Read Western Highland Purepecha Hechos 6 Bible Online

Hechos 6 - Western Highland Purepecha bible

Hechos 6

¹Imani jurhiatekuechani, engaksï jakajkuticha uánepani jápkia, gríegu uandarichaksï uénaspti ebreuechani arhiani eskaksï uarhiti tsîndicha gríeguecha, nóksï májkueni intsïnhasïrempka mándani pauani jarhojperatani.

²Jiájkanksï témbeni tsimani Jesusiri uandakua páricha tánpentaspti ka arhijpesptiksï: — Nósesi jauati eskani jucha jurajkuaka Diósïri uandakuani, ka ambe kéjtatachenksïni jamani.

³Jiranhaa je iúmu tsimani erachi engachi íni ánchekorhetani míndauaka engaksï sési míntsinharhikueuaka ka engaksï uinirini jauaka Espiritu Sántuni ka mímixenksï.

⁴Ka jucha no jurajkuntaaka uandamukukorheni ka Diósïri uandakuani aiangpeni.

⁵Iámenduechaksï ísï sési exespti ka Estebanunksï eraantaspti, acheti kánekua jakajkuti ma enga Espiritu Sántuni uinirhekorhetini jápka, ka Felipeni ka Prókoroni ka Nikanorini ka Timonini ka Parmenasïni ka Nikolasïni Antiokia anapuni enga judioueni jakajkuntapka.

⁶Ka ínksï Jesusiri uandakua párichani jinguni páaspti, ka imaksï kómarhijpekuaspti ka p'ájtsïkuasptiksï.

⁷Acheri uandakua kánekua mítekorhepaxapti, ka Jerusalenksï jakajkuticha uánexapti; ka ístuksï uánekua tátecha jakajkukuani chúxapaxapti.

⁸Estebanu, Diósïri kóndentskua ka uinhapekua uinirini, k'éri míndechani ambe úasïrempti k'uiripuni japarini.

⁹Ka kúngorhekuntasptiksï tángorhekuarhu anapuecha engaksï “Libertu” arhikatepka, ka Sirene anapuecha, ka Alejandria anapuecha, ka Silisia ka Ásia anapuecha Estebanu jinguni arhirperani.

¹⁰Ka k'óruksï no úsïrempti Estebanuni andani enga mímixekua ka Espiritu jinguni uandempka.

¹¹Ka achetichanksï máru sïpatekuarhu maiamuaspti eskaksï uandapiringa eskaksï Estebanuni kurhajchaspka na enga Moisesini ka Diósïni nósesi arhini jápka.

¹²Ka iretarhuksï manatpespti, ka achamasïchani ka juramukua jurhentpirichantuksï manataaspti, ka Estebanunksï jupikaspti ka k'éri tángorhekuarhuksï páspti.

¹³Ka páasptiksï máru engaksï chkuándiraparini arhiparhatani jápka: — I acheti útakuntaxati k'éri tiósïoni ka juramukuantu útakuxati.

¹⁴Jucha kurhajchakorheska enga inde uandaka, eska Jesusi Nasareti anapu íni k'éri tiósïoni xérentaaka, ka eska mójtakuaka p'indekuechani engajtsïni Moisesi jurajkucheaka.

¹⁵Iámendu ima engaksï k'éri tángorhentskuarhu uaxakatini jápka, Estebanunksï eratespti ka ima ánjeli méni jánharhintaspti.