Read Western Highland Purepecha San Mateo 3 Bible Online

San Mateo 3 - Western Highland Purepecha bible

San Mateo 3

¹Imani jurhiatekuechani jimbo Judea, jimesï enga nónema irekaka jámaspti Jauánu itsï atajtsïkpiri, arhijtsïkpeparini,

²ka arhijpesïrempti: “¡Diósïni andarhentsï je, jimboka auandarhu anapu irechekua janoxakaia!”

³I imesti enga Isaiasï Diósïri uandari uandempka: “Nema ísï uinhachaxati jimesï isï enga nónema irekaka: Acheri xanharini ambantskakuntsï je, ka xanharini p'arhikjantskakuntsï je.”

⁴Juánueri xukuparhakua kameiueri jauiri jimbo úkatespti ka sïkuiri jóngorhesïrempti ka chóchu ka tékua juátarhu anapu t'iresïrempti.

⁵Jerusaleni anapuechaksï ka Judea ka iurhekua Jordani parhikutini isï anapuechaksï nirasïrempti kurhajchani,

⁶k'amanharhintskuechanksï uandakorheantasïrempti ka Juánu iurhekua Jordanirhu itsï atajtsïkuasïrempti.

⁷Juánu uánekua fariseuechani ka saduseuechani exearini engaksï niárempka itsï atajtsïkukuekani, arhiasïrempti: “¡Akuitseni járhaticha! ¿Chánksïni ne arhiski eskajtsï chájtu úaka sïpakorhekuni ikimperatani enga jurhani jaka?

⁸Xarhatachka je, eska xarharaaka eskajtsï sési jimbo móantaskia,

⁹ka ásï cha jandiojku arhikorhe je: ‘Abrani juchari Tátesti.’ Jimbokaksïni ji arhixaka eska Diósï úsïnga íni tsakapuechani jamberi Abrani uájperantaani.

¹⁰Ka jacha ambamuntskata jarhastia enga anhatapuni sïrangua jinguni p'ikuaka; jimboka anhatapu enga no újka ambakiti amanhejchakua jukani, ch'apanhasïndi ka chpírirhu k'uanijpanhani.

¹¹Jíksïni sési jimbo itsï jimbojku itsï atajtsïkuxaka, eskajtsï móataaka, ka ima engarini chúxapuni jaka, engani ji no jukanchaka kuarhachichani p'ikuani, ima sánderu k'éri ambesti. Imaksïni Espiritu Sántuni ka chpíri jimbo itsï atajtsïkuati.

¹²K'arhojpatarakuani jupikatixati enga tríjuni kátakutarantaaka. Tríjuni, jatakuarhu incharantaati ka sïnhakini chpírirhu kuanijpaati jima enga nómeni pójpeaka.”

¹³Jesusi Galilea uératini, iurhekua Jordanirhu niáraspti, jima enga Juánu jápka, eska ima itsï atajtsïkupiringa.

¹⁴K'óru Juánu no uékasïrempti ka arhisïrempti: — T'úrinisï itsï atajtsïkuaka, ¿Andirinisï t'u jíndeni arhijki?

¹⁵Ka Jesusi arhispti: — Jauati iásï ísïni, jimboka Diósï ísï uékasïnga eska úkorheaka. Jiájkani Juánu itsï atajtsïkuspti.

¹⁶Ka enga Jesusi itsï atajtsïtini uémentani jápka, jimajku auanda mítakorhespti ka eranchespti Diósïri Espirituni enga jipunhini jásï ma kétseni jápka ka imani andajtsïkueraspti.

¹⁷Ka auandarhu anapu uandakua ma kurhanchekorhespti enga arhimpka: “I jindesti jecheti Uátsï xénhchakata, engani jimbo ji xáni tsípejka.”