Read Western Dani Linggineegwaarak 33 Bible Online

Linggineegwaarak 33 - Western Dani bible

Linggineegwaarak 33

¹At Muta Karun imbirak nen it Iterali o Metit nen wogoren wundi woraanuk, ineebe inawot lombok eerak wogo logonet, o ambime agak, o ambime agak, wogogwaarak nogo yi aret.

²Aliku ALA nen Muta yoreegerak ndak-ndak it Iterali o ambime unggunuk, o ambime unggwagak, eerit wogo logonet, o unggwit wogogwaarak endage liiru mbaneegerak nogo yi aret.

³At Aliku ALA nen it Metit mendek inagugi inomaawi lek kaawak nduk, eeke logonet, it Metit mendek inapuri manggu ndarak inooreegerak abok aret nggween taambiigwi nogo, inigen iigak, tut aa'nduk penenak tanggal 15 paga Obagambo Nagagerak aberogo laago abu lako nogogwaarik, ko'lu o Araametet mbo punuk, wundi wogogwaarak.

⁴

⁵O Araametet mbo punuk, wundi wogo nogogwaarik, o Tukot inawooliya wurogo punuk, nogo yugwi,

⁶o Tukot nen wo'narok karume ambet paga o Etam paga inawooliya wurogo punuk, nogo yugwi

⁷o Etam nen yungguninuk, iniyokan o Mba'an-Tepon oonegen wundi wage menggim pa'nggwe o Pi-Kakirot nogome ari nanuk, o Migoron paga inawooliya wurogo punuk, nogo yugwi

⁸o Pi-Kakirot nen wo'narok niyo nggwok yenggenak laut wunda woraanuk, o karume Etam ari wogo nogogwaarik, wogwe iigak, nogo kenagan yegak o Mara paga inawooliya wurogo patinuk, nogo yugwi, eereegwaarak.

⁹Ti'nuk, o Mara nen wo'narok niyo eneeri 12 wonage, ndi, eyo nggabu 70 wonage, eerak me o Elim nogome inawooliya wurogo patinuk, logonuk, wogwe,

¹⁰o Elim nen wo'narok niyo nggwok yenggenak Laut Merah aa'nggi paga inawooliya wurogo patinuk, logonuk, wogwe,

¹¹Laut Merah time nen wo'narok o karume endage Tin woraanuk, inawooliya wurogo patinuk, logonuk, wogwe,

¹²karume Tin nen wo'narok o Ndopaka paga inawooliya wurogo patinuk, logonuk, wogwe,

¹³o Ndopaka nen wo'narok o Alut inawooliya wuppatinuk, logonuk, wogwe,

¹⁴o Alut nen wo'narok it aakumi nawak nduk niyo lek me o Arapirim paga inawooliya wurogo patinuk, logonuk, wogwe, eereegwaarak.

¹⁵Ti'nuk, o Arapirim paga nen wo'narok, o karume Tinayi inawooliya wurogo patinuk, logonuk, wogwe,

¹⁶o karume Tinayi paga nen wo'narok, o Kiborot-Taawa inawooliya wurogo patinuk, wonogogwaarak.

¹⁷Nogome wonogogwaarik, o Kiborot-Taawa nen wo'narok, o Katerot inawooliya wurogo patinuk, logonuk, wogwe,

¹⁸o Katerot nen wo'narok, o Iritama woraanuk, time inawooliya wurogo patinuk, logonuk, wogwe,

¹⁹o Iritama nen wo'narok, o Erimon-Perot woraanuk, time inawooliya wurogo patinuk, logonuk, wogwe,

²⁰o Erimon-Perot nen wo'narok, o Libana woraanuk, inawooliya wurogo patinuk, logonuk, wogwe,

²¹o Libana nen wo'narok, o Irita woraanuk, time inawooliya wurogo patinuk, logonuk, wogwe,

²²o Irita nen wo'narok o Kekelata woraanuk, inawooliya wurogo patinuk, logonuk, wogwe,

²³o Kekelata nen wo'narok puut Tiyapet paga woraanuk, time inawooliya wurogo patinuk, logonuk, wogwe,

²⁴puut Tiyapet nen wo'narok o Karara woraanuk, time inawooliya wurogo patinuk, logonuk, wogwe,

²⁵o Karara nen wo'narok o Makelot woraanuk, time inawooliya wurogo patinuk, logonuk, wogwe,

²⁶o Makelot nen wo'narok o Takat woraanuk, time inawooliya wurogo patinuk, logonuk, wogwe,

²⁷o Takat nen wo'narok o Tara woraanuk, inawooliya wurogo patinuk, logonuk, wogwe,

²⁸o Tara nen wo'narok o Mitaka woraanuk, inawooliya wurogo patinuk, logonuk, wogwe,

²⁹o Mitaka nen wo'narok o Katamona woraanuk, inawooliya wurogo patinuk, logonuk, wogwe,

³⁰o Katamona nen wo'narok o Moterot woraanuk, inawooliya wurogo patinuk, logonuk, wogwe,

³¹o Moterot nen wo'narok o Mbene-Yaakan woraanuk, inawooliya wurogo patinuk, logonuk, wogwe,

³²o Mbene-Yaakan nen wo'narok o Kot-Nggiragat woraanuk, inawooliya wurogo patinuk, logonuk, wogwe,

³³o Kot-Nggiragat nen wo'narok o Yotabata woraanuk, inawooliya wurogo patinuk, logonuk, wogwe,

³⁴o Yotabata nen wo'narok o Aborona woraanuk, time aret inawooliya wurogo patinuk, logonuk, wogwe,

³⁵o Aborona nen wo'narok o Etiyon-Nggebet woraanuk, inawooliya wurogo patinuk, logonuk, wogwe,

³⁶o Etiyon-Nggebet nen wo'narok karume Tin o endage Kareti aret wogo nogogwaarik, time inawooliya wurogo patinuk, logonuk, wogwe,

³⁷o Kareti nen wo'narok o nggween Erom kuli paga puut Kot paga woraanuk, time aret inawooliya wurogo patinuk, wonogogwaarak.

³⁸ Togop mban eerit puut Kot paga ari wogo nogogwaarik, wonogwe me, Aliku ALA nen yoreegerak ndak-ndak aap Ala unde Karun nogo, puut Kot paga lagi nage mbareegi, it Iterali o Metit nen wundi woraanuk, wogwe iigak, tahun 40 eereegerak tut 6 penenak tanggal 1 tut ti paga aret Karun nogo kambeegerak.

³⁹At Karun nogo ti, ndarak kagak, tahun seratus dua puluh tiga eereegerak me, puut Kot paga taati aret kambeegerak.

⁴⁰ Ne ti eyom paga aap o Arat mendek endagembogut o Kanan karu nggwok nabunogo pereegim o ame pa'nggwe wonage nogo nen it Iterali wogwe yogwe nogo aruk koneneegerak.

⁴¹It Iterali nogo puut Kot nen wogogwa-wogogwa o Talomona ari woraanuk, time aret inawooliya wurogo patinuk, logonuk, wogwe,

⁴²o Talomona nen wo'narok o Punon woraanuk, inawooliya wurogo patinuk, logonuk, wogwe,

⁴³o Punon nen wo'narok o Obot woraanuk, time inawooliya wurogo patinuk, logonuk, wogwe,

⁴⁴o Obot nen wo'narok nggween Mowap kuli paga o miya-miya wambeegim o Abarim woraanuk, time aret inawooliya wurogo patinuk, logonuk, wogwe,

⁴⁵o miya-miya wambeegim nen wo'narok o Ndibon-Nggat woraanuk, time inawooliya wurogo patinuk, logonuk, wogwe,

⁴⁶o Ndibon-Nggat nen wo'narok o Alomon-Ndibalatayim woraanuk, time inawooliya wurogo patinuk, logonuk, wogwe,

⁴⁷o Alomon-Ndibalatayim nen wo'narok, o Nebo korok-korok puut nggelok-nggobo'me Abarim time woraanuk, inawooliya wurogo patinuk, logonuk, wogwe, eerit wogogwaarak.

⁴⁸o puut nggelok-nggobo'me Abarim nen wo'narok niyo Yoraran aa'nggi paga o Yeriko wunggagak o Mowap kobak nabunogo pereegim woraanuk, time aret inawooliya wurogo patinuk, nogo yereegwaarak.

⁴⁹O Mowap kobak nabunogo pereegim nogome niyo Yoraran aa'nggi paga o Mbet-Yetimot nen nok, o Aben-Titim kuli time aret inawooliya wurogo patinuk, wonogogwaarak.

⁵⁰Niyo Yoraran aa'nggi paga o Yeriko wungga wagak o Mowap kobak nabunogo pereegim taati wonogwe iigak, Aliku ALA nen Muta yoge logonet,

⁵¹“Aakumi Iterali wone yorage logonet, yoroorak nogo yi aret o. It niyo Yoraran wunda nanuk, o Kanan time unggunuk,

⁵²it aakumi o time wonogwe nogo, mugogo wumbiinet nogo logonet, inagugiwak yebibit inom, inagugi ogot mbuti paga eerak inom, yigirogo pugwi, puut-puut paga inagugi aanggo warogo pogo menggam abok aret minogo pugwi, eeko logomenggaarik,

⁵³o ti, it unde eeppatinuk logowak nduk, wogoragagirak me, unde eekkologo logomenggaarik, ye mbambatinuk logowak o.

⁵⁴ Togop aret me, nggween ti, it ndarak ndegek lombok yate kwak kolaawak nduk, yugum wakkenok kologo logorak me, ineebe ambik lombok lingginik kenok, yate kwak nggween nggwok aret kologwe, ndi, ineebe mbereret lingginik kenok, yate kwak nggween mbuuluk kologwe, eeko logowak o. Aap ta koloorak kaamun? yinuk, yugum paga wakkaanuk, inombomini inanebunu mugurok mban aret inanggween tumbukkologo logowak o.

⁵⁵Ndi, aakumi o ti paga wonogwe ti, mugogo wumbiiga'lek teppiyaagun kenok, it inom wonogo logonet, yugum anggen inigen anggup unggwegerak negen eerogo piigwi, alok ineebe paga ngguurik negen eerogo piigwi, eeko logogun o. Teppiyaagun kenok, o ti paga wonogo logonet, maluk eeppiigo logogun o.

⁵⁶Ndi, wumbiyaagun lek kenok, it o time wonogwe an eeppiyoorak mbakirak nogo melak togon it Iterali aret eeppiyaagin, yegerak, yoret o,” yinuk, yoreegerak.