syudad nga gintatag-iya ni Arba, amay ni Anak.

¹⁴Ginpaiwas ha syudad ni Caleb an mga sumurunod ni Anak—an mga banay ni Segai, Ahiman, ug Tolmai.

¹⁵Tikang didto napakadto hiya hin pagsulong han mga tawo nga nag-ukoy didto ha Dabir (an syudad nga hadto anay an ngaran Cariatseper).

¹⁶Sinmiring hi Caleb, “Ipapaasawa ko an akon anak, hi Acsa, ngadto han tawo nga makakakuha han Cariatseper.”

¹⁷Hi Otoniel, anak ni Kenas nga bugto ni Caleb, amo an nakaagaw han syudad, sanglit ipinaasawa ni Caleb ha iya hi Acsa nga anak niya.

¹⁸Ha adlaw han pagkasal ha ira, gin-agda hiya ni Otoniel[9] nga pangaroon niya kan iya tatay in usa nga uma. Hinmaw-as hiya han iya asno ug gipakianhan hiya ni Caleb kon ano an iya karuyag.

¹⁹Nagbaton hiya, “Karuyag ko in tuna nga may-ada matubod nga tubig. An uma nga imo ginhatag ha akon aadto hin banika nga tuna.” Sanglit iginhatag ha iya ni Caleb an tuna nga may-ada mga burabod ha iraya ug ha ilawod.

²⁰Amo ini an katunaan nga kinarawat han mga panimalay han tribo ni Juda nga ira malon.

²¹An mga syudad nga harayo kaupay tipakadto ha timogan nga malon nira ngan adton harani han pag-ultan han Edumea amo an Cabseel, Eder, Jagur,

²²Kina, Dimona, Adada,

²³Cades, Asor, Jetna,

²⁴Sip, Telem, Balot,

²⁵Asorhadata, Cariotesron (o Asor),

²⁶Aman, Sama, Molada,

²⁷Asergada, Hasemon, Betpelet,

²⁸Hasersual, Berseba, Basiotia,

²⁹Baala, Jim, Esem,

³⁰Eltolad, Sesil, Horma,

³¹Siclag, Madmana, Sensena,

³²Libaot, Silim, Ain, Ug Rimon: 29 nga mga syudad ngatanan, lakip an mga bungto nga harani ha ira.

³³An mga syudad ha kapatagan amo ini: Estaol, Sarea, Asena,

³⁴Sanoe, Enganim, Tapua, Eniam,

³⁵Jerimut, Adulam, Soco, Aseca,

³⁶Saraim, Aditaim, Gedera, ug Gederotaim: 14 nga mga syudad lakip an mga bungto nga harani ha ira.

³⁷Upod liwat an Sanan, Hadasa, Magdalgad,

³⁸Dilean, Mispa, Jectel,

³⁹Laquis, Bascat, Eglon,

⁴⁰Kebon, Lehinam, Kitlis,

⁴¹Gederot, Betdagon, Naama, ug Maceda: 16 nga mga syudad lakip an mga bungto nga harani ha ira.

⁴²Nahilakip liwat an Libna, Eter, Asan,

⁴³Jepta, Esna, Nesib,

⁴⁴Keila, Acsib, ug Marsa: siyam nga mga syudad lakip an mga bungto nga harani ha ira.

⁴⁵Nahiupod pa gayud an Acaron ug an mga bungto ug mga baryo hini,

⁴⁶ngan an ngatanan nga mga syudad ug mga bungto nga harani han Asoto, tikang ha Acaron ngadto ha dagat Mediteraneo.

⁴⁷Nahiupod liwat an Asdod ug Gasa lakip an ira mga bungto ug mga baryo, naabot ngadto han sapa ha pag-ultan han Ehipto ngan han baybayon han Dagat Mediteraneo.

⁴⁸Didto han sagkahon nga katunaan an Samir, Jetir, Sucot,

⁴⁹Dana, Cariatsona (o Dabir),

⁵⁰Anab, Estemo, Anim,

⁵¹Gosen, Olon, ug Gilo: 11 ka mga syudad lakip an mga bungto nga harani ha ira.

⁵²Nakadto liwat an Arad, Ruma, Esaan,

⁵³Janom, Betapua, Apeca,

⁵⁴Humtan, Cariatarbe (o Hebron), ug Sior: siyam nga mga syudad lakip an mga bungto nga harani ha ira.

⁵⁵Nahiupod liwat an Maon, Carmelo, Sip, Juta,

⁵⁶Jezrael, Jocadam, Sanoe,

⁵⁷Acain, Gabaa, ug Timna: napulo nga mga syudad lakip an mga bungto nga harani ha ira.

⁵⁸Nahilakip pa gud an Halol, Besor, Cedor,

⁵⁹Maret, Betanot, ug Eltecon: unom nga mga syudad lakip an mga bungto nga harani ha ira.

⁶⁰Nahiupod liwat an Cariatbaal (o Cariatiarim) ug Araba: duha nga mga syudad lakip an mga bungto nga harani ha ira.

⁶¹Didto ha kamingawan an Betaraba, Medin, Sacaca,

⁶²Nibsan, an Syudad hin Asin, ug an Engadi: unom nga mga syudad lakip an mga bungto nga harani ha ira.

⁶³Kundi an mga tawo ni Juda waray makapaiwas han mga Jebuseohanon nga nag-ukoy didto ha Jerusalem. Nag-uokoy la gihapon didto an mga Jebuseohanon tampo han mga tawo han Juda.