Read Western Dani Nekemiya 7 Bible Online

Nekemiya 7 - Western Dani bible

Nekemiya 7

¹Yugum pak abu aret wurogo pogo mbareegwa, tungga nggelenogo pege nagagirik, tu arum waka inom, ndawi tiyangga inom, it Lewi mendek inom, eeko menggaarak nogo eeko logowak nduk mippiige,

²ndi, it aap ando Ala inagabiti mbuuluk mbakwi iigak, Ala agabiti nggwok mbake logonet, abet mban ari menggerak pak wurik enegen me aap endagembogut awi arum waka aap Kananiya inom, nawot Kanani inom, imbirak o Yerutalem unde logowak nduk, mippiige, eereegirak.

³Eeke nagagirik, it yorage logonet, “It tu arum menggaarak nogo, o mo pi waga'lek kagak, o Yerutalem tungga paarogo pit noorak mage o. Ata, mo pi wage kenok mban paarogo pit nogwe, ndi, abu aret arum logomenggaarik, o kiyoma iname nogo logonet, tu nappunuk, wa'mbit omaawi eerogo pit nogwe, eeko logowak nduk, yoret o. Ndi, it ando o Yerutalem inaworak nen tu unggwit wogo menggam inom, inawoore'nggam lombok inom, arum logowak nduk, aap mippiinet namunggup o,” yoragagirak.

⁴O Yerutalem nogo, nggwok lombok nenaarak wonagagerak kwe, aakumi we mbuura'luk mban wonogwe, ndi, inawi kunduk wuka'lek aret wonogwe, eekwi me,

⁵an nen it aap inengga warak inoweewi inom, it aap o unde menggaarak inom, aakumi abok aret inom, ndarak ndegek lombok inendage liiru mbaniyak kuwak eeppiyaakit nduk, Ala nen ninikime mannabeegerak. Ndi, an nen it aakumi wogoren piya nagagerak inaa'nduk iniyokan wogogwaarak ndarak ndegek lombok inendage liiru mbanak kwaakkagagirak nogo yi aret.

⁶It aakumi Yekura mendek maan aap Mbaben inowe endagembogut Nebukanetat nen keele maageren o Mbaben piya nagagerak time wonogogwaarik, iniyokan wogogwaarak nogo ti, it aap Terubaben, Yetuwa, Nekemiya, Atariya, Araamiya, Nakamani, Morekayi, Mbilatan, Miteperet, Mbigawayi, Nekum, Mbaana aret. It ti wogwe me, inom wogo nogogwaarik, inawi wonogogwam lombok kota Yerutalem inom, o Yekura inom, arit wogogwaarak inendage liiru mbanak nogo yi aret. It aakumi Iterali mendek ndarak ndegek lombok wogogwaarak nogo, ineebe lambunik inendage liiru mbanak yi aret.

⁷

⁸At Parot paga wiganak ineebe dua ribu seratus tujuh puluh dua,

⁹At Tepata paga wiganak ineebe tiga ratus tujuh puluh dua,

¹⁰At Arak paga wiganak ineebe enam ratus lima puluh dua,

¹¹It aap Yetuwa Yowap imbirak paga wiganak aap Pakat-Mowap paga ndarak ineebe lambunik dua ribu delapan ratus delapan belas,

¹²At Elam paga wiganak ineebe seribu dua ratus lima puluh empat,

¹³At Tatu paga wiganak ineebe delapan ratus empat puluh lima,

¹⁴At Takayi paga wiganak ineebe tujuh ratus enam puluh,

¹⁵At Mbinuwi paga wiganak ineebe enam ratus empat puluh delapan,

¹⁶At Mbebayi paga wiganak ineebe enam ratus dua puluh delapan,

¹⁷At Atagat paga wiganak ineebe dua ribu tiga ratus dua puluh dua,

¹⁸At Aronikam paga wiganak ineebe enam ratus enam puluh tujuh,

¹⁹At Mbigawayi paga wiganak ineebe dua ribu enam puluh tujuh,

²⁰At Arin paga wiganak ineebe enam ratus lima puluh lima,

²¹At Kitikiya paga wiganak Atet paga ndarak ineebe sembilan puluh delapan,

²²At Katum paga wiganak ineebe tiga ratus dua puluh delapan,

²³At Mbetayi paga wiganak ineebe tiga ratus dua puluh empat,

²⁴At Karip paga wiganak ineebe seratus dua belas,

²⁵At Nggibeyon paga wiganak ineebe sembilan puluh lima aret,

²⁶Aap Mbe'lekem mendek inom, Netopa mendek inom, ineebe lambunik seratus delapan puluh delapan,

²⁷Aap Anatot mendek ineebe lambunik seratus dua puluh delapan,

²⁸Aap Mbet-Atamawet mendek ineebe lambunik empat puluh dua,

²⁹Aap Kiriyat-Yeyarim, Kepira, Mbeerot, mendek ineebe lambunik tujuh ratus empat puluh tiga,

³⁰Aap Erama inom, Nggaba inom, it mendek ineebe lambunik enam ratus dua puluh satu,

³¹Aap Mikamat mendek ineebe lambunik seratus dua puluh dua,

³²Aap Mbeten inom, Ayi inom, it mendek ineebe lambunik seratus dua puluh tiga,

³³Aap Nebo alik ambi mendek ineebe lambunik lima puluh dua,

³⁴Aap Elam alik ambi mendek ineebe lambunik seribu dua ratus lima puluh empat,

³⁵Aap Karim mendek ineebe tiga ratus dua puluh,

³⁶Aap Yeriko mendek ineebe tiga ratus empat puluh lima,

³⁷Aap Lot, Karit, Ono, mendek ineebe lambunik tujuh ratus dua puluh satu,

³⁸Aap Tena mendek ineebe tiga ribu sembilan ratus tiga puluh nogo ti aret.

³⁹Ndi, it aap Ala unde wogogwaarak ineebe lambunik nogo yi aret. Aap Yetuwa paga wiganak at Yeraya paga ndarak ineebe sembilan ratus tujuh puluh tiga,

⁴⁰Aap Imet paga wiganak ineebe seribu lima puluh dua,

⁴¹Aap Patikut paga wiganak ineebe seribu dua ratus empat puluh tujuh,

⁴²Aap Karim paga wiganak ineebe seribu tujuh belas nogo ti aret.

⁴³It aap Lewi mendek wogogwaarak ineebe lambunik nogo yi aret. Aap Korewa paga wiganak it Yetuwa, Karimiyen, imbirak paga ndarak ineebe lambunik tujuh puluh dua, nogo ti aret.

⁴⁴It ndawi tiyangga wogogwaarak ineebe lambunik nogo yi aret. At Atap paga wiganak ineebe seratus empat puluh delapan nogo ti aret.

⁴⁵It tungga'nggi arum menggaarak wogogwaarak ineebe lambunik nogo yi aret. Aap Talum, Atet, Talomon, Akup, Katita, Tobayi, paga wiganak ineebe lambunik seratus tiga puluh delapan nogo ti aret.

⁴⁶It aap Ala awi wurik me yabu eeko menggaarak wogogwaarak nogo ti, Tika, Katupa, Tabawot,

⁴⁷Kerot, Tiya, Paron,

⁴⁸Lebana, Kagaba, Talamayi,

⁴⁹Kanan, Nggiren, Nggakat,

⁵⁰Ereyaya, Eretin, Nekora,

⁵¹Nggatam, Uta, Pateya,

⁵²Mbetayi, Mewunim, Neputim,

⁵³Mbakabuk, Kakupa, Karukut,

⁵⁴Mbatilit, Mekira, Karata,

⁵⁵Mbarokot, Titera, Tema,

⁵⁶Netiya, Katipa, nogo paga wiganak inom,

⁵⁷ndi, at Talomo ayeloman mini wogogwaarak ti, Totayi, Toperet, Perira,

⁵⁸Yaala, Ndarokon, Nggiren,

⁵⁹Tepata, Katin, Pokeret-Katebayim, Amon, nogo paga wiganak inom,

⁶⁰abok aret ineebe lambunik tiga ratus sembilan puluh dua nogo aret.

⁶¹It aakumi ando inawi o kota Ten-Mela inom, Ten-Karata inom, Kerup inom, Aron inom, Imet inom, nen iniyokan wogogwaarak nogo it Iterali mendek paga wiganak aret kwe, “Inanebunu ndi mendek,” liiru mbanak lek kagak wogogwaarak ti,

⁶²Ndelaya, Tobiya, Nekora, paga wiganak ineebe lambunik enam ratus empat puluh dua aret.

⁶³It Ala unde menggaarak inenggela'me nen Kabaya inom, Kakot inom, Mbaritilayi apuluk kolaga aap Nggileyat mendek nen akwe kolagagerak paga endage Mbaritilayi yogo nogogwaarak nogo inom, nogo paga wiganak wogogwaarak ti,

⁶⁴it nda'nogogwaarak inombomini inendage liiru mbanak me wonage kero, kwaareegwaarak mendek lek kenok, “Aap ti, Ala unde eeko menggaarak kwak it inoba mbeenak lek me, inom eeko logorak lek o,” yinuk, teppiyareegwaarak.

⁶⁵ Teppiigo mbareegwa, aap o unde inowe nen ari logonet, “Aap Ala unde ambi nen yugum Urim-Tumim paga yelok koorak nduk, nggino yoriyak waga'lek kagak, it aap ti, Ala ake pugu nonggo logorak lek o,” yinuk, yoragagerak.

⁶⁶It aakumi Iterali mendek kuwak aago abok aret o Yerutalem wogogwaarak ineebe lambunik ti, empat puluh dua ribu tiga ratus enam puluh aret.

⁶⁷It inayeloman mini aap inom, kumi inom, wogogwaarak ineebe lambunik ti, tujuh ribu tiga ratus tiga puluh tujuh aret. It ndawi tiyangga aap inom, kumi inom, wogogwaarak ineebe lambunik ti, dua ratus empat puluh lima aret.

⁶⁸Ndi, it inaanggumi wogoren wogogwaarak kuda ti, tujuh ratus tiga puluh enam, kuda negen bagal ti, dua ratus empat puluh lima,

⁶⁹unta ti, empat ratus tiga puluh lima, ndi, keledai nogo ti, enam ribu tujuh ratus dua puluh aret wonok wogogwaarak.

⁷⁰It ndarak ndegek inoweewi ando nen yabu eeriyak ake pereegwaarak. At o unde menggerak inowe nogo nen wu mbuti emas aaninggin 9 negen inom, niyo kilirogo pit nagak togolowak 50 inom, aap Ala unde inayum yirikak lima ratus tiga puluh inom, pogo menggam logowak nduk, wogorage,

⁷¹ndi, it ndarak ndegek inoweewi ando nen yabu eeriyak ake pogo menggam puwak nduk, wu mbuti emas aaninggin seratus tujuh puluh inom, perak aaninggin seribu lima ratus inom, wogorogwe,

⁷²ndi, it aakumi ando nen wu mbuti emas aaninggin 170 inom, perak aaninggin seribu seratus inom, aap Ala unde nen inayum yirikak 67 inom, wogorogwe, eereegwaarak.

⁷³ It aap Ala unde inom, Lewi mendek inom, tungga'nggi arum menggaarak inom, ndawi tiyangga inom, Ala awi wurik me yabu eeko menggaarak inom, it aakumi Iterali we ugun mendek ando inom, it Iterali abok aret inawi kota-kota wonogogwam lombok arit wa'nuk, ye mbambatinuk wonogogwaarak liiru mbanak kagagirak nogo ti aret.