Read West Ambae HIBRU 5 Bible Online

HIBRU 5 - West Ambae bible

HIBRU 5

¹Tau kikilai kwara vatavataha na hugwe na tangaloi* lingilingi, i God u vivilokinira tina tangaloi ratuaki, mo rivukira kwara rana boloki nona huri na tangaloi savia. A hugwe na tangaloi lingilingi u tuku bete a hilehile nona tangaloi lakwai God, u kwohi mate a kairoroi* huri na hatiana nona tangaloi.

²Tigwaravu u tuku vai na domina u bua mana tangaloi hinea rahe kikilai tea kwara rau vai na kinau hati, maira hinea rau vai vakasile, huri aia vake a nona huirana tikei, u tuku vai vakasile.

³A hugwe na tangaloi lingilingi a nona huirana tikei, vae huri hi mo toko kwohi mate a kairoroi, hete huri na hatiana nona tangaloi maira kehekeheki, vae aia vake.

⁴A tangaloi nehe matai lavia tea sibona kwara ne lavi na hina lakua hi ne kwareki a hugwe na tangaloi lingilingi. I God kehekeheki aia u vai lai mo kware lavi na tangaloi kwara ne lavi na bolokiana nona hugwe na tangaloi lingilingi, hokinia hinea mo kware i Eron tuai.

⁵Vae lo hala hokinia hi i Kraes* he lavi na hina lakua hi te sibona kwara ne kwareki a Hugwe na Tangaloi Lingilingi. Vae i God mo rivukia, mo viti lakwae kwara, “I nigo i Natugu. Hika karagwa nu kwareki i Tamamu bakotoki.”

⁶Vunu mo viti lo mahigwa na leo dolua vake kwara, “I nigo a tangaloi lingilingi hoki na tangaloi lingilingi hi i Melkisedek tuai, vae kona tu lo boloki hi vaki tuai a gwereki tikei.”

⁷I Kraes, lo nona tokaana hike lo varamana mo tiutangaroa lakwai God, mo uduhuri a kinau kinia, mo ngara karakara, a mena tinangi ramo huki tina matana. I God a nona huirana eia kwara ne vakahikinia tina mateana, vae huri i Kraes mo lailai hivokinia u domi mavaki God, i God mo rongohuria.

⁸Venaha diko aia i Natu i God, vae lalahi na nona rongoana hati lo tarabehina, mo huhui na hala na rongorongohuri.

⁹Vae huri na kinau hi i God mo vaia mo mulemai kina tangaloi bakotoki na vakahiki tangaloi, aia u vakahiki lavi na tangaloi savira hinea rau rongohuria, vae ne kwiribibira vaki tuai.

¹⁰Hikani i God u bete na hina hi lakwae kwara ne kwareki a Hugwe na Tangaloi Lingilingi hoki i Melkisedek tuai.

¹¹A nomai leo u rusa kwara kena viti lakwakamu huri na kinau hi, vae u madi haburu kwara kena matangwasaraki vunuhira lakwakamu, huri a domimiu rau keokeo haburu, tulu he vai lai tea kwara tulu ne rongo kikilaki na kinau heheri.

¹²Tulu rongo na leo i God tuai mo vano tarisaki na hika, vae u taritarisa hika kwara tulu ne huhui na tangaloi kinia, vae tulu he kikilai te radu. I kamu tulu lengaia kwara a tangaloi ne huhuikamu taliku kina gwataki na leo vano hi. Aia hokinia kwara tulu mule taliku, tulu he kani lavi na hinaka madi tea, tulu kanikani ti raretahimiu kehekeheki.

¹³Aira hinea rau kanikani ti retahiga aira a natu radu nga, vae rahe vai lai tea kwara rana kikilai na huhuiana huri na bakotoana.

¹⁴Vae a hinaka madi, a kaga hinea rau ngwarasea ba, hinea rau vaivai rongo tuai, vae hika rau vai lai kwara rana taga kwaheki na kinau hinea rau karea tiura hinea rau hati.