Read Western Dani 1 Mbinineegwaarak 6 Bible Online

1 Mbinineegwaarak 6 - Western Dani bible

1 Mbinineegwaarak 6

¹At Lewi apuri aap ndaganabeegerak ti, Nggeroton, Kekat, Merari aret.

²At Kekat apuri aap ndaganabeegerak ti, Amaram, Yitakat, Keboron, Utiyen aret.

³At Amaram apurilogwe ti, Karun, Muta, Miriyam aret. Ndi, at Karun apuri aap ndaganabeegerak ti, Narap, Abiku, Eleyatat, Itamat aret.

⁴Eleyatat nen Pinekat ndake, Pinekat nen Abituwa ndake,

⁵Abituwa nen Mbuki ndake, Mbuki nen Uti ndake,

⁶Uti nen Teraya ndake, Teraya nen Merayot ndake,

⁷Merayot nen Amariya ndake, Amariya nen Akitup ndake,

⁸Akitup nen Tarok ndake, Tarok nen Akimaat ndake,

⁹Akimaat nen Atariya ndake, Atariya nen Yokanan ndake,

¹⁰ndi, Yokanan nen Atariya ndake, eereegwaarak me, at Atariya nogo, at Talomo nen Ala awi Yerutalem wureegim nogome Ala unde logonet, eeke nagagerak.

¹¹At Atariya nen Amariya ndake, Amariya nen Akitup ndake,

¹²Akitup nen Tarok ndake, Tarok nen Talum ndake,

¹³Talum nen Kilikiya ndake, Kilikiya nen Atariya ndake,

¹⁴Atariya nen Teraya ndake, Teraya nen Yotarak ndake, eereegwaarak me,

¹⁵it Yerutalem mendek inom, Yekura mendek inom, at aap Nebukanetat nen kugun wogoren nawak nduk, Aliku ALA nen mbo piyareegerak me, wogoren mbo piya nage logonet, at Yotarak nogo, inom aret wonok nagagerak.

¹⁶ At Lewi apuri aap ndaganabeegerak nogo ti, Nggeroton, Kekat, Merari aret.

¹⁷At Nggeroton nen apuri aap ndaganabeegerak inendage ti, Libini Timeyi imbirak aret.

¹⁸At Kekat nen apuri aap ndaganabeegerak ti, Amaram, Yitakat, Keboron, Utiyen aret.

¹⁹At Merari nen apuri aap ndaganabeegerak ti, Makili Muti imbirak aret. At Lewi paga nen wigannogogwaarak inogobamini ndarak ndegek mugurok inendage mbanak nogo yi aret.

²⁰At Nggeroton paga wiganak ti, aput Libini aret. At Libini nen aput Yakat ndake, at Yakat nen aput Tima ndake, at Tima nen aput Yowa ndake,

²¹at Yowa nen aput Iro ndake, at Iro nen aput Tera ndake, at Tera nen aput Yeyatarayi ndake, eerit wundi wogogwaarak.

²²At Kekat paga nen wigannogogwaarak ti, aput Aminarap ndake, Aminarap nen aput Kora ndake, at Kora nen aput Atit ndake,

²³at Atit nen aput Elakana ndake, at Elakana nen aput Ebiyatap ndake, Ebiyatap nen aput Atit ndake,

²⁴at Atit nen aput Takat ndake, at Takat nen aput Uriyen ndake, at Uriyen nen aput Utiya ndake, at Utiya nen aput Tawun ndake, eerit wundi wogogwaarak.

²⁵At Elakana nen apuri wiganogo piyareegerak nogo ti, at aput Amatayi Akimot imbirak ndaganabeegerak.

²⁶At Akimot nen aput Elakana ndake, at Elakana nen aput Topayi ndake, at Topayi nen aput Nakat ndake,

²⁷Nakat nen aput Eliyap ndake, at Eliyap nen aput Yerokam ndake, at Yerokam nen aput Elakana ndake, at Elakana nen aput Tamuwen ndake, eerit wundi wogogwaarak.

²⁸At Tamuwen nen aput manggu Yowen aret ndake, at Yowen ambo'me Abiya ndake, eereegerak.

²⁹At Merayi nen apuri wiganogo piyareegerak ti, Makili aret. At Makili nen aput Libini ndake, at Libini nen aput Timeyi ndake, at Timeyi nen aput Uta ndake,

³⁰at Uta nen aput Timeya ndake, at Timeya nen aput Kagiya ndake, at Kagiya nen aput Ataya ndake, eerit wundi wogogwaarak.

³¹Ala aloobut mbanak wonok Aliku ALA awooliya wurik me pi unggwogogwaarak wonage kagak, time ndawi tiyanggo logorak unde logowak nduk, Ndawut nen aap mippiige mbareegi,

³²Ala inom lambungge menggim awooliya wurik me ndawi wako logorak wone koonogo pugu nogo ndak-ndak aret unde wonogwe iigak, aap Talomo nogo nen o Yerutalem Aliku ALA awi wureegerak me, it eeko nogogwaarak nogo

³³inapuri inom inendage yi aret. At aap Kekat paga wiganak nen eeke nagagerak nogo ti, at ndawi tiyangga Keman aret. At Keman ogoba Yowen. Yowen ogoba Tamuwen.

³⁴Tamuwen ogoba Elakana. Elakana ogoba Yerokam. Yerokam ogoba Eliyen. Eliyen ogoba Towa.

³⁵Towa ogoba Tup. Tup ogoba Elakana. Elakana ogoba Makat. Makat ogoba Amatayi.

³⁶Amatayi ogoba Elakana. Elakana ogoba Yowen. Yowen ogoba Atariya. Atariya ogoba Tepaniya.

³⁷Tepaniya ogoba Takat. Takat ogoba Atit. Atit ogoba Ebiyatap. Ebiyatap ogoba Kora.

³⁸Kora ogoba Yitakat. Yitakat ogoba Kekat. Kekat ogoba Lewi. Ndi, Lewi ogoba ti, at Iterali aret.

³⁹Ndi, at Keman eenggi abeme logonet, imbirak ndawi piyangga ti, Atap aret. At Atap ogoba Mberekiya. Mberekiya ogoba Timeya.

⁴⁰Timeya ogoba Mikayen. Mikayen ogoba Mbaateya. Mbaateya ogoba Malikiya.

⁴¹Malikiya ogoba Etayi. Etayi ogoba Tera. Tera ogoba Araya.

⁴²Araya ogoba Etan. Etan ogoba Tima. Tima ogoba Timeyi.

⁴³Timeyi ogoba Yakat. Yakat ogoba Nggeroton. Ndi, Nggeroton ogoba Lewi aret.

⁴⁴It inoreewi Merari mendek ambi at eenggi kwaare'me logonet, ndawi piyangga ti, at Etan aret. At Etan ogoba Kiti. Kiti ogoba Abari. Abari ogoba Maluk.

⁴⁵Maluk ogoba Katabiya. Katabiya ogoba Amatiya. Amatiya ogoba Kilikiya.

⁴⁶Kilikiya ogoba Amiti. Amiti ogoba Mbani. Mbani ogoba Temet.

⁴⁷Temet ogoba Makili. Makili ogoba Muti. Muti ogoba Merari. Ndi, Merari ogoba ti, Lewi aret.

⁴⁸At Ala inom lambungge menggim awooliya wurik me eeko logorak abok aret it inoreewi Lewi mendek ando nen unde eeppiyareegerak kwe,

⁴⁹at Karun apuri-ombowologwe inom perak, Ala ayeloman Muta nen wone lengganogo yoragagerak nogo ndak-ndak, Ala awooliya wurik Mage Lombok Menggim time aakumi Iterali inomaluk lek eerogo piyaawak nduk, nggami aanggo wakwi kwak, Ala ake warogo kani kunggak eerak paga inom, obari abe kaga nogo mendek kani kunggak ogobakkigirik paga inom, Ala ake kani kunggak yuwak nduk, mippiyareegerak.

⁵⁰It Karun paga wigannogogwaarak nogo ti, at Karun aput Eleyatat ndake, at Eleyatat nen aput Pinekat ndake, at Pinekat nen aput Abituwa ndake,

⁵¹at Abituwa nen aput Mbuki ndake, at Mbuki nen aput Uti ndake, at Uti nen aput Teraya ndake,

⁵²at Teraya nen aput Merayot ndake, Merayot nen aput Amariya ndake, Amariya nen aput Akitup ndake,

⁵³Akitup nen aput Tarok ndake, Tarok nen aput Akimaat ndake, eereegwaarak.

⁵⁴It Lewi mendek logorak yugum wakkogo logonet, aa'nduk it Karun paga wiganak aap Kekat mendek inowagam ari nagagerak me, it logowam inanggween inom, kota-kota inom, wogorogogwaarak nogo yi aret.

⁵⁵It Yekura inanggween paga kota Keboron inom, enaagan-ambokan tayorogon inaanggumi inagari'ngga nenet nugu logowam nggween inom, mogonogo it Kekat mendek wogorogogwaarak kwe,

⁵⁶o kota yendok-wandok yabu eeko menggam inom, yaga'lelo mbuulogwe inom, ti, at Yepune aput Kalep aret wogoreegwaarak.

⁵⁷Togop me, it Karun paga wiganak wogorogogwaarak nogo ti, aap ambi wappunuk, wakwi iyo, agap ndakko'nok unggwage logowam kota Keboron inom, Libana inom, Yatit inom, Etemowa inom,

⁵⁸Kilen inom, Ndebit inom,

⁵⁹Atan inom, Mbet-Temet inom, wogorogo logonet, o kota-kota ti, enaagan-ambokan inaanggumi inagari'ngga mbanogo nenet nugu logorak nggween inom wogorogwe,

⁶⁰at anebunu Mbeniyamin mendek inanggween mbanak paga kota-kota mogonogo it wogorogogwaarak ti, Nggeba inom, Alemet inom, Anatot inom, wogorogo logonet, kota-kota ti, enaagan-ambokan inaanggumi inagari'ngga mbanogo nenet nugu logorak nggween inom wogorogwe, eereegwaarak. O kota-kota it Kekat mendek tumburirogogwaarak nogo ti, lambuk togon 13 aret.

⁶¹It Kekat paga wiganak ando wogoraga'lek wogorogogwaarak ti, anebunu Manate mendek ando mogonak inanggween mbanak paga kota-kota wonage nogo, yugum paga wakkagak kota-kota ando mogonogo kota 10 wogorogwe,

⁶²Anebunu Itakat inom, anebunu Atet inom, anebunu Natali inom, anebunu Manate ando mogonak Mbatan wonogwe inom, inanggween mbanak paga kota-kota wonage nogo, yugum paga wakkagak kota-kota ando mogonogo it Nggeroton paga wiganak ndarak ndegek lombok mugurok kota 13 wogorogwe,

⁶³Anebunu Uruben inom, anebunu Nggat inom, anebunu Tebulon inom, inanggween mbanak paga kota-kota wonage nogo, yugum paga wakkagak kota-kota ando mogonogo it Merari paga wiganak ndarak ndegek lombok mugurok kota 12 wogorogwe, eereegwaarak.

⁶⁴It Iterali mendek nen kota-kota ti wogorogo logonet, enaagan-ambokan inaanggumi inagari'ngga mbanogo nenet nugu logorak nggween inom it Lewi mendek wogorogogwaarak.

⁶⁵Ndi, anebunu Yekura mendek inom, anebunu Timeyon mendek inom, anebunu Mbeniyamin mendek inom, inanggween mbanak paga kota-kota wonage nogo, yugum paga wakkagak kota-kota agi nggwe liiru mbanak nogo ando mogonogo aret wogorogogwaarak.

⁶⁶Anebunu Eparayim mendek inanggween mbanak paga kota-kota wonage nogo, yugum paga wakkagak ando mogonogo it Kekat mendek ando awo wogoraga'lek nogo, wogorogogwaarak yi aret.

⁶⁷O Eparayim nggelok-nggobok me, aap ambi wappunuk, wakwi iyo, agap ndakko'nok unggwage logowam kota Tikem inom, kota Nggetet inom,

⁶⁸kota Yokemeyam inom, kota Mbet-Koron inom,

⁶⁹kota Ayalon inom, kota Nggat-Irimon inom, wogorogo logonet, enaagan-ambokan inaanggumi inagari'ngga mbanogo nenet nugu logorak nggween inom wogorogwe,

⁷⁰Anebunu Manate ando mogonak nogo inanggween mbanak paga kota Anet inom, kota Mbileyam inom, wonage nogo, it Kekat mendek ndarak ndegek ando wogoraga'lek nogo, wogorogo logonet, enaagan-ambokan inaanggumi inagari'ngga mbanogo nenet nugu logorak nggween inom wogorogwe, eereegwaarak.

⁷¹It Nggeroton mendek o wogorogogwaarak nogo yi aret. Anebunu Manate mendek ando mogonak inanggween mbanak paga kota-kota wogorogogwaarak ti, o Mbatan kota Nggolan inom, kota Atitarot inom, wogorogo logonet, enaagan-ambokan inaanggumi inagari'ngga mbanogo nenet nugu logorak nggween inom wogorogwe,

⁷²Anebunu Itakat mendek inanggween mbanak paga kota-kota wogorogogwaarak ti, kota Kereti inom, kota Ndaberat inom,

⁷³kota Aramot inom, kota Anem inom, wogorogo logonet, enaagan-ambokan inaanggumi inagari'ngga mbanogo nenet nugu logorak nggween inom wogorogwe,

⁷⁴Anebunu Atet mendek inanggween mbanak paga kota-kota wogorogogwaarak ti, kota Matan inom, kota Aboron inom,

⁷⁵kota Kukok inom, kota Erekop inom, wogorogo logonet, enaagan-ambokan inaanggumi inagari'ngga mbanogo nenet nugu logorak nggween inom wogorogwe,

⁷⁶Anebunu Natali mendek inanggween mbanak paga kota-kota wogorogowaarak ti, o Nggalileya kota Kereti inom, kota Kamon inom, kota Kiriyatayim inom, wogorogo logonet, enaagan-ambokan inaanggumi inagari'ngga mbanogo nenet nugu logorak nggween inom wogorogwe, eereegwaarak.

⁷⁷Anebunu Lewi mendek wogoraga'lek ti, at Merari paga wiganak aret me, at Merari paga wiganak wogorogogwaarak nogo yi aret. Anebunu Tebulon mendek inanggween mbanak paga kota Yokeneyam inom, kota Karata inom, kota Irimono inom, kota Tabot inom, wogorogo logonet, enaagan-ambokan inaanggumi inagari'ngga mbanogo nenet nugu logorak nggween inom wogorogwe,

⁷⁸Anebunu Uruben mendek inanggween o Yeriko wungga wagak oonegen lagi wage menggim pa'nggwe niyo Yoraran enebaga o karume kota Mbetet inom, kota Yakat inom,

⁷⁹kota Keremot inom, kota Mepaat inom, wogorogo logonet, inaanggumi inagari'ngga mbanogo nenet nugu logorak nggween inom wogorogwe,

⁸⁰Anebunu Nggat mendek inanggween mbanak paga kota-kota wogorogogwaarak ti, o Nggileyat kota Aramot inom, kota Makanayim inom,

⁸¹kota Ketibon inom, kota Yayetet inom, wogorogo logonet, inaanggumi inagari'ngga mbanogo nenet nugu logorak nggween inom wogorogwe, eereegwaarak nogo ti aret.