Read Western Dani 1 Mbinineegwaarak 25 Bible Online

1 Mbinineegwaarak 25 - Western Dani bible

1 Mbinineegwaarak 25

¹Ala alut eeko logonet, nggitat mbuuluk inom, nggwok inom, togolowak tabak oone pu ndale eekak inom, oone eekwi iigak, Ala nen yorage kenok, yorogo logowak nduk, at Ndawut inom, it aap ineegin warak inoweewi inom, nen, it aap Atap apuri inom, aap Keman apuri inom, Yerutun apuri inom, leenogo piyareegwaarak inendage nogo yi aret.

²At Atap apuri inendage ti, Takut, Yutup, Netaniya, Atarela aret. At Atap apuri ti, inogoba Atap nen, “Yoret o,” yorage kenok, yorogwe, ndi, at Atap perak, aap endagembogut Ndawut nen, “Yoret o,” ari kenok, Ala wone yorage, eeko nogogwaarak.

³At Yerutun apuri inendage ti, ineebe 6, Nggeraliya, Teri, Yetaya, Timeyi, Katabiya, Matika, aret me, it inogoba Yerutun nogo nen, “Yogop yoraanip o,” yorage kenok, yorogo nogogwaarak. Ndi, inogoba Yerutun nogo nen nggitat oone eeke logonet, Aliku ALA alut eeke, “Wa!” yoge, eeke nagagerak.

⁴At Keman apuri inendage ti, Mbukiya, Mataniya, Utiyen, Tebuwen, Yerimot, Kananiya, Kanani, Eliyata, Nggiraliti, Oromamiti-Etet, Yotebekata, Maloti, Kotit, Makatiyot aret.

⁵It yi abok aret aap endagembogut abi kage kenok, yoga at Keman nogo apuri aret. At Keman endage nggwok aruwak nduk, Ala nen, “Kapuri ambik aret wokkirigin o,” yinuk, yoreegerak paga at apuri aap ineebe 14, ndi, komologwe ineebe kenagan aret wogoreegerak.

⁶At Keman apuri ti, abok aret nen Aliku ALA awi wurik me Ala alut eeko logonet, it nen togolowak tabak oone pu ndale eekak inom, nggitat nggwok inom, mbuuluk inom, eeko nogogwaarak me, inogobamini yorogwe iinok eekwi, ndi, it inogobamini Atap inom, Yerutun inom, Keman inom, ti, aap endagembogut nen yorage kenok, eekwi, eeko nogogwaarak.

⁷It yi inom, inoreewi ando ambik aret inom, Aliku ALA alut eekugak yi mendek ndi mendek oone eekak paga eekwi abu kani warak lombok ineebe lambunik ti, dua ratus delapan puluh delapan aret.

⁸“Inanggok inom, tawe inom, wone mamuniraga inom, mamunggolaga inom, abok ndak-ndak,” mba'nuk, ineyabu ambokan-ambokan eeko logorak kin age kaawok nduk, yugum paga wakkogogwaarak. Wakkogo logonet,

⁹inaa'nduk lombok inowagam ari nagagerak nogo ti, at Atap paga wiganak Yutup owe-awot apuri inom ineebe 12 inowagam ari nage, ambokan wakkogogwaarak nogo, at Nggeraliya owe-awot apuri inom ineebe 12 inowagam ari nage,

¹⁰ambokan wakkogogwaarak nogo, at Takut owe-awot apuri inom ineebe 12 inowagam ari nage,

¹¹ambokan wakkogogwaarak nogo, at Yitiri owe-awot apuri inom ineebe 12 inowagam ari nage,

¹²ambokan wakkogogwaarak nogo, at Netaniya owe-awot apuri inom ineebe 12 inowagam ari nage,

¹³ambokan wakkogogwaarak nogo, at Mbukiya owe-awot apuri inom ineebe 12 inowagam ari nage,

¹⁴ambokan wakkogogwaarak nogo, at Yetarela owe-awot apuri inom ineebe 12 inowagam ari nage,

¹⁵ambokan wakkogogwaarak nogo, at Yetaya owe-awot apuri inom ineebe 12 inowagam ari nage,

¹⁶ambokan wakkogogwaarak nogo, at Mataniya owe-awot apuri inom ineebe 12 inowagam ari nage,

¹⁷ambokan wakkogogwaarak nogo, at Timeyi owe-awot apuri inom ineebe 12 inowagam ari nage,

¹⁸ambokan wakkogogwaarak nogo, at Ataren owe-awot apuri inom ineebe 12 inowagam ari nage,

¹⁹ambokan wakkogogwaarak nogo, at Katabiya owe-awot apuri inom ineebe 12 inowagam ari nage,

²⁰ambokan wakkogogwaarak nogo, at Tubayen owe-awot apuri inom ineebe 12 inowagam ari nage,

²¹ambokan wakkogogwaarak nogo, at Matika owe-awot apuri inom ineebe 12 inowagam ari nage,

²²ambokan wakkogogwaarak nogo, at Yeremot owe-awot apuri inom ineebe 12 inowagam ari nage,

²³ambokan wakkogogwaarak nogo, at Kananiya owe-awot apuri inom ineebe 12 inowagam ari nage,

²⁴ambokan wakkogogwaarak nogo, at Yotebekata owe-awot apuri inom ineebe 12 inowagam ari nage,

²⁵ambokan wakkogogwaarak nogo, at Kanani owe-awot apuri inom ineebe 12 inowagam ari nage,

²⁶ambokan wakkogogwaarak nogo, at Maloti owe-awot apuri inom ineebe 12 inowagam ari nage,

²⁷ambokan wakkogogwaarak nogo, at Eliyata owe-awot apuri inom ineebe 12 inowagam ari nage,

²⁸ambokan wakkogogwaarak nogo, at Kotit owe-awot apuri inom ineebe 12 inowagam ari nage,

²⁹ambokan wakkogogwaarak nogo, at Nggiraliti owe-awot apuri inom ineebe 12 inowagam ari nage,

³⁰ambokan wakkogogwaarak nogo, at Makatiyot owe-awot apuri inom ineebe 12 inowagam ari nage,

³¹ndi, age yobok lombok wakkogogwaarak ti, at Oromamiti-Etet owe-awot apuri inom ineebe 12 inowagam ari nage, eereegerak nogo ti aret.