Read Western Dani Linggineegwaarak 26 Bible Online

Linggineegwaarak 26 - Western Dani bible

Linggineegwaarak 26

¹ Andi nggwok abu aret inoba age mbareegi, Aliku ALA nen Muta inom, aap Ala unde Karun aput Eleyatat inom, yorage logonet,

²“It Iterali wonogwe abok aret ndarak iigak tahun 20 eerak kuli nen nok, aginggwe eerit nagagerak Iterali inawuri wim eeriyak inobam iinok, inanebunu ndegek lombok kineenggi lingginogo inendage liiru mbanogo pinip o.”

³Yorage mbareegi, Muta inom, aap Ala unde Eleyatat inom, nen it Iterali o Mowap kobappaga o Yeriko nakkagak niyo Yoraran aa'nggi paga taati inawooliya wuppunuk wonogwe me, inoweewi kuwak eeppiinok,

⁴Aliku ALA nen Muta yoreegerak nogo ndak-ndak, at Muta inom, at Ala unde Eleyatat inom, nen it yorogo logonet, “It aap ndarak iigak tahun 20 eerak kuli nen nok, irimbaga eerit nagagerak nogo ineebe kineenggi lingginogo inendage liiru mbaninip o.” Yorogo mbareegwa, aakumi Iterali mendek o Metit nen wundi wogogwaarak nogo, ineebe lingginogo inendage liiru mbaneegwaarak yi aret.

⁵At Iterali aput manggu ndarak Uruben paga wiganak ti, At Kenok paga nen aap Kenok mendek wigannogwe, At Palu paga nen aap Palu mendek wigannogwe,

⁶At Ketoron paga nen aap Ketoron mendek wigannogwe, At Karimi paga nen aap Karimi mendek wigannogwe, eereegwaarak.

⁷At Uruben paga wiganak ndarak ndegek ti aret me, aap mban ineebe empat puluh tiga ribu tujuh ratus tiga puluh aret lingginogo inendage liiru mbanogo pereegwaarak.

⁸At Palu aput ti, aap Eliyap aret.

⁹Ndi, at Eliyap apuri ti, Nemuwen, Ndatan, Abiram aret ndarak me, at Ndatan Abiram imbirak ti, aakumi Iterali wonogwe abok aret nen inoweewi logowak nduk, leenogo mippiyareegwaarak kwe, Muta Karun imbirak inoone koneniyak, Nineebi o, yinuk, yogwe, ndi, it aap Kora awuri inom nen Aliku ALA oone koneniyak, Nineebi o, yogwe iinok, inom yogwe, eereegwaarak nogo it aret.

¹⁰TI yogo mbareegwa, nggween ambe nggoguk ari logonet, at Kora inom aret ineenik ngge-ngge ambeme yonggorinake kagak, aap Kora oone mugurok nogwe ineebe dua ratus lima puluh nogo, kani nen aret nenggegerak. Ti eereegerak paga Iterali ineenu a'nuk, inagabiti mbareegwaarak.

¹¹Aap Kora kambeegerak kwe, at paga wiganak nogo perak, lek arulik inanobak ki aret wonogogwaarak.

¹²At Timeyon paga wiganak ndarak ndegek lombok nogo ti, At Nemuwen paga nen aap Nemuwen mendek wigannogwe, At Yamin paga nen aap Yamin mendek wigannogwe, At Yakin paga nen aap Yakin mendek wigannogwe,

¹³At Tera paga nen aap Tera mendek wigannogwe, At Tawun paga nen aap Tawun mendek wigannogwe, eereegwaarak.

¹⁴At Timeyon paga wiganak ndarak ndegek ti aret me, aap mban ineebe dua puluh dua ribu dua ratus aret lingginogo inendage liiru mbanogo pereegwaarak.

¹⁵At Nggat paga wiganak ndarak ndegek lombok ti, At Tepon paga nen aap Tepon mendek wigannogwe, At Kagi paga nen aap Kagi mendek wigannogwe, At Tiyuni paga nen aap Tiyuni mendek wigannogwe,

¹⁶At Otini paga nen aap Otini mendek wigannogwe, At Eri paga nen aap Eri mendek aret wigannogwe,

¹⁷At Arot paga nen aap Arot mendek wigannogwe, At Areli paga nen aap Areli mendek wigannogwe, eereegwaarak.

¹⁸At Nggat paga wiganak ndarak ndegek ti aret me, aap mban ineebe empat puluh ribu lima ratus aret lingginogo inendage liiru mbanogo pereegwaarak.

¹⁹Aap Yekura apuri Et inom, Onan inom, ndaganabeegerak kwe, it imbirak o Kanan paga kambeegwaarak.

²⁰At Yekura paga wiganak ndarak ndegek lombok ti, At Tiyela paga nen aap Tiyela mendek wigannogwe, At Peret paga nen aap Peret mendek wigannogwe, At Tera paga nen aap Tera mendek aret wigannogwe, eereegwaarak.

²¹Ndi, at Peret paga nen wigannogogwaarak nogo ti, At Ketoron paga nen aap Ketoron mendek wigannogwe, At Kamun paga nen aap Kamun mendek aret wigannogwe, eereegwaarak.

²²At Yekura paga wiganak ndarak ndegek ti aret me, aap mban ineebe tujuh puluh enam ribu lima ratus aret lingginogo inendage liiru mbanogo pereegwaarak.

²³At Itakat paga wiganak ndarak ndegek lombok ti, At Tola paga nen aap Tola mendek wigannogwe, At Puwa paga nen aap Puwa mendek aret wigannogwe,

²⁴At Yatup paga nen aap Yatup mendek aret wigannogwe, At Timoron paga nen aap Timoron mendek aret wigannogwe, eereegwaarak.

²⁵At Itakat paga wiganak ndarak ndegek ti aret me, aap mban ineebe enam puluh empat ribu tiga ratus aret lingginogo inendage liiru mbanogo pereegwaarak.

²⁶At Tebulon paga wiganak ndarak ndegek lombok ti, At Teret paga nen aap Teret mendek aret wigannogwe, At Elon paga nen aap Elon mendek aret wigannogwe, At Yakelen paga nen aap Yakelen mendek aret wigannogwe, eereegwaarak.

²⁷At Tebulon paga wiganak ndarak ndegek ti aret me, aap mban ineebe enam puluh ribu lima ratus lingginogo inendage liiru mbanogo pereegwaarak.

²⁸At Yutup nen Manate inom, Eparayim inom, ndaganabeegerak me, it paga wiganak ndarak ndegek nogo yi aret.

²⁹At Manate paga wiganak nogo ti, At Nggileyat ogoba Makit paga nen aap Makit mendek aret wigannogwe, At Nggileyat paga nen aap Nggileyat mendek wigannogwe, eereegwaarak.

³⁰At Nggileyat paga wiganak ti, At Iyetet paga nen aap Iyetet mendek wigannogwe, At Kelek paga nen aap Kelek mendek wigannogwe,

³¹At Atiriyen paga nen aap Atiriyen mendek aret wigannogwe, At Tekem paga nen aap Tekem mendek aret wigannogwe,

³²At Temira paga nen aap Temira mendek wigannogwe, At Kepet paga nen aap Kepet mendek wigannogwe, eereegwaarak.

³³At Kepet nen aput Telapekat ndareegerak kwe, at apuri wologwe lek komologwe mban ndaganabeegerak me, inendage ti, Makala kunduk, Nowa kunduk, Kogala kunduk, Milaka kunduk, Tirata kunduk, aret o.

³⁴At Manate paga wiganak ndarak ndegek ti aret me, aap mban ineebe lima puluh dua ribu tujuh ratus aret lingginogo inendage liiru mbanogo pereegwaarak.

³⁵At Eparayim paga wiganak ndarak ndegek nogo ti, At Tutela paga nen aap Tutela mendek wigannogwe, At Mbeket paga nen aap Mbeket mendek aret wigannogwe, At Takan paga nen aap Takan mendek wigannogwe, eereegwaarak.

³⁶Ndi, at Tutela paga wiganak nogo ti, At Eran paga nen aap Eran mendek wigannogogwaarak.

³⁷At Eparayim paga wiganak ndarak ndegek ti aret me, aap mban ineebe tiga puluh dua ribu lima ratus aret lingginogo inendage liiru mbanogo pereegwaarak ti, aap Yutup paga wiganak ndarak ndegek lombok ti aret.

³⁸At Mbeniyamin paga wiganak ndarak ndegek nogo ti, At Mbela paga nen aap Mbela mendek aret wigannogwe, At Atiben paga nen aap Atiben mendek aret wigannogwe, At Akiram paga nen aap Akiram mendek aret wigannogwe,

³⁹At Tepupam paga nen aap Tepupam mendek aret wigannogwe, At Kupam paga nen aap Kupam mendek aret wigannogwe, eereegwaarak.

⁴⁰Ndi, aap Mbela apuri ti, Aret inom, Naaman inom, aret ndaganabeegerak me, At Aret paga nen aap Aret mendek wigannogwe, At Naaman paga nen aap Naaman mendek aret wigannogwe, eereegwaarak.

⁴¹At Mbeniyamin paga wiganak ndarak ndegek ti aret me, aap mban ineebe empat puluh lima ribu enam ratus aret lingginogo inendage liiru mbanogo pereegwaarak.

⁴²At Ndan paga wiganak ndarak ndegek nogo ti, at Tukam paga nen aap Tukam mendek wigannogogwaarak. At Ndan paga wiganak nogo ti,

⁴³aap Tukam mendek mban me, ineebe enam puluh empat ribu empat ratus aret lingginogo inendage liiru mbanogo pereegwaarak.

⁴⁴At Atet paga wiganak ndarak ndegek ti, At Yimana paga nen aap Yimana mendek aret wigannogwe, At Yitiwi paga nen aap Yitiwi mendek aret wigannogwe, At Mberiya paga nen aap Mberiya mendek aret wigannogwe,

⁴⁵At Mberiya mendek paga wiganak ti, At Kebet paga nen aap Kebet mendek aret wigannogwe, At Malikiyen paga nen aap Malikiyen mendek aret wigannogwe, eereegwaarak.

⁴⁶Aap Atet aput kolaga endage Tera aret wonage.

⁴⁷At Atet paga wiganak ndarak ndegek ti aret me, aap mban ineebe lima puluh tiga ribu empat ratus lingginogo inendage liiru mbanogo pereegwaarak.

⁴⁸At Natali paga wiganak ndarak ndegek nogo ti, At Yaketen paga nen aap Yaketen mendek wigannogwe, At Ngguni paga nen aap Ngguni mendek aret wigannogwe,

⁴⁹At Yetet paga nen aap Yetet mendek wigannogwe, At Tilem paga nen aap Tilem mendek aret wigannogwe, eereegwaarak.

⁵⁰At Natali paga wiganak ndarak ndegek ti aret me, aap mban ineebe empat puluh lima ribu empat ratus aret lingginogo inendage liiru mbanogo pereegwaarak.

⁵¹It Iterali mendek aap mban ineebe lambuk togon ineenggi lingginogo inendage liiru mbanogo pereegwaarak nogo ti, enam ratus satu ribu tujuh ratus tiga puluh aret.

⁵² At Aliku ALA nen Muta yoge logonet,

⁵³“Aakumi Iterali inanebunu lombok ineebe lingginogo inendage liiru mbanak mugurok yate kwak nggween ti, tumburiraamunggun o.

⁵⁴Nggween tumburirage logonet, inanebunu ambik lombok ineenggi lingginik liiru mbanak kenok, yate kwak nggween nggwok lombok tumburirage, ndi, inanebunu mbereret kenok, yate kwak nggween mbuuluk aret tumburirage, eeke logonet, inanebunu lombok ineenggi lingginogo inendage liiru mbanak mugurok mban yate kwak inanggween tumburiraamunggun o.

⁵⁵Tumburirage logonet, Nggween ti, ta koloorak kaamun? yinuk, yugum paga wakkaanuk, kologo logowak o. Yate kwak inalitak inanggween kologwe nogo ti, inombomini ndarak mugurok mban kologo logowak o.

⁵⁶Yate kwak inanggween koloorak nogo ti, yugum paga wakkaanuk, yugum waganggwi mugurok mban ineebe ambik kenok nggween nggwok aret kologwe, ndi, ineebe mbuuluk kenok, nggween mbuuluk aret kologwe, eeruwak o,” yinuk, yoreegerak.

⁵⁷At Lewi paga wiganak ndarak ndegek ineebe ineenggi lingginogo inendage liiru mbanak nogo ti, At Nggeroton paga nen aap Nggeroton mendek wigannogwe, At Kekat paga nen aap Kekat mendek aret wigannogwe, At Merari paga nen aap Merari mendek aret wigannogwe, eereegwaarak.

⁵⁸At Lewi paga wiganak nen mban Aap Libini mendek wigannogwe, Aap Keboron mendek wigannogwe, Aap Makili mendek wigannogwe, Aap Muti mendek wigannogwe, Aap Kora mendek wigannogwe, eereegwaarak. Aap Kekat nogo ti, aap Amaram ndareegerak me,

⁵⁹at Amaram nen aap Lewi mendek apuluk kwe endage Yokebet o Metit logonet ndarak wagangge nagagerik, apuri aap Karun inom, Muta inom, iniri kwe Miriyam inom, aret ndaganabeegerak.

⁶⁰ Ndi, at Karun nen Narap inom, Abiku inom, Eleyatat inom, Itamat inom, aret ndaganabeegerak kwe,

⁶¹ aap Narap Abiku imbirak nen Ala aga'ni nogo paga lek iniki mba'nuk nen inaga'ni alik paga Aliku ALA enggaanom ake kani kunggo mbareegwa, inooreegerak kambeegwaarak.

⁶²It Lewi mendek aap mban ndarak iigak, tut ambit penenak kuli nen nok, irimbaga penenit nagagerak kuli ineebe ti, dua puluh tiga ribu aret ineenggi lingginogo inendage liiru mbanogo pereegwaarak. It Lewi mendek ti, Iterali mendek aret kwe, yate kwak Iterali inanggween tumburirage logonet, inom tumburiroolik me, it aap Iterali ineebe linggininako logonet, it Lewi mendek inom ineenggi lingginogo inendage liiru mbanulik o.

⁶³At Muta aap Ala unde Eleyatat imbirak nen o Mowap kobappaga Yeriko nakkagak niyo Yoraran aa'nggi paga time logonet, aakumi Iterali mendek ineebe ineenggi lingginogo inendage liiru mbanogo pereegwaarak nogo ti aret.

⁶⁴ Puut Tinayi paga logonet, at Muta aap Ala unde Karun imbirak nen Iterali ineebe lingginogo inendage liiru mbanogo pereegwaarak nogo ti, Aliku ALA nen, “Kit abok aret o karume kambit namunggup o,” yinuk, yorage mbareegi, it tigitogon kambit nogwe iigak, aap Yepune aput Kalep inom, aap Nun aput Yotuwa inom, imbirak mban ineenik teppiyareegerak me, at Muta aap Ala unde Eleyatat imbirak nen peebi inendage liiru mbanogo pereegwaarak yi nogo ti, mbanggo logonet, aa'nduk inendage liiru mbanak ambit iluk ambi inom liiru mbanogo puulik o.