Read West Ambae 1 SIONE 1 Bible Online

1 SIONE 1 - West Ambae bible

1 SIONE 1

¹A nomai leo hika kemo ulia lakwakamu huri na leo na ahiana, aia hi u toka vanamai evina kinia a varamana u tikei radu nga. Keu rongoa, vunu keu tagaia kina matamai. Kareaki keu tagaia vunu a kabamai mo kihia.

²Hokinia kemo hago leo huria, kemo viti huria lakwakamu kwara a Ahiana hi vaki tuai u hugu mana Tamaki tomua, vae hika a Tamaki mori vosangia lakwakami kemo tagaia.

³A havakinau hi keu taga keu rongo, kemo viti lakwakamu vake, kwara vae i kamu vake tulu ne bulu maikami lo nomai bulubulu mana Tamaki mai Natuna i Jisas Kraes*.

⁴Keu uli na leo hikani lakwakamu kwara vae i kita vunu ne havutikita tigwaravu.

⁵A leo aia hika kemo rongoa ti Natuna kemo viti huria lakwakamu kwara, “I God aia a leleha, a dodoki tikei luna vohoki.”

⁶Vunu diko i kita tana viti tau bulubulu katukwale maia, vae lo taroki hini tau toka lolo dodoki radu nga, tau kura vunuhia lolo leoda, vake lo doridorida.

⁷Vae diko tau toka lolo leleha, hokinia hi aia u toka lolo leleha, vae tau bulubulu katukwale, vunu a dai i Natuna i Jisas ne toko vaikita tana ngwasara tina noda vaivai hati doluaki.

⁸Vae diko tau viti kwehi kwara a noda vaivai hati tikei, tau kwaha saloia, a vitikareaki u tikei luda.

⁹Vae diko tau teteraki savi na noda vaivai hati lakwai God, tana hauhuri luna huri nona tulikileo toko he sovi tea, aia u vai kinau u bakoto tigwaravu, vae neri domidomi koro noda vaivai hati ne vaikita tana ngwasara tina noda vai vakasileana doluaki.

¹⁰Vae diko tau viti kwara tahe toko vai te doridori hati, vae hokinia hi tau viti kwara i God aia a tangaloi kurakura. Hika u vosangi kwara a nona leo he eno te luda vohoki.