Read West Ambae 1 KORIN 11 Bible Online

1 KORIN 11 - West Ambae bible

1 KORIN 11

¹Karea, tulu huri na tanoi-garugu hokinia i nau nomo huri na tanoigaru i Kraes*.

²I nau nu kalukikamu huri tulu domihagweau tigwaravu, tulu mo kwiribibi na doridori hinea nomo huhuikamu kinia.

³Hikani nu lengaia kwara tulu ne kikilai kwara i Kraes* u hugwe koro na ngwera savia, a ngwera u hugwe koro i vavinehina, vake i God u hugwe koro i Kraes.

⁴Vae huri hi, a ngwera hinea u tiutangaroa diko u duruki na leo ti God lo nako na tangaloi rusa, vae u huna koro na gwatuna, u vai na maemaeana lakwai Kraes hinea u hugwe koroa.

⁵Vae a vavine hinea u tiutangaroa diko u duruki na leo ti God lo nako na tangaloi rusa, vae he huna koro na gwatuna tea, u vai na maemaeana lakwai tuana ngwarasea hinea u hugwe koroa. U vai na maemaeana lakwai tuana ngwarasea hoki na vavine hinea u hiri na vuluna.

⁶Diko a vavine he huna koro na gwatuna tea hokinia hi, u taritarisa kwara ne balati na vuluna. Vae a maemaeana lakwa na vavine hinea u balati na vuluna diko u hiri na vuluna, vae huri hi u taritarisa kwara ne huna koroa.

⁷A ngwera he taritarisa tea kwara ne huna koro na gwatuna huri aia a nunu i God, u vosangi na nunu na karekarea noi God. Vae a vavine u vosangi na nunu na karekarea nona ngwera,

⁸huri lo tinatinakakiki i God he kihi na ngwera te tina vavine, vae u kihi na vavine tina ngwera.

⁹Vunu vake i God he kihi na ngwera tea kwara ne bului na vavine, vae u kihi na vavine kwara ne bului na ngwera.

¹⁰Vae huri hi u taritarisa kwara a vavine ne huna koro na gwatuna kwara ne vosangi lakwa na kaihora lolo taetae kwara u hugu tavuti tuana ngwarasea.

¹¹Vae lo noda tokaana lo Hugwe* a vavine nehe vai na kinau te kahea, vunu vake a ngwera nehe vai na kinau te kahea, vae i rarua vunu raru ne boloki tabulutaki,

¹²huri lo tinatinakakiki i God u kihi na vavine tina ngwera, vae hikani a ngwera u vora lo vavine. Vae a kinau savia rau vanamai ti God.

¹³Tulu domidomi lo leo hika. ?U taritarisa kwara a vavine ne tiutangaroa lakwai God lo nako na tangaloi rusa hinea he huna koro na gwatuna tea?

¹⁴A bohianada hike lo varamana u vosangi kwara lolona a ngwera a vuluna rau gwagwaravu haburu, u vai na maemaeana lakwae sibona.

¹⁵Vae huri i God u bete na vulu lakwa na vavine kwara ne huna koro na gwatuna, hokinia a vuluna rau gwagwaravu aia a angiangihina.

¹⁶Vae diko a tangaloi ratuaki rau lengaia kwara rana va toko viroro huri na kinau hi, a nogu leo aia hika. A bohibohianamai he dolua tea, vake a kwarelua* noi God doluaki a bohibohianaga he dolua tea tiua hika.

¹⁷Vae lo leo aira hika nana vitira lakwakamu nahe kalukikamu tea, huri a nomiu vileki-tabulutakiana huri na kaikaluhakiana he hago te maikamu, vae u tuku magarakikamu.

¹⁸A kinau tomuaki kwara na viti aia hika. Nu rongo na roromiu kwara lolona hinea tulu mo vileki tabulutaki tulu kwahekwahekikamu. Vae nu hauhuri kwara a duvi na leo hika u kareaki.

¹⁹Kareaki, vae nehe vakasile tea tulu ne makwahekwahe lo nomiu bulubulu kwara ne matangwasara kwara ihe maira rau bakoto.

²⁰Lolona tulu bulu tabulutaki tulu maraka tulu va kanikani kamiu hinaka i kamu katukwale kehe nga. Vae tulu he domidomi te luna vohoki kwara tulu bulu katukwale kwara tulu ne kani na Kanikani Kokona nona Hugwe*. Vunu tuaki tikamu u marakatira, tuaki rau inuinu rava toko reraka kinia.

²²?Kworohokinia? ?A ingwamiu tikei kwara tulu ne kanikani tulu ne inuinu lologa? ?Kworohokinia tulu domi bulakiki na kwarelua* noi God? ?Kworohokinia tulu vai na tangaloi kakaravi rau maemae hokinia hi? ?Na kwaha kworohokinia maikamu? ?Tulu domi kwara na kalukikamu? !Hete vohoki!

²³A leo aira hika nu lavira tina noda Hugwe*, vae nu huhuikamu kinira u rovo ba, hinea nomo viti kwara lo bongi hi vohoki a tangaloi mo tiraki na Hugwe i Jisas tilo kaba na nona tavaluivuro, i Jisas mo lavi na bereti*,

²⁴mo lagwaki God huria, mo volo utuutuhia, mo viti “Hikani a tarabehigu hinea nu tirakinia hurikamu. [11] Tulu ne vai hokinia hikani tulu ne domidomi-bibiau luna.”

²⁵Lo halaki hokinia nga lolona ramo kanikani mo rovo mo lavi na laha, mo viti “A laha hikani aia a leo harikiana karagwa noi God maikamu, aia hi a daigu ne vai na leo harikiana hi ne tu. Tulu ne inumia, vae vataha na taroki hi tulu ne domidomi-bibiau luna.”

²⁶Vae huri hi, lo taro hinea tulu kani na bereti hi tulu inu lo laha hi, vae tigwaravu tulu vosangi na mateana na noda Hugwe tarisaki ne mulemai taliku.

²⁷Huri na kinau hi, a tangaloi hinea rau kani na bereti* hi nona Hugwe*, vake rau inuinu lo nona laha hi lo hala hinea he bakoto tea, rau vai he bakoto tea lo tarabehi na Hugwe mana daina.

²⁸Vae huri hi a tangaloi hinea u lengaia kwara ne kani na bereti hi diko ne inu lo laha hi ne tagataga luna sibona tomua, vunu neri kani na bereti hi ne inu lo laha hi.

²⁹A tangaloi hinea u kani u inu, vae he taga kikilaki na tarabehi mana dai na Hugwe tea, u kani u inu, vae aia sibona u lavi na kakadikiana vanamai tiluna.

³⁰Vae huri hi u rusa tikamu rau keokeo rau tuku lenga, vunu ratuaki tikamu rau mate.

³¹Kwara vae diko i kita katukwale kehe tana tagataga luda tomua, vae i God nehe vai kadikita tea.

³²Vae a Hugwe u arekikita u vai kadikita kwara tanahe sala tea mana tangaloi na varamana hinea rahe hauhuri tea.

³³Rabelagu. Huri na kinau hi, diko tulu ne bulu tabulutaki huri kwara tulu ne kani na Kanikani Kokona nona Hugwe, tulu huguhugu taraikamu.

³⁴Diko te katukwale u marakatia, u karea kwara ne kanikani tatana. Vae lo taroki tulu ne bulu tabulutaki i God nehe vai kadikamu tea huri na doridorimiu. A kinau tuaki, vae na venatu vaki maikamu nari vai tabetabekinira.