Read Western Dani Ndawi 142 Bible Online

Ndawi 142 - Western Dani bible

Ndawi 142

¹ An noone nggwok paga Aliku ALA yoge, “Yeenggwa niru o,” yinuk, Noone tiyarogon Aliku ALA yoge,

²“Yi eeppanugwi, ao,” mbake nogo Abok aret at enggaanom paga kilirogo wumbege, Aaninggin noba wonage nogo abok aret at enggaanom paga mbininogo yoge, Eeke agarik o.

³An tu nage minggim aap nen an nooriyak nduk, Keele pit nagaarak kwe, An tu nawam kat mban keenu me, nage logonet, Nagabiti nen niniki lek-lek ee'nake kenok, Pi'neren nage menggendak o.

⁴Aap ambi nen, “Yeenggwa niremengga ilik?” Yinuk, neenggi abeme na'na'nuk, Neebe op logowam time ari naakit mbake kwe, Lek aret kage, Neebe nili yuwak nduk, kwaa'nabit nagun mbakirak kwe, Lek aret iige, Eeke agarik o.

⁵Togop me, Kaliku ALA wae. An noone nggwok paga yokkege logonet, “Neebe op logorak noba'naka ti, kat keebe aret o. Ineenik wonogo menggam o yime neegak, Keyate wo'niru kwak kat keebe aret o,” yinuk, ari minggirak o.

⁶An neebe abu ndeyak lombok ee'nabit unggwage me, Noone nggwok paga yokkege yi, liippanege, It aap mu'neren nugwi yi, Inomaawi ambik an tebenogo piyoorak meek me, Nili ari logonet, mugogo nappiige,

⁷An nen kat kendage tiyappege logokit nduk, Keele maarak negen wonageme wondet eerogo wumbanege, Eeke logot o. Kat nen togop aret an obeelom eeppanege keenok, It iniki abe koonak nogo an nowagam wogo logogun aret o.