Read Western Dani Ndawi 138 Bible Online

Ndawi 138 - Western Dani bible

Ndawi 138

¹Kaliku ALA wae. Niniki ambit eeppunuk, “Wa,” lombok yokkege, Kugi abok inenggaanom ndawi paga Kanep tenok-mbenok tiyangge, Eerigin o.

²Kat aakumi inabuwa nen kiniki kunik eeginake, Liirogon eeppiinet nage, Yi mendek ndi mendek tebenak iigak, kat kendage inom, Kat eeriyak koonogo pereegindak wone inom, abu tiyappege, Eereegindak me, Kawi wurik alik leenak me nena na'na'nuk, Kendage tiyappagage logogin o.

³An nen, “Yeenggwa niru o,” yinuk, Noone nggwok paga yokkege neenok, aret yeenggwa nege, Nagabiti lek nogogumbuk logonet yorage logokit nduk, Eerogo panege, Eekendak o.

⁴Kaliku ALA wae. Kat lombok nen koone yereegindak nogo It aap inendagembogut nggween paga wonogwe abok aret Konenggo logomenggaarik, “Wa,” lombok yokkugwi,

⁵Kaliku ALA mondok tiyanak lombok menggendak me, Kat eerit nage menggendak nogo ndawi paga kanep pugwi, Eeko logowak o.

⁶Kat Kaliku ALA ti, Mondok tiyanak lombok menggendak kwe, Aap meek mendek nogo kenegen wugiya wage, It aap iniki wogoppako menggaarak nogo kat nda nen liippiige, Eeke menggendak o.

⁷Maluk eeppaniyak wangge'nakwi iigak wonage me, Kat nen nili eerogo panege, It nawim inanini nen nooriyak eekwi iigak, Keenggi abe'nggan paga it tebenogo piinok, nagap ndake, Eeke menggendak o.

⁸Kaliku ALA wae. Aakumi inabuwa mbake ti, itok kunik menggerak me, Keenggi paga ogobakkigi'nabeegindak an nogo Mbo paniyak mage o. Ata, Kaliku ALA nen an eeppaniyak koonogo paneegindak nogo Li'luk eerogo panege logomunggun o.