Read Western Dani Ndawi 127 Bible Online

Ndawi 127 - Western Dani bible

Ndawi 127

¹Aliku ALA nen o wuriyak mbaka'lek kagak, It aap o wuka nen o wukwi nogo Aanom warogo wuko menggaarak o. Aliku ALA nen o kota arum wonageelik kenok, It aap o arum waka nogo, We aanom warogo aret tum menggaarak o.

²It aap Aliku ALA iniki kunik eeginake nogo, Nogo yugwi iigak, inambi wogorage menggerak me, Kit kinambi noorak kwaakkologo logonet, O kuubondendok kineenik a'nuk, Yabu ta'liila eekwi tit kiigak, O kiip age kenok, kiname nogo yi unggwogwe ti, We aanom warogo aret eeko monggotak o.

³Nit ninapuri nogo ti, At Aliku ALA nen yate kwak wo'nirage, Ninagalomini inikime logombunuk ndaganakwi ti, Onggo lek we aret wo'nirage, Eeke menggerak o.

⁴It awo tawe logonet, inapuri wologwe ndaganakwi ti, Aap wim wakaa'ngget maale ineenggime mengga kwak Aret menggaarak o.

⁵Aap ambi omaale ta'mbanak Eenggime wonok nege menggi kwak, At apuri ambik inom nage kenok, Ale'nggen aret menggerak me, Tu unggwage menggim awim imbirak abuk age kenok, At enggali arigin lek ayuk wuko logogun o.