Read Western Dani Ndawi 113 Bible Online

Ndawi 113 - Western Dani bible

Ndawi 113

¹At Aliku ALA tiyappogo logowok o. Kit Aliku ALA ayeloman mini yi wae. Ala tiyappugwi, Aliku ALA endage tiyappugwi, Eeko logonip o.

²O yogondak nen nok, o peebi mondok-mondok Aliku ALA endage tiyanak aret wonage,

³Oonegen wundi wage menggim nen nok, kilu yi nage menggim abok aret Aliku ALA endage mban tiyanak wonage, Eerak logowak o.

⁴Yi aakumi ndi aakumi inirimbaga Aliku ALA tiyanak lombok wonage, Mbogut irimbaga at tiyanak lombok wonage, Eerak menggerak o.

⁵At wone lengganogo yorage menggim abu tiyanak wonage, At abu tiyanak lombok logonet, Mbogut inom, nggween inom, enegen wugiya wage, Eeke menggerak Aliku ninogoba Ala menggi kwak, Aap ta wonage mbakop?

⁷Aap tebenak liirubu enggela'me nen pilanogo mippiige, It ineenggi lek aakumi inambeebuk mbo pogo menggam nen piyanogo mippiige, Eeke logomenggerik,

⁸It aap nagawan-nagawan inom kwippiige, Aakumi it mendek inoweewi nagawan-nagawan inom piige,

⁹It kumi wubili iname inalik wonogwe me, Inaagalogwe wogoramenggerak inom logonet, inale'nggen kogo logowak nduk eeppiige, Eeke menggerak o. Aliku ALA tiyappogo logowok o.