Read Western Dani Ndawi 15 Bible Online

Ndawi 15 - Western Dani bible

Ndawi 15

¹Kaliku ALA wae. Aap ta nen kawi wurik alik leenak me unggwi nage, Ta nen kat kabuut leenak menggenom nogome wonage, Eeke logogin mbaken? Lek o.

²It maluk inoba lenggengga'lek kagak nugwi kenok, Wone yugu a'me liirogon eekwi kenok, Inikime nen wone abe wone mban yogwe kenok,

³Inoone paga nen aap meek eerogo piinet nugulik kenok, Inoreewi maluk eeppiigulik kenok, Inom menggaarak inendage maluk eerogo piigulik kenok,

⁴Aap maluk mban eerit noorak mbakwi nogo Ineebi inombako logonet kwe, Aap Ala inagabiti mbakwi nogo tiyappiigwi kenok, “Yogop eeppagagun o,” yinuk, Wone kumbuk mbanogo yoragaatak nogo Inamendek lek kwe, kagak eeppiigwi kenok,

⁵“Ninawu porogo wonogotak nabennagaarak nogo Inom wo'niraanip o,” yorogolik kenok, Aap maluk eerulik kagak, “Abet aret eekerak,” yuwak nduk, Wu wogorogwe nogo waganggulik kenok, Aap ti mendek mban o time logogun o. It aap ti mendek mban eekwi iinok, Iniki mondok-mondok nu'lek aret logogun o.