Read West Ambae 1 TESALONAEKA 3 Bible Online

1 TESALONAEKA 3 - West Ambae bible

1 TESALONAEKA 3

¹Karea, keu hugu vakahao tikamu mo vanovano kehe rongo karea tea. Hikani kemo tovotovo kwara i kamirua mai Saelas keru ne hugu Atens,

²vae i Timoti keru hokakinia mo venatu vaki maikamu. Aia i tuada katukwale hinea u vai a bolokiana na noda Hugwe maikamirua, kemo heretuvaki na Roro Karea huri Kraes*. Keru hokakinia kwara ne kwahabibikamu kwara tulu ne tu ne madi, vae ne hago mana nomiu hauhuriana

³kwara hete katukwale tikamu ne sovi huri na tangaloi hinea rau tuku vai bulakikikamu. I kamu tulu kikilai vunu ba kwara a domikiana noi God kwara a tangaloi rana vai bulakikikita hokinia hi.

⁴Lolona i kami keu hugu radu nga maikamu keu viti tomuaki lakwakamu kwara vae rana vai bulakikikita kwehi. Vunu tulu kikilai vunu ba kwara a kinau aira hi rau mule luna kareaki hokinia kemo vitia.

⁵Vae lolona keu hugu vakahao tikamu mo tuai hokinia hi, kehe rongo karea te vohoki, vae huri hi nomo hokaki i Timoti kwara ne rongo tikamu kwara a nomiu hauhuriana u huira diko hetea. Nu mala mataku kwara i Setano hinea u tuku sina na tangaloi ne mai sinakamu, vae a nomai bolokiana ramai mule ki kinau vuroki.

⁶Rabela. Hikani i Timoti u mulemai tikamu ba mo viti a roro karea lakwakami huri na nomiu hauhuriana mana nomiu lagwaana. Vunu mo viti vake lakwakami kwara tigwaravu tulu domidomi lumai kina lagwaana, tulu lengaia haburu kwara tulu ne tagaikami hokinia hi i kami kemo lengaia haburu kwara kena tagaikamu.

⁷Vae rabela, huri na kinau vano hi lo taro hinea a domimai mo kwalao laliki, kemo rongo hati haburu, vae a roromiu huri na nomiu hauhuriana u rakati na domimai.

⁸Lolona kemo rongo kwara tulu hariki lo noda Hugwe*, tulu tu u madi, aia hokinia kwara keu ahi taliku.

⁹Kenahe vai lai tea kwara kena lagwaki God hurikamu kwara ne taritarisa, huri u havutikami haburu koro na nako na noda God hurikamu.

¹⁰U rani u bongi keu tiutangaroa karakara kwara tana tagatagaikita ki nakoda. Keu lengaia kwara kena hago maikamu lo havakinau hinea tulu lengaia lo nomiu hauhuriana.

¹¹Keu tiutangaroa kwara a noda God sibona hinea i Tamada mana noda Hugwe i Jisas ranaru vai na halamai kwara kena venatu vaki maikamu.

¹²Hikani tulu lagwalagwa maikamu, vunu vake tulu lagwa mana tangaloi savia. Vae keu tiutangaroa kwara a noda Hugwe ne vai na nomiu lagwaana hi ne matala ne toko lakua vakevake, vae ne hoki na nomai lagwaana hurikamu.

¹³Lo hala aia hi i God neri vaikamu tulu ne huira. Vae lolona a noda Hugwe i Jisas ne mulemai taliku mana nona tangaloi savia, lo rani hi tulu ne tu lai koro na nako i Tamada i God, tulu ne kokona tulu ne bakoto.