Read Western Highland Purepecha San Lucas 23 Bible Online

San Lucas 23 - Western Highland Purepecha bible

San Lucas 23

¹Iámenduechaksï jauaraspti, ka Jesusinksï Pilatuni pákuspti.

²Pilatuni japarinksï uénaspti Jesusini arhinharhikuni, uandaparini: — Íni achetinchi p'iáraska juchari iretani támu ísï jánhastani jarhani. Uandasïndi eskachi Sésarini no maiamuaka, ka támu uandasïndi eska inde irecheska, eska Krístueska.

³Pilatu kurhamarhesti: — ¿Jeteru, t'u judiouecheri Irecheski? Ka Jesusi arhispti: — T'úri ísï uandaska.

⁴Jimajkani Pilatu tátecheri urhejtsïkurichani ka máteruechani arhiaspti: — Nómbema xékuntasïnga íni achetini engani k'amanharhitarantaaka.

⁵Ka imaksï sánderu uinhamu arhisïrempti: — Ambe enga inde jurhentpeni jaka, iámu iretani manataxati. Galilea uénasti, ka iásï ixu Judea ísï jámaxatiia.

⁶Enga ísï kurhapka, Pilatu kurhangorhespti ísïspki eska ima Galilea anapuespka.

⁷Ka enga na mítepka eska Erodesi juramutispka jini enga Jesusi anapuepka, imani axakuspti jimboka imajtu imani jurhiatekuechani isï Jerusaleni jámaxapka.

⁸Enga Erodesi Jesusini exepka, kánekua tsípespti, jimboka ióni uekaspkia míteni, jimboka imeri ambe t'uíni aiangunhasïrempkia ka uéksïrempti exeni eska milagru ma úpiringa.

⁹Uánekua ambe kurhamarhespti, ka Jesusi nómbema mókukuspti.

¹⁰Tátecheri urhejtsïkuricha ka juramukua jurhentpirichajtuksï chúxapaspti ka inchajtsïmantaxaptiksï ambe arhiparhatani.

¹¹Erodesi ka imeri p'urhejkutichaksï nósesi kámaspti ka teresmarhunksï, ambakiti takusï irecherini jásïksï jatsikuspti. Tátsekua Erodesi ménderu Pilatuni axakuntaspti.

¹²Ima jurhiatekuaksï ménderu Pilatu Erodesi jinguni sési p'ájperantaspti, engaksï urheta ikiatsperatini jápka.

¹³Jimajkani Pilatu tátecheri urhejtsïkurichani ka ireteri achechani ka iámu iretani tánantaspti,

¹⁴ka arhijpespti: — Íni achetintsïni cha juácheska, arhiparhatasïngajtsï eska iretani támu ísï jánhastasïnga; ka ji kurhamarheskia chánksïni japarini, ka nómbema xékuntaska imani ambe engajtsï xáni arhiparhatajka.

¹⁵Ka Erodesijtu nómbema xékuntasti, jimbojtsïnisï axachentati. Xéxakajtsïa, nómbema xáni k'éri kántspesïndi enga jukanchaka atanhani uándikunhani.

¹⁶Ji k'uikirhetarkorheaka ka tátsekua jurajkuakia.

¹⁷[Jimajkani isï p'indekuespti k'atakata ma kuínchekuarhu jurajkunhani][53]

¹⁸Enga úpka, iámenduechaksï uénaspti uinhachani: — ¡Indeni ásï jurajku! ¡Barrabasintsïni jurajkuche!

¹⁹Barrabasïnksï k'ataperakuarhu jatsispti jimboka iretani manataspka, ka jimboka atajpespka uándikpeni,

²⁰ka Pilatu, ménderu arhiaspti Jesusini jurajkukuekani;

²¹ka imaksï sánderu uinhachaspti: — ¡Krúsirhu cháparhata! ¡Krúsirhu cháparhata!

²²Tanimu uéntani jámani Pilatu arhiaspti: — ¿Andi ambechkamendu nósesi niátaski? Ji nómbema xékuntasïnga enga jimbo jukanchaka eska atanhaaka uándikunhani. K'uikirhetarkorheaka ka tátsekua jurajkuaaka.

²³Ka imaksï sánderu méntku ísï uandani uinhachani, eska krúsirhu cháparhatanhapiringa; ka xánksï uinhachatini andaspti eska ísï úkorhepiringa eskaksï na uékani jápka.

²⁴Pilatu juramuspti eska úkorhepiringa eska na kurhajkorhenhani jápka;

²⁵ka ísï jimbo, jurajkukuaspti imani engaksï kurhajkorhepka enga iretarhu manatajpepka ka enga atajpekua jimbo k'atakata jápka, ka juramuspti eskaksï Jesusini kámapiringa eskamenduksï na kurhajkorheni jápka.

²⁶Ka engaksï Jesusini krúsirhu cháparhatani páni jápka, Sirene anapu ma achetinksï jupikaspti, Simonini, enga jimesï andantani jápka, ka krúsiksï ichanditaspti ka Jesusinksï chúxatapani.

²⁷Uánekuaksï chúxapaxapti ueparini ka uinhachaparini p'amojkuni,

²⁸ka Jesusi erauaspti ka arhiani: — Jerusaleni anapu nanecha, jíndeni jimbo ásï uera je, chájtsïsï p'amojkukorheaka ka chári sapichani jimbo uera je.

²⁹Jimboka jurhiata janoaka enga uandanhaaka: Tsípeksï ima engaksï no újka sapi káani, nanecha engaksï no úka sapi káani ka nóksï ma sapini t'arhexerani.

³⁰Jimajkanistia enga uénanhaaka juátechani arhiani: ¡Jatajchakujtsïni! Ka k'úmstechani arhiani: ¡Jískajtsïni!

³¹Jimboka ekaksï p'ukurini enga tsikini jaka ísï kámka, ¿P'ukuri uarhiakukatanksï nándi kámaaru?

³²Máteruksï tsimani atajpitichani páaxapti krúsirhu cháparhataani.

³³Engaksï niárapka jima enga Uarhiri éjpu arhinhajka, Jesusini ka tsimani atajpitichantuksï cháparhataaspti, ma t'irerkandani ka máteru uikixkandanksï cháparhataaspti,

³⁴[Jesusi uandaspti: “Táte, púakuantsï, jimbokaksï no míteska ambeksïsï úni jaki.”] Ka p'urhejkutichaksï ch'anakua jimbo arhungurhispti Jesusiri xukuparhakuani.

³⁵Jima janhaspti exenhani; ka juramuticha jamberiksï teresmarhusïrempti, uandaparini: — Máteruechani p'ímutantaasti; eka sési jimbo inde Krístueka ka erakukateni iásï jandiojku uérakue.

³⁶P'urhejkutichajtuksï Jesusini teresmarhusïrempti. Andarherasïremptiksï ka kauikua tsîjpekataksï inchachatasïrempti,

³⁷arhiparinksï: — ¡Ekari judiouecheri irecheka, kuájpekorhe!

³⁸Ka karakata ma jukarixapti imeri éjpurhu karhakua enga arhimpka: “I judiouecheri irechesti.”

³⁹Ima ma isï atajpiti engaksï tirhipanhapka, Jesusini arhinhchasïrempti: — ¡Ekari Krístueka, kuájpekorhechka ka kuájpejtsïni!

⁴⁰Ka máteru xukaspti imani enga ísï arhipka, arhiparini: — ¿Nóri chérhesïnki Diósïni, engari t'újtu méntkueni cháparhatakata jaka?

⁴¹Juchachi jurhimbekuarhu maiampexaka, jimbokachi nósesi niátaska; ka inde acheti nómbema nósesi niátasti.

⁴²Tátsekua uandasptiteru: — Jesusi, miántsïrini ekari na uénajka juramuni.

⁴³Jesusi arhispti: — Sési jimbokini arhixaka eskari iásïtkisï auandarhu jíndeni jinguni jauaka.

⁴⁴Teruxutini uératini ka téjkamatiru jamberi ma parhakpeni pájpakandespti.

⁴⁵Tata jurhiata pátakorhespti ka tióstarhu arhunhatarakua terujkani karunhespti.

⁴⁶Ka Jesusi uinhachaspti uandani: — ¡Táte, jucheti espiritungini t'úngeni jurajkuchexaka! Ka enga na ísï uandapka, uarhisptia.

⁴⁷Enga Roma anapu p'urhejkuticheri k'éri exepka ambe enga úkorhepka, Diósïni k'éri ambe arhispti uandaparini: — Sési jimbo i nómbema kántspesïrempti.

⁴⁸Eska xáni janhapka, ka engaksï exepka ambe enga úkorhepka, uánheparinksï kéndikuspti.

⁴⁹Iámendu enga Jesusi míteapka iauankuksï jarhaspti; ka uarhitichajtuksï jima jarhaspti engaksï Galilea uératinitki chúxapapka.

⁵⁰Jarhaspti acheti kaxumbiti ma enga Arimatea anapuepka, enga Judea anapu ireteka. Judiouecheri tátecheri urhejtsïkurispti.

⁵¹Ima táta enga Jose arhinhempka, Diósïri irechekuani erokorhexapti ka no jaiapanhentaspti ambe engaksï tátecha tángorhekuarhu úskupka,

⁵²ka niraspti Pilatuni uandaxekuni ka arhispti eska Jesusini jiájkutantapiringa.

⁵³Krúsirhu késkuntatini, takusï irhiirhitaspti ka p'orhonharhitakatarhu ma páspti jatsintani enga nótki nema jima jatsinhantani jápka.

⁵⁴Ima jurhiatekuespti enga ambe tánakorhenhani janhajka, jimboka sábadu jurhiatekua uénaxamempkia.

⁵⁵Ka uarhiticha engaksï Jesusini Galilea uératinitki pámbepka, nirasptiksï exeni jima enga jántani jápka, ka exesptiksï néna enga péranhapka.

⁵⁶Niántatinksï p'untsumekua ka atarhentskua ambe tánaspti.