Read Western Dani 1 Mbinineegwaarak 2 Bible Online

1 Mbinineegwaarak 2 - Western Dani bible

1 Mbinineegwaarak 2

¹At Iterali apuri aap ndaganabeegerak nogo ti, Uruben, Timeyon, Lewi, Yekura, Itakat, Tebulon,

²Ndan, Yutup, Mbeniyamin, Natali, Nggat, Atet aret.

³Aap Yekura nen apuri aap ndaganabeegerak ti, Et, Onan, Tiyela aret. At obaane'me apuri kenagan ti, akwe Kanan mendek Mbatiyuwa aagalogwe ti aret. Manggu ndareegerak Et nogo, Aliku ALA enegen kagak, maluk mban eerit nage mbareegi, Aliku ALA nen warogo pereegerak.

⁴Ndi, Yekura nen ayinggelo kwe Tamat wagangge nagagerik, obaane'me Peret Tera imbirak ndaganabeegerak me, at apuri ineebe lambunik ti, 5 aret.

⁵At Peret nen apuri aap ndaganabeegerak ti, Ketoron Kamun imbirak aret.

⁶At Tera nen apuri aap ndaganabeegerak ti, ineebe 5 Timiri, Etan, Keman, Kalokon, Ndara aret.

⁷ At Karimi nen aput aap ndareegerak ti, Ala nen, “Nake leenak mendek woorak mage,” yereegerak kagak waganeegerak paga, Iterali aaninggin inoba kwi'nagagerak Akat nogo aret.

⁸Ndi, at Etan nen aput aap ndareegerak nogo ti, Atariya aret.

⁹At Ketoron nen apuri obaane'me ndaganabeegerak ti, Yeramen, Aram, Kalep, nogo aret.

¹⁰Ndi, at Aram nen Aminarap ndake, at Aminarap nen it aakumi Yekura mendek inowe endage warak Nakaton nogo ndake,

¹¹at Nakaton nen Talomon ndake, at Talomon nen Mbowat ndake,

¹²at Mbowat nen Obet ndake, at Obet nen Itayi ndake, eereegwaarak.

¹³At Itayi nen aput manggu Eliyap ndake, at ambo'me Abinarap, at ambo'me Timeya,

¹⁴at ambo'me Netanen, at ambo'me Ararayi

¹⁵at ambo'me Otem, ndi, at ambo'me Ndawut aret ndake, eereegerak.

¹⁶Ndi, it iniriwi komologwe nogo ti, Teruya Abigayin imbirak ndaganabeegerak. At kwe Teruya nen aagalogwe Abitayi, Yowap, Atayen, ndaganabeegerak.

¹⁷Ndi, at Abigayin nen aagaluk Amata ndareegerak. At Amata ogoba ti, aap Itamayen mendek endage Yetet aret.

¹⁸Aap Ketoron aput Kalep nogo, kwe Atuba wagangge nagagerik, apuluk kolaga Yeriyot ndareegerak. Kwe Yeriyot aagalogwe aap ndaganabeegerak nogo ti, Yetiyet, Tobap, Aroron aret.

¹⁹At akwe Atuba nogo kangge mbareegi, at Kalep nen kwe Eparat wagangge nagagerik, obaane'me aput Kut aret ndareegerak.

²⁰Ndake mbareegi, at Kut nen Uri ndake, Uri nen Mbetalen ndake, eereegwaarak.

²¹Ti'nuk, peebi at Ketoron nogo ndarak kagak tahun 60 agagerak me, aap Nggileyat ogoba Makit apuluk wagangge nagagerik, imbirak nogo yogo logonet, abila a'nuk, aagaluk at obaane'me aap Tegup aret ndareegerak.

²²Ndi, at Tegup nen aput Yayit aret ndareegerak. Ndake mbareegi, at Tegup nogo o Nggileyat kota 23 unde wonagagagerak.

²³Unde wonagagerak kwe, at Nggetut inom, Aram inom, nen it aakumi Yayit wonogo menggam yaga'lelo-yaga'lelo inom, kota Kenat inom, enaagan-ambokan yaga'lelo mbuulogwe inom, lambuk togon kota 60 wonage nogo, tebenit nogogwaarak. O kota-kota time wonogogwaarak nogo ti, aap Nggileyat ogoba Makit paga wiganak nogo wonogo menggam aret o.

²⁴Ndi, at aap Ketoron nogo kangge mbareegi, at Kalep nogo at ogoba togwe kwe Eparat wagangge nagagerik, at obaane'me aap Atikut ndareegerak. At nen o Tekowa nambit-mbit wurogo pereegerak me, inogoba at aret agagerak.

²⁵At Ketoron aput manggu Yeramen nen apuri aap ndaganabeegerak ti, at aput manggu Aram ndake nagagerik, apuri Mbuna, Oren, Otem, Akiya, ndaganabeegerak.

²⁶At Yeramen nogo, kwe alik ambi endage Atara aret waganeegerak. At aagaluk ti, Onam aret ndareegerak.

²⁷At Yeramen aput manggu Aram ndareegerak nogo nen apuri aap ndaganabeegerak nogo ti, Maat, Yamin, Eket aret.

²⁸At Onam nen apuri aap ndaganabeegerak nogo ti, Tamayi Yara imbirak aret. At Tamayi nen apuri aap ndaganabeegerak ti, Narap Abitut imbirak aret.

²⁹At Abitut nogo, kwe endage Abikayin waganeegerak me, at obaane'me aagalogwe Akaban Molit imbirak aret ndaganabeegerak.

³⁰At Narap nen apuri aap ndaganabeegerak ti, Telet, Apayim aret. At Telet nogo apuri ndaganaka'lek kagak kambeegerak.

³¹At Apayim nen aput aap ndareegerak ti, Yiteyi aret. At Yiteyi nen aput Tetan ndake, ndi, Tetan nen aput Akalayi ndake, eereegwaarak.

³²At aap Tamayi awuluk Yara nen apuri aap ndaganabeegerak ti, Yetet Yonatan imbirak aret. At Yetet nogo apuri ndaganaka'lek kagak kambeegerak.

³³At Yonatan nen apuri aap ndaganabeegerak ti, Pelet Tata imbirak aret. At aap Yeramen nen apuri-ombowologwe wiganogo piyareegerak nogo ti aret.

³⁴At Tetan nogo apuri wologwe ndaganabulik komologwe mban ndaganabeegerak me, ayeloman o Metit mendek endage Yaraka aret.

³⁵At apuluk kolaga ambi at ayeloman Yaraka kolaawak nduk, wogoge mbareegi, kwe nogo nen ogoba obaane'me Atayi aret ndareegerak.

³⁶At Atayi nen aput Natan ndake, at Natan nen aput Tabat ndake,

³⁷at Tabat nen Epalan ndake, at Epalan nen Obet ndake,

³⁸at Obet nen Yeku ndake, at Yeku nen Atariya ndake,

³⁹at Atariya nen Kelet ndake, at Kelet nen Elata ndake,

⁴⁰at Elata nen Titamayi ndake, at Titamayi nen Talum ndake,

⁴¹at Talum nen Yekamiya ndake, at Yekamiya nen Elitama ndake, eereegwaarak.

⁴²At Yeramen awuluk Kalep nen aput manggu Meta ndareegerak. At Meta nen aput Tip ndake, at Tip nen aput Mareta nake, at Mareta nen aap Keboron ndake, eereegwaarak.

⁴³At Keboron nen apuri aap ndaganabeegerak nogo ti, Kora inom, Tapuwa inom, Erekem inom, Tema inom, aret o.

⁴⁴At Tema nen aput Arakam ndake, at Arakam nogo nen aput Yorekeyam ndake, eereegwaarak. Ndi, at Erekem nen aput Tamayi ndake,

⁴⁵at Tamayi nen aput Mawon ndake, at Mawon nen aap Mbet-Tut ndake, eereegwaarak.

⁴⁶At aap Kalep akwe luulu wogo Epa nogo nen aagalogwe Karan inom, Mota inom, Nggatet inom, ndaganabeegerak me, at Karan nen aput Nggatet aret ndareegerak.

⁴⁷At aap Yokarayi apuri aap ndaganabeegerak ti, Eregem, Yotam, Nggetan, Pelet, Epa, Taap aret.

⁴⁸At Kalep akwe luulu wogo Maaka nogo nen aagalogwe Tebet inom, Tirakana inom, ndaganabeegerak.

⁴⁹At kwe ti nen, aap Maramana ogoba Taap ndake, it Makebena Nggibeya imbirak inogoba Tewa ndake, eereegerak. At Kalep apuluk kolaga ti, endage Akata aret.

⁵⁰At Kalep nen wiganogo piyareegerak nogo yi aret. At Eparata aput manggu Kut nen apuri aap ndaganabeegerak ti, it Kiriyat-Yeyarim wonogwe inogoba Toban inom,

⁵¹it Mbe'lekem wonogwe inogoba Talama inom, it Mbet-Nggaret wonogwe inogoba Karep inom, ndaganabeegerak.

⁵²It o Kiriyat-Yeyarim wonogwe inogoba Toban paga wiganak ti, it Karowe mendek inom, it Menukot mendek ando mogonak inom, wonogwe nogo aret.

⁵³Ndi, it aakumi Kiriyat-Yeyarim inanebunu wiganak nogo ti, Yetiri mendek inom, Puti mendek inom, Tumati mendek inom, Mitarayi mendek inom, aret o. It aakumi inanebunu ti nogo paga aakumi Tora mendek inom, Etitawon mendek inom, wigannogogwaarak.

⁵⁴At aap Talama paga wiganak nogo ti, it Mbe'lekem wonogwe inom, aakumi Netopa mendek inom, Atarot-Mbet-Yowap mendek inom, it Manati mendek eegu mogonak Tori mendek inom, nogo aret o.

⁵⁵It aap liiru mbangga abu ineenu mendek o Yabet wonogwe nogo ti, it aakumi o Tirati mendek inom, it Timati mendek inom, it Tukati mendek inom, it kunduk, aap Talama paga wiganak aret o. It nogo ti, Keni mendek aret. It Keni mendek ti, aakumi Erekap mendek inombo Kamat nen wiganogo piyareegerak nogo aret o.