Read Western Dani 1 Mbinineegwaarak 24 Bible Online

1 Mbinineegwaarak 24 - Western Dani bible

1 Mbinineegwaarak 24

¹At Karun apuri paga wiganak eeko logorak aap aago mogonogo piinet nagagerak nogo yi aret. At Karun nen apuri aap ndaganabeegerak nogo ti, Narap, Abiku, Eleyatat, Itamat aret.

² At Narap Abiku imbirak inogoba kangga'lek kagak, it aa'nduk kambeegwaarak o. Inapuri aap ndaganaka'lek kagak kambeegwaarak me, inawuri Eleyatat Itamat imbirak nen Ala unde logonet, eeko nogogwaarak.

³At Ndawut nogo nen it aap Karun paga wiganak Ala alut eeko menggam yabu ambokan-ambokan eeko logowak nduk, aap aago punogo piinet nage kagak, at Eleyatat paga wiganak Tarok inom, at Itamat paga wiganak Akimelek inom, nen Ndawut yeenggwaago nogogwaarak.

⁴At Eleyatat paga wiganak nogo ineebe ambik aret wonogwe, ndi, at Itamat paga wiganak nogo ti, ineebe we mbereeluk mban wonogwe, eerak me, koonogo piige logonet, it Eleyatat paga wiganak nogo, ndarak ndegek inoweewi ineebe 16 aret me, it ndak-ndak aret koonogo piige, ndi, at Itamat paga wiganak nogo, ndarak ndegek inoweewi ineebe 8 aret me, ti ndak-ndak aret koonogo piige, eereegerak.

⁵At Eleyatat paga wiganak inom, at Itamat paga wiganak inom, Ala awi wurik mage menggim yabu eekwi, it Ala unde logonet eekwi, eeko nogogwaarak me, inete lombongga'lek logonet, ineyabu eeko logorak yugum paga wakkaanuk, mogonogo piyareegerak.

⁶Aap endagembogut inom, awuri inom yabu eeka inom, Ala unde Tarok inom, Abiyatat aput Akimelek inom, Ala unde ndarak ndegek inoweewi inom, it Lewi mendek ndarak ndegek inoweewi inom, abok aret inigen iigak, at Eleyatat paga wiganak inom, at Itamat paga wiganak inom, ineyabu eeko logorak yugum paga wakkaanuk, yugum wo'narok inowagam ari nagagerak kenok, aap Lewi mendek Netanen aput aap liiru mbangga Temaya nogo nen inendage liiru mbaneegerak. Eleyatat paga wiganak inom, Itamat paga wiganak inom, nen ambo'me-ambo'me yugum paga wakkogo logonet,

⁷iyaalok aap Yoyarip owagam ari nage, ambokan aap Yeraya owagam ari nage,

⁸ambokan aap Karim owagam ari nage, ambokan aap Teyorim owagam ari nage,

⁹ambokan aap Malikiya owagam ari nage, ambokan aap Miyamin owagam ari nage,

¹⁰ambokan aap Kakot owagam ari nage, ambokan aap Abiya owagam ari nage,

¹¹ambokan aap Yetuwa owagam ari nage, ambokan aap Tekaniya owagam ari nage,

¹²ambokan aap Eliyatip owagam ari nage, ambokan aap Yakim owagam ari nage,

¹³ambokan aap Kupa owagam ari nage, ambokan aap Yetebeyap owagam ari nage,

¹⁴ambokan aap Mbilaga owagam ari nage, ambokan aap Imet owagam ari nage,

¹⁵ambokan aap Ketit owagam ari nage, ambokan aap Kapitet owagam ari nage,

¹⁶ambokan aap Petaya owagam ari nage, ambokan aap Yeketeken owagam ari nage,

¹⁷ambokan aap Yakin owagam ari nage, ambokan aap Nggamun owagam ari nage,

¹⁸ambokan aap Ndelaya owagam ari nage, ambokan aap Maatiya owagam ari nage, eereegerak nogo ti aret.

¹⁹Eeke mbareegi, at Aliku ALA awi wurik me unggunuk, eeko logorak Aliku Iterali inogoba Ala nen inombo Karun wone lengganogo yoreegerak nogo ndak-ndak, it Ala awi wurik me unggwi nanuk, ineyabu ambokan-ambokan eeko logorak koonogo piyareegerak nogo ti aret.

²⁰It aap Lewi paga wiganak ando inendage liiru mbanak yi aret. Aap Amaram paga wiganak, Tubayen. Aap Tubayen paga wiganak, Yekereya.

²¹At Erekabiya paga wiganak inowe Yitiya.

²²At Yitakat paga wiganak ti, Telomot. At Telomot paga wiganak ti, Yakat aret.

²³At Keboron nen apuri aap ndaganabeegerak ti, manggu Yeriya, at ambo'me Amariya, at ambo'me Yakatiyen, at ambo'me Yekameyam, aret me, it inowe ti, Yeriya aret.

²⁴At Utiyen aput Mika aret. At Mika ndaganabeegerak aap ambi Tamit aret.

²⁵Ndi, at Mika awuluk Yitiya. At Yitiya ndaganabeegerak aap ambi Takariya.

²⁶At Merari nen apuri aap ndaganabeegerak Makili Muti imbirak aret. At Yaatiya aput Mbeno.

²⁷At Merari aput Yaatiya paga wiganak ti, Mbeno, Tiyokam, Takut, Kibiri aret.

²⁸At Makili paga wiganak ti, Eleyatat aret kwe, at obaane'me aap ambi piyoolik aret.

²⁹At Kiti paga wiganak ti, Yerakamen aret.

³⁰At Muti nen apuri aap ndaganabeegerak ti, Makili, Eret, Yerimot aret. It Lewi mendek ndarak ndegek inoweewi inendage nogo ti aret.

³¹It ti, inoreewi Karun paga wiganak nogo nen aap endagembogut Ndawut inom, Tarok inom, Akimelek inom, it aap Ala unde ndarak ndegek inoweewi inom, it aap Lewi mendek ndarak ndegek inoweewi inom, inigen iigak, yugum paga wakkaanuk, ineyabu eeko logorak unde eeppiyareegerak kwak, it ndak-ndak aret, “Yi mbuuluk, yi nggwok,” mbaka'lek logonet, it abok yugum paga wakkaanuk, ineyabu unde eeppiyareegerak.