Read Western Dani Ayup 25 Bible Online

Ayup 25 - Western Dani bible

Ayup 25

¹Yorage mbareegi, aap o Tuwa mendek Mbilirat nen wone onggo Ayup yoge logonet,

²“Omaawi paga mondok iya eerit nage kenok, Aakumi nen, Wi, yinuk, iniki ma'nage alom nogo ti, at Ala aret o. Agi mbogut paga at wone lengganogo yorage menggim nogome Abolok lek obeelom logowak nduk, eerogo pege menggerak.

³At awuri ineegin warak aago ineenggi linggininaburak op mbaken? At yi o ndi o eya eeppege logonet, o ambit-ambi eya eeppegeelik mbaken? Abok aret eeppege menggerak me,

⁴At Ala nogo nen, Aap yi, iniki abe koonak aret kagi o, yoge, Ndi, kumi nen ndaganakaatak inaagalogwe nogo Iniki kikak naka'lek ambi wonogwe iige, Eeriyak ti, nonggoti mbaken?

⁵At Ala nogo nen tut abinak mbuuluk wonage kage, Laaluguragan eya abe lek kage, Eeke menggerak me,

⁶It aap anggolenggen kwak, aakumi inapuri waalo kwak, Wonogwe nogo ti, abunuk meek aret iige menggerak o,” yinuk, yoreegerak.