Read Western Dani Yotuwa 12 Bible Online

Yotuwa 12 - Western Dani bible

Yotuwa 12

¹ It aakumi Iterali nen aap iinok, inanggween o Yoraran nonggologo pereegim niyo Yoraran oonegen wundi wage menggim enebagan ogu niyo Aronon panggombunuk, agi puut Keromon kuli kologogwaarak nogo yi aret.

²It aakumi Amori mendek inowe endagembogut Tikon nogo o Ketibon logonet, o Arowet niyo Aronon nggelo'me oolo time nen o Nggileyat ando inom lambunogo niyo Yabok aap anebunu Amon mendek inanggween mbanak kuli paga inom, o Yoraran nonggologo pereegim oonegen wundi wage menggim pa'nggwe niyo yenggenak Kinerot nogome nen nok, ogu niyo yenggenak Mayu Ogup o Mbet-Yetimot nen nok, ogu o ame pa'nggwe puut Pitaka ogobak mbanogo pit nagagim inom, at unde wonagagerak abok aret ndinggologwe,

⁴ndi, aakumi Erepayim mendek yumbunik aap ambi o Mbatan endagembogut Ok nen awi mbere Atitarot Erereyi wonage logonet,

⁵o Mbatan abok puut Keromon inom, o Talaka inom, kuli nen nok, o aakumi Nggetut mendek inom, aakumi Maaka mendek inom, inanggween kuli nen o Nggileyat eegu mogonak aap endagembogut Tikon anggween unde menggim endage Ketibon kuli apit aret at mban unde wonagagerak nogo ndinggologwe, eereegwaarak.

⁶ At Aliku ALA ayeloman Muta aakumi Iterali inom nen inawim abok aret tebenogo piinok, inanggween nogo Aliku ALA ayeloman Muta nen it Uruben mendek inom, Nggat mendek inom, inanebunu Manate ando mogonak nogo inom, unde a'nuk logowak nduk, tumburiragagerak.

⁷At Yotuwa aakumi Iterali inom nen aap inendagembogut tebenogo piinok, inanggween ndinggologogwaarak nogo ti, niyo Yoraran oonegen kilu yi nage menggim yi paga o Mba'an-Nggat o Libanon kobappaga nen nok, puut-puut Nggundun anggege o Teyit pa'nggwe waninogo pi nagagim abok aret aakumi Ket inom, Amori inom, Kanan inom, Perit inom, Kewi inom, Yebut inom, inanggween puut-puut inom, puut nggelok-nggobok oonegen kilu yi nage menggim wonage inom, o Yoraran nonggologo pereegim inom, puut ogobak mbanogo pit nagagim inom, karume nggwok o ame pa'nggwe inom, abok aret inanggween tebenggologo nogogwaarik, aakumi Iterali inanebunu ndarak ndak-ndak aret ineyate kwak unde eeppatinuk logowak nduk, tumburiragagerak nogo yi aret.

⁹Aap endagembogut ambi o Yeriko mendek, ambi o Mbeten ambokan o Ayi mendek,

¹⁰Ambi o Yerutalem mendek, ambi o Keboron mendek,

¹¹Ambi o Yarumut mendek, ambi o Lakit mendek,

¹²Ambi o Egolon mendek, ambi o Nggetet mendek,

¹³Ambi o Ndebit mendek, ambi o Nggeret mendek,

¹⁴Ambi o Korama mendek, ambi o Arat mendek,

¹⁵Ambi o Libana mendek, ambi o Arulam mendek,

¹⁶Ambi o Makera mendek, ambi o Mbeten mendek,

¹⁷Ambi o Tapuwa mendek, ambi o Kepet mendek,

¹⁸Ambi o Apek mendek, ambi o Lataron mendek,

¹⁹Ambi o Maron mendek, ambi o Katot mendek,

²⁰Ambi o Timoron-Meron mendek, ambi o Akatap mendek,

²¹Ambi o Taanak mendek, ambi o Megiro mendek,

²²Ambi o Kereti mendek, ambi o Yokeneyam puut Karemen koorok mendek,

²³Ambi o Ndot puut Napot-Ndot mendek, ambi o Nggilagan awi Nggoyim mendek,

²⁴Ambi o Tirata mendek. Aap inendagembogut apit ti, ineebe 31 aret me, inanggween ndinogo aakumi Iterali mendek tumburiragagerak ti aret.