Read Waray Samarenyo Meaning Based Josue 20 Bible Online

Josue 20 - Waray Samarenyo Meaning Based bible

Josue 20

¹Niyan ginsiring han GINOO hi Josue nga

²sidngon niya an mga tawo han Israel, “Pagpili kamo han mga syudad nga darangpan nga ginsiring ha iyo ni Moises sumala han akon sugo.

³Adton magpatay hin tawo nga diri niya tinuyo makakakadto hini nga syudad ngan makakalikay hiya han tawo nga nagdudumot ha iya.

⁴Makakakalag-iw hiya ngadto hin usa hini nga mga syudad, makakakadto hiya han hukmanan nga dapit nga aada ha ulpotan han syudad ngan igsasaysay niya ha mga puno hiunong han nahitabo. Ngan pasusudlon hiya ngadto han syudad ngan tatagan hiya hin dapit nga uokyan basi magpabilin hiya.

⁵Kon an tawo nga naghihingita hin pagbulos magsunod ha iya ngadto, kinahanglan nga an mga tawo han syudad diri magtubyan ha iya ngada hini nga tawo. Kinahanglan nga ira hiya panalipdan tungod kay diri man tinuyo an iya pakamatay ngan diri tungod hin kasina.

⁶Magpapabilin hiya dida ha syudad ngada han katuhay niya ha atubangan han katilingban ngan ngada han kamatay han Labaw nga Padi. Ug amo na an pag-uli han tawo ngadto han iya bungto.”

⁷Sanglit didto ha katundan nga dapit han Jordan, gingahin nira an Cades ha Galilea, ha sagkahon nga tuna han Neftali; an Siquem, ha sagkahon nga tuna ni Efraim; an Hebron, ha sagkahon nga tuna han Juda.

⁸Didto ha sinirangan nga dapit han Jordan, didto han kahitas-an nga patag han kamingawan ha sinirangan han Jerico, ginpili nira an Bosor didto han tuna ni Ruben; Ramot didto ha Galaad, ha tuna ni Gad; ug an Golan didto ha Basan, ha tuna ni Manases.

⁹Amo ini an mga syudad nga darangpan para han ngatanan nga mga tawo han Israel ug para han bisan hin-o nga lumalangyaw nga nag-uokoy dida ha ira. An bisan hin-o nga makamatay hin tawo nga diri tinuyo katatagan hin panalipod didto tikang han tawo nga nagdudumot ha iya; diri gud hiya papatayon kon diri hiya anay katagan hin kahusayan ha atubangan han katilingban.