Read Western Dani Ndawi 136 Bible Online

Ndawi 136 - Western Dani bible

Ndawi 136

¹ Aliku ALA ti, obeelom aret me, “Wa,” yogo logonip o. & Ninabuwa mbake ti, itok kunik wonage o.

²Aakumi inayuk wukwi yi kugi ndi kugi Abok inirimbaga ti, Ala aret me, “Wa,” yogo logonip o. & Ninabuwa mbake ti, itok kunik wonage o.

³Aakumi inogobamini lombok inogoba at aret me, “Wa,” yogo logonip o. & Ninabuwa mbake ti, itok kunik wonage o.

⁴At alik lombok nen Eerubok mendek iya tit eeke menggerak me, “Wa,” yogo logonip o. & Ninabuwa mbake ti, itok kunik wonage o.

⁵ At iniki warak lombok nen Mbogut wakkagagerak me, “Wa,” yogo logonip o. & Ninabuwa mbake ti, itok kunik wonage o.

⁶ At lombok nen niyo abena kagak nggween ogombaga ndoonogo pereegerak me, “Wa,” yogo logonip o. & Ninabuwa mbake ti, itok kunik wonage o.

⁷ At lombok nen o eya eeka imbirak Mbogut paga piyareegerak me, “Wa,” yogo logonip o. & Ninabuwa mbake ti, itok kunik wonage o.

⁸O liingge unde logowak nduk oonegen pereegerak me, “Wa,” yogo logonip o. Ninabuwa mbake ti, itok kunik wonage o.

⁹Oonikiya unde logowak nduk, tut inom, laaluguragan inom, eerogo pereegerak me, “Wa,” yogo logonip o. & Ninabuwa mbake ti, itok kunik wonage o.

¹⁰ At lombok nen aap Metit mendek inapuri manggu ndarak inoorit nagagerak me, “Wa,” yogo logonip o. & Ninabuwa mbake ti, itok kunik wonage o.

¹¹ At nen aap Metit mendek inenggela'me nen it Iterali wogoren wundi wagagerak me, “Wa,” yogo logonip o. & Ninabuwa mbake ti, itok kunik wonage o.

¹²At eenggi omaawi paga eerit nage, Eenggi titik eerogo nappege, eereegerak me, “Wa,” yogo logonip o. Ninabuwa mbake ti, itok kunik wonage o.

¹³ At lombok nen niyo Laut Merah mogonogo agi-ogu eereegerak me, “Wa,” yogo logonip o. & Ninabuwa mbake ti, itok kunik wonage o.

¹⁴Agi-ogu mogonak kagak, Iterali wumbiya wagagerak me, “Wa,” yogo logonip o. & Ninabuwa mbake ti, itok kunik wonage o.

¹⁵It Pirawun awuri ineegin warak inom perak, Yi Laut Merah inikime tebenogo piyareegerak me, “Wa,” yogo logonip o. & Ninabuwa mbake ti, itok kunik wonage o.

¹⁶At lombok nen tu karume paga Apuri lombok wogoren wagagerak me, “Wa,” yogo logonip o. & Ninabuwa mbake ti, itok kunik wonage o.

¹⁷Aap inendagembogut inomaawi ambik wonogwe nogo tebenogo piyareegerak me, “Wa,” yogo logonip o. & Ninabuwa mbake ti, itok kunik wonage o.

¹⁸Aap inendagembogut abu tiyanak nogo inoorogo piyareegerak me, “Wa,” yogo logonip o. & Ninabuwa mbake ti, itok kunik wonage o.

¹⁹It aap Amori mendek inowe endagembogut Tikon nogo, Warogo pereegerak me, “Wa,” yogo logonip o. & Ninabuwa mbake ti, itok kunik wonage o.

²⁰ It o Mbatan mendek inowe endagembogut Ok nogo, Warogo pereegerak me, “Wa,” yogo logonip o. & Ninabuwa mbake ti, itok kunik wonage o.

²¹Inanggween waganogo eyate kwak wogoragagerak me, “Wa,” yogo logonip o. & Ninabuwa mbake ti, itok kunik wonage o.

²²Ayeloman mini Iterali eyate kwak Unde eeppiyareegerak me, “Wa,” yogo logonip o. & Ninabuwa mbake ti, itok kunik wonage o.

²³Nit abu tebenak wonogwe niinok, at nen aret ninoba abereegerak me, “Wa,” yogo logonip o. & Ninabuwa mbake ti, itok kunik wonage o.

²⁴Ninom wim mbanak ineenggime nen wondet eerogo pinaneegerak me, “Wa,” yogo logonip o. & Ninabuwa mbake ti, itok kunik wonage o.

²⁵Yi mendek ndi mendek inamiya warak abok aret at lombok nen inambi wogorage menggerak me, “Wa,” yogo logonip o. & Ninabuwa mbake ti, itok kunik wonage o.

²⁶At mbogut paga lombok menggerak Ala nogo “Wa,” yogo logonip o. & Ninabuwa mbake ti, itok kunik wonage o.