Read Western Highland Purepecha San Mateo 1 Bible Online

San Mateo 1 - Western Highland Purepecha bible

San Mateo 1

¹Ísti karakata Jesukristueri sïrukueri, enga Dabidi ka Abrani uájpeka:

²Abrani Isakiri tátjembespti ka Isaki Jakobueri ka Jakobu Juderi, ka imeri erachi jémbecheri.

³Ka Juda Tamari jingunksï Fáresini ka Sérani kángorheaspti ka Fáresi Esromueri tátjembespti ka Esromu Aramueri.

⁴Aramu Aminadabiri tátjembespti ka Aminadabi Naasoniri ka Naasoni Salmoniri.

⁵Ka Salmoni Raabini jinguni Bóosinksï kángorhespti ka Bóosi Rutini jingunksï Obedini kángorhespti ka Obedi Isairi tátjembespti,

⁶ka Isai irecha Dabiri tátjembespti. Ka irecha Dabi Salomoniri tátjembespti ka ima enga Uriasiri uarhitipka ima amambespti.

⁷Salomoni Roboamiri tátjembespti ka Roboami Abiasiri ka Abiasi Asari.

⁸Asa Josafatiri tátjembespti ka Josafati Joramueri ka Joramu Usiasiri.

⁹Ka Usiasi Jotamueri ka Jotamu Akasiri ka Akasi Esekiasiri.

¹⁰Ka Esekiasi Manasesiri tátjembespti ka Manasesi Amoniri ka Amoni Josiasiri.

¹¹Ka Josiasi Jekoniasïri tátjembespti ka imeri erachi jémbecheri, jiájkani isï engaksï Babilonia pánhapka k'atakata.

¹²Tátsekua engaksï Babilonia uératini k'uanhatsentapka, Jekoniasï Salatielini kángorhespti ka Salatieli Sorobabelini.

¹³Ka Sorobabeli Abiudini ka Abiudi Eliakimuni ka Eliakimu Asorini,

¹⁴ka Asori Sadokini ka Sadoki Akimuni ka Akimu Eliudini.

¹⁵Eliudi Eleasarini kángorhespti ka Eleasari Matanini ka Matani Jakobueri tátjembespti,

¹⁶ka Jakobu Joseri tátjembespti, enga Mariaueri uámbepka engaksï Jesusini kángorhepka enga Krístu arhinhajka.

¹⁷Ísï jimbo jiájkani uératini enga Abranika ka enga jamberi Dabika témbeni t'ámu sïrurichesptiksï. Ka máteru xánderu Dabi jinguni uénani ka jiájkani jamberi engaksï Babilonia k'atakata pánhapka, ka máteru xánderu jiájkani engaksï Babilonia uératini k'uanhatsentapka ka enga jamberi Krístuekia.

¹⁸Jesukristueri andajpenukua arisï úkorhespti: Jose Mariani, imani enga Jesusiri nánde jémbeka kurhajkorhetixaptia, ka engaksï nótki márku irekani jápka, Maria Espiritu Sántuni jimbo sapini erokorhexaptia.

¹⁹Jose kaxumbespti ka no uékasïrempti uandantani, ka Mariani úekaspti sïpatekuarhku jurajkuni.

²⁰Enga Jose íni ambe eratseni jápka, Acheri ánjeli ma tsánharhikuarhu xarhakuspti ka arhispti: “Jose, Dabi uájpa, ásï jáma chéni Mariani tembuni, jimboka Espiritu Sántueriska enga inde kóndenhatini jaka.

²¹Ka Maria sapini ma kángorheati ka Jesusiri arhiratarkorheaka jimboka inde, inderi iretani k'amanharhintskuarhu p'ímutantaaka.”

²²Iámendu i ambe ísï úkorhesti eskamendu Acha imeri uandarini jimbo na uandarini jápka:

²³“Iurhitskiri ma ixu jarhasti enga uájpani ma kángorheaka, ka Emanueli arhinhaati.” (Enga arhikuekajka: “Diósï juchantsïni jingunisti”).

²⁴Ka enga Jose tsínharhipka ísï jámaspti eska Acheri ánjeli na juramukupka ka Mariani tembuspti.

²⁵K'óru no p'árhespti enga jamberi ima uájpa urhetini kángorhepka ka Jesusi arhiratarkorhespti.