Read Western Dani Ndawi 43 Bible Online

Ndawi 43 - Western Dani bible

Ndawi 43

¹Ala wae. Naana'le liirogon mbangge, Aakumi koone liirogon mugurok nogolik mendek nen inoone maluk noba panugwi iinok, Kat nawone amburu mbangge, Aap maluk mendek aakumi inambokan lagangga nogo Ineenggime nen nagap ndake, Eeru o.

²Yugum pak wurogo pereegi kwak Kabu'me ari unggwaga kat Ala aret me, Nonggop nduk mbo panege, Nawim nen tebenogo panegak mban eekwi iinok, Niniki puru aago wonage tit neegak, Nonggop nduk teppanege, Eekendak o?

³Kat aakumi eya eeppiige menggendak inom, Li'lak mban eeke menggendak wone inom, nen Tu ni'neege, Kat wonage menggenom kabuut alik leenak menggim pani wage, Eeke logowak nduk, Nappani mok o.

⁴Ala wae. Kat nogoba Ala aret me, nappani wage keenok, niniki ale'nggen ee'nake, Nale'nggen kani negen wununogo panege, Eeke menggendak kat Ala nogo an kowagam nage, Kake warogo wakkogo menggam ari nage, Eeke logominggirik, Nggitat eeke logonet, “Wa!” lombok yokkirigin o.

⁵Niniki yoge logonet, “Niniki yi wae. Kat nonggop nduk puru ari, Nonggop nduk, Ai, mbake, Eeke agandik? Nagap ndaka nogoba Ala endage tiyappege logogin me, Niniki yi, at paga panggonak logot o,” Yinuk, yoreegirak o.