Read Western Dani Wakkagagerak 36 Bible Online

Wakkagagerak 36 - Western Dani bible

Wakkagagerak 36

¹At Etawu endage ambi Erom aret me, at nogo paga wiganak inendage yi aret o.

²At Etawu nen kumi Kanan mendek ineebe kenagan wogonabeegerak nogo ti, ambi aap Ket mendek Elon apuluk kwe endage Ara wagangge, ambi aap Kewi mendek Tibeyon ombooluk Ana apuluk kwe endage Okolibama wagangge,

³ ndi, aap Itamayen apuluk, Nebayot awuluk kwe endage Mbatamat wagangge, eereegerak.

⁴Togop aret wogonake mbareegi, at kwe Ara nen Etawu obaane'me aagaluk Elipat aret ndake, kwe Mbatamat nen aagaluk Erekuwen ndake,

⁵ndi, at kwe Okolibama nen aagalogwe Yewuti togon, Yayelam togon, Kora togon, ndaganake, eereegerak. At Etawu apuri yi, o Kanan logonet, ndaganabeegerak.

⁶At Etawu Yakup imbirak inamindik-inamendek inom, inaanggumi inom, mondok alik negen agagerak me, ndi, o nogo mbuuluk me, iri'ngga nonggo logorak meek age mbareegi, at Etawu nogo akuwi-apuri wologwe-komologwe inom, at inom menggaarak inom, at aanggumi kambin-ndomba inom, aanggumi keledai-unta inom, amindik-amendek o Kanan logonet, kuwak eekkolage nagagerak inom, abok aret kolage nagagerik, Yakup o nogome wonage kagak, at o alik nda time aret nagagerak.

⁸Nage nagagerik, at Etawu endage ambi Erom aret me, o Teyit nggelok-nggobok time aret ye mbanggolagagerak.

⁹Aakumi Erom mendek inogoba Etawu o Teyit nggelok-nggobok me logonet, at paga wiganak inendage yi o.

¹⁰At Etawu apuri inendage ti, kwe Ara aagaluk endage Elipat. Ndi, kwe Mbatamat aagaluk endage Erekuwen aret ndaganabeegerak.

¹¹At Elipat nogo apuri inendage Teman, Omat, Tepo, Nggayetam, Kenat, aret ndaganabeegerak.

¹²Ndi, Etawu apuluk Elipat ayeloman mendek waganeegerak endage Timana nen Elipat obaane'me aagaluk wulaga endage Amalek ndareegerak. At Etawu ombowologwe kwe Ara aagaluk Elipat nen ndaganabeegerak nogo ti aret.

¹³Ndi, at Erekuwen apuri inendage ti, Nakat, Tera, Tiyama, Mita, aret ndaganabeegerak. At Etawu ombowologwe kwe Mbatamat aagaluk Erekuwen nen ndaganabeegerak nogo ti aret.

¹⁴Ndi, Etawu akwe aap Tibeyon ombooluk Ana apuluk kwe endage Okolibama nogo nen at Etawu apuri ndaganabeegerak inendage ti, Yewuti, Yayelam, Kora, nogo aret.

¹⁵At Etawu paga wiganak inoweewi nagawan inendage yi o. At Etawu aput manggu Elipat paga nen o Erom wigannogogwaarak inoweewi nagawan inendage ti, Teman, Omat, Tepo, Kenat,

¹⁶Kora, Nggayetam, Amalek aret. It aap yi nogo ti, kwe Ara owoowologwe aret.

¹⁷Ndi, at Etawu aput Erekuwen paga nen o Erom wiganak inoweewi nagawan inendage warak ti, Nakat, Tera, Tiyama, Mita nogo aret. It aap yi abok aret kwe Mbatamat owoowologwe mban aret o.

¹⁸Ndi, aap Ana apuluk Etawu akwe Okolibama nogo paga wiganak inoweewi nagawan inendage ti, Yewuti, Yayelam, Kora aret wigannogogwaarak.

¹⁹At Etawu endage ambi Erom nogo alik nen apuri ndaganabeegerak inom, ndi, at paga wiganak inoweewi nagawan inom, inendage ti aret o.

²⁰Aap Kori mendek endage Teyit apuri wigannogo nogogwaarik, o Erom wonogo logonet, aakumi Kori inoweewi nagawan wonogogwaarak inendage ti, Lotan, Tiyoban, Tibeyon, Ana,

²¹Nditiyon, Etet, Nditiyan, ti aret.

²²Aap Lotan apuri ti, Kori Keman imbirak aret. Ndi, Lotan awuluk kolaga ti endage Timana.

²³Aap Tiyoban apuri ti, Alawan, Manakat, Eban, Tiyepo, Onam, aret ndaganabeegerak.

²⁴Aap Tibeyon apuri ti, Aya Ana imbirak aret. At ogoba Tibeyon aanggumi keledai wogoren karume time nege logonet, niyo eneeri aganggenggwi wungge kwaareegerak nogo ti, at Ana aret.

²⁵Ndi, at Ana apuri ti, Nditiyon inom, kolaga Okolibama inom, ndaganabeegerak. Ndi, at Nditiyon apuri ti, Kemaran, Etiban, Yitaran, Keran, aret ndaganabeegerak.

²⁷Ndi, at aap Etet apuri ti, Mbilakan, Taawan, Akan aret.

²⁸Aap Nditiyan apuri ti, Ut Aran imbirak aret.

²⁹It aakumi Kori mendek inoweewi nagawan inanebunu lombok o Teyit wigannogogwaarak ti, aap Lotan, Tiyoban, Tibeyon, Ana, Nditiyon, Etet, Nditiyan, nogo aret.

³¹It aap Iterali mendek inendagembogut awo mi'naga'lek iigak, aap inendagembogut o Erom arum wonogogwaarak inendage nogo yi aret o.

³²Aap Mbeyot aput Mbela awi Ndinakaba logonet, o Erom arum wonagagerik,

³³kangge kagak, obaane'me Tera aput Yobap awi Mbotara mendek endagembogut mippereegwaarak.

³⁴Kangge kagak, obaane'me Kutiyam awi Teman mendek endagembogut mippereegwaarak.

³⁵Mippereegwaarak wonagagerik, kangge kagak, obaane'me aap Mberat aput Karat awi endage Awit mendek mippereegwaarak. Mippogo mbareegwa, o Mowap time aap Miriyan mendek tebenogo piyareegerak nogo at aret.

³⁶O Erom arum wonagagerik, kangge kagak obaane'me Tamala awi Matereka mendek mippereegwaarak.

³⁷Mippereegwaarak wonagagerik, kangge kagak obaane'me Tawut awi Erekobot yi aa'nggi paga mendek mippereegwaarak.

³⁸Mippereegwaarak wonagagerik, kangge kagak, obaane'me Akobot aput Mba'an-Kanan mippereegwaarak.

³⁹Mippereegwaarak wonagagerik, kangge kagak, obaane'me Karan awi endage Pawu mendek mippereegwaarak. Akwe ti, at Metakap ombooluk kwe Materet aagaluk me, endage Meketaben aret wonagagerak.

⁴⁰Ndi, at Etawu paga wigannogo nogogwaarik, inoweewi nagawan nen inawi endage toonak kwak inanebunu toonggologogwaarak nogo inendage alitik-alitak yi o. Timana, Alawa, Yetet, Okolibama, Ela, Pinon, Kenat, Teman, Mibatat, Magiriyen, Iram. It aap yi ti, aakumi o Erom inoweewi nagawan inawi wonogwe endage toonak ndak-ndak toombatinuk wonogogwaarak nogo aret. It aap yi ti, aakumi Erom mendek aret me, inogoba Etawu aret.