Read West Ambae GALESIA 1 Bible Online

GALESIA 1 - West Ambae bible

GALESIA 1

¹I nau i Pol, nu uli na leo hika lakwakamu hi a kwarelua* noi Jisas lo gwatugwatui-vanua Galesia. I nau a kaihora* kokona, vae hete tangaloi kwara u kwareau, vunu vake hete tangaloi kwara u rivukiau. I Jisas Kraes* mai God a Tamaki, aia hi mo rakati Jisas tina mateana, i rarua raru rivukiau. A ratua savia lo vanua hike rau bulu maiau keu bete a nomai lagwaana lakwakamu.

³A tangaroa karea hika lakwakamu. I God i Tamada, mai Jisas Kraes a noda Hugwe, raru ne hago maikamu kina nogaru domi tabetabe lakua, vake raru ne bete na magemuana ne eno maikamu.

⁴I Kraes u tirakinia sibona mo mate huri na noda vaivai hati kwara ne teri na hatiana na varamana hika tikita. Mo mate hokinia hi u taritarisa lo domikiana noi God i Tamada.

⁵Ta tabe hakeki na hina i God vaki tuai, a gwereki tikei. Amen*.

⁶Nu idila haburu kikamu. I God u kwarekamu kina domi tabetabe lakua noi Kraes*, vunu he tuai tea vohoki, tulu mo maraka tulu mo kwalao ti God. Vunu hika tulu mote kwiribibi na leo dolua vake hi kwara aia hoki na Roro Karea.

⁷Vae a roro karea dolua tikei vake, huri a Roro Karea katukwale vohoki. Nu viti kwehi huri a tangaloi ratuaki rau tuku sinasinakamu, rau lengaia kwara rana bohiki na Roro Karea noi Kraes ne mulemai kina leo dolua.

⁸Kwara vae diko i kami, diko te kaihora tina taetae, diko te hava tangaloi tea, ne heretuvaki na roro karea dolua tiua hi kemo heretuvakinia ba, u taritarisa kwara a tangaloi aia hi ne kwali na kakadiki lolo kabu huri.

⁹Keu vitia tuai, vae hika nu vitia taliku. Diko te tangaloi ne heretuvaki na roro karea lakwakamu u dolua tiua hi tulu lavia ba, u taritarisa kwara ne kwali na kakadiki lolo kabu huri.

¹⁰?I kamu tulu domi kwara nu lengaia kwara a tangaloi rana lagwa maiau? !Hetea! I nau nu lengaia kwara i God ne lagwa maiau ?Tulu domi kwara i nau nu vai kwara a tangaloi kehekeheki rana lagwa mana nogu bolokiana? Kwara vae diko nu vai kwehi, i nau hete tangaloi boloki bakoto noi Kraes.

¹¹Rabela. U karea kwara na matangwasaraki lakwakamu kwara a Roro Karea hi nomo toko heretuvakinia, he vanamai tea tina tangaloi.

¹²I nau nohe lavia tea tina tangaloi, vake a tangaloi he huhuiau te kinia. Vae i Jisas Kraes* sibona aia u vosangiau kinia.

¹³Tulu rongo na doridorigu ba, kwara tomua lolona nomo huri na huhuiana nona gwaloana noi Isrel* radu nga, nomo toko vai bulakiki na kwarelua noi God haburu vohoki. Tigwaravu nomo toko vai kwara na magaraki na kwarelua* vano hi.

¹⁴A doridorigu lo hala na huhuiana nona gwaloana noi Isrel, u sileti na gwaloana noi Isrel rusa aira hi a nogu tataulu, huri nu huira kwara na kwiribibi na huhuiana mana doridori i ratubugu kwara ne madi.

¹⁵Vae i God u mataiau ba, i nau lolo tirae i retahigu radu nga. Lo nona domi tabetabe lakua mo kwareau kwara na mulemai kina bulana tangaloi, vunu u lagwa

¹⁶mo vosangi Natuna lakweau, kwara na matangwasarakinia lakwa na tangaloi tavalavarea tina gwaloana noi Isrel. Vae lo taro hi nahe soro te kikikila tina tangaloi,

¹⁷vake nohe galo hake tea vaki Serusalem kwara na tagai na tangaloi aira hi rau kwareki a kaihora* kokona tomuakiau. Vae nu hena nu vano vaki Arevia, vunu nomori mulemai vaki Damaskes.

¹⁸A hukao kaitolu koro, vunu nomori galo hake vake Serusalem kwara na rongo te leo ti Pita, nu hugu maia a rani hangavulu dongwana kailima.

¹⁹Nohe tagai na kaihora kokona te vano hi ratuaki, kehekeheki i Semis hi i tua i Jisas, a noda Hugwe.

²⁰I God aia a nogu hagoleo, a havakinau hi nomo uli lakwakamu u kareaki, hete kurakura luna.

²¹Vunu nomo vano vaki lolo vanua Siria mana vanua Silisia.

²²A kwarelua noi Kraes lolo gwatugwatui-vanua Sutia rahe tagaiau te radu nga.

²³Ramo rongo na rorogu kehekeheki kwara, “A tangaloi hini tomua mo toko vai bulakikikita, mo vai kwara ne vai suri na noda hauhuriana, vae hika u tuku heretuvaki na hauhuriana hi.”

²⁴Vunu aira ramori kaluhaki God huriau.