Read Western Highland Purepecha Hechos 7 Bible Online

Hechos 7 - Western Highland Purepecha bible

Hechos 7

¹Ka k'éri táta kurhamarhespti: — ¿Jeteru ísïski?

²Ka Estebanu mókukuntaspti: “Kurhajtsïni je erachicha ka achamasïcha, Diósï enga k'éri t'íntskueka, juchari táte Abranini xarhakuspti enga Mesopotamia irekani jápka, jiájkani enga nótki Arani nirani jápka irekorheni,

³ka arhispti: Chéti iretarhu uéaku ka jurajkua chéti k'umanchekuarhu anapuechani ka imani echeri jimbori niuaka engakini ji exeraaka.

⁴Ka ima Kaldeuechani uéakukuantaaspti ka Arani irentaspti, ka enga tátjemba uarhipka, Diósï jima uératini íni echerini jimbo juáspti engajtsï iásï cha irekorheni jaka.

⁵Ka ixu méntku nósani echeri íntskuspti, ni imani enga atastani jápka. K'óru aiakuspti eska sïrukua jémbani íntskupiringa enga ima uarhipiringia nájkiruka ima nótki ma sapini kámempka.

⁶Diósï arhispti eska sïrukua jémba máteru nani uérakua anapueni irekapiringa, ka eskaksï jántspetaapiringa ka eskaksï ma irepeta uéxurhini nósesi káapiringa.

⁷Ka Diósï uandaspti: Ji arhinharhikuaka imani iretani engajtsï jántspekuni jamani jauaka; ka tátsekuajtsï uéakukuantauaka ka ixujtsïni marhuacheaka.

⁸Ka pakatperakua ma arhiaspti eskaksï ts'iuekuarhu sïkuiri p'ikujtsïtapiringa, ka Abrani Isakini kángorhespti ka iúmu tanimu jurhiatekua jimbo ts'iuekuarhu sïkuiri p'ikujtsïkukuspti. Ka Isaki Jakobuntu májkueni kámaspti, ka Jakobu témbeni tsimani uájpechani engaksï judio anapu achepka.

⁹Jakobu uájpechaksï, erachi jémbaniksï Joseni epurhesïrempti ka Ejiptu anapuechanksï atarakuantaspti; k'óru Diósï Jose jinguni jarhaspti,

¹⁰ka ambe enga xáni úkua jinguni nitamanchakorhempka Diósï jarhuataspti, ka kóndentaspti ka mímixerani enga Faraonini jinguni jápka, irecha Ejiptu anapu jinguni enga Joseni juramuti úpka Ejiptu ka irecho.”

¹¹“Ka jiájkani ísï Ejiptu ka Kanani kánekua k'arhingua japuspti, ka juchari táte tua anapuechaksï t'irekua nómberakorhexapti.

¹²Enga Jakobu mítepka eska Ejiptu tríju kánekua japuspka, ma xanhari axaaspti juchari tua anapu tátechani.

¹³Ka engaksï tsimani úni jamani nípka, Jose aianguantaspti erachi jémbechani eskaksï márkuespka, ka Faraoni mítespti Joseri márku jémbechani.

¹⁴Tátsekua Jose, tátjemba Jakobuni p'ijtajkorheaspti iámendu imo anapuechani jinguni, engaksï tanimu ekuatse témbeni iúmuepka.

¹⁵Ka Jakobu Ejiptu kétsemaspti ka jima uarhispti ka ístuksï juchari táte tua anapuecha jima uarhispti.

¹⁶Ka iámenduksï Sikemi pánhantaspti jatsinhantani, imani jántskuarhu enga Abrani Amori uájpechani píakuantaapka.”

¹⁷“Enga jurhiatekua andaparheni jápkia enga Diósï Abranini aiakupka, Israeli anapuechaksï Ejiptu t'uíni uánesptia,

¹⁸ka Ejiptu máteru nema irechesptia ka ima Joseni no mítespti.

¹⁹Ka ima irecha juchari iretani, juchari tua anapuecha k'arhaaspti ka nósesi káaspti ka juramukuaspti eskaksï charhakuechani tsîtaapiringa, eskaksï uarhiraapiringa, ka ísïksï nóteru uánenia.

²⁰Ima jurhitekuechani Moisesi andajpenuspti, ka Diósï kánekua xénhchasïrempti, ka tanimu kutsï tátjemba ka amamba jinguni t'arhexespti.

²¹Ka tátsekuaksï jurajkuspti, ka Faraoni uájpa tarhataspti ka ísï t'arhexerakorhespti eska ambe uájpeni.

²²Moisesi Ejiptu anapuecheri mímixekua jurhendanhaspti, ka achamasï mésti enga sési mítekupka néna uandani ka néna jamani.”

²³Ka enga tsimani ekuatse uéxurhini jatiripkia, erachi jémba Israeli uájpechani p'urhembenhchaaspti.

²⁴Enga exepka na enga Ejiptu anapu ma, Israeli anapuni ma nósesi kántani jápka atani, ichaakuspti kuájpentani, ka Ejiptu anapuni uándikuspti.

²⁵Jimboka Moisesi ísï p'ikuarhenhexapka, enajkiksï erachi jémba Israeli uájpecha jánhaskani japi eska Diósï Moisesini jimbo euajpeantaapiringa, k'óruksï ima nósani ísï eranguntaxapti.

²⁶Ka pauandekua, Moisesi andarheraaspti tsimani Israeli anapuechani engaksï uarhiperani jápka, ka inchaakukuaspti uékani jarharetaani ka arhiaspti: Chájtsï márkueska, ¿Andijtsïsï ísï kámperajki?.

²⁷Ka ima enga nósesi kámani jápka máteruni, Moisesini p'ákchakuspti ka arhini: ¿Andi nékini arhiski eskari juchari juramutiuaka ka arhijtsïni ambechisï nósesi úni jaki?

²⁸¿Andi jíndenturini uándikua, ísï eskari uitsindekua Ejiptu anapuni na uándikuka?

²⁹Moisesi ísï kurhaarini sïpakorhespti ka Madiani niraspti irekani, ka jima tsimani uájpechani kángorheaspti.

³⁰Ka tsimani ekuatse uéxurhini jimbo, ánjeli ma xarhakuspti Sinai juátarhu, jima enga nónema irekaka, tsïtunirhu ma enga tixarani jápka.

³¹Ka Moisesi kánekua ísku pakareraspti ísï exerini, ka enga andarherani jápka sési exeni, Acha jimajku kurhaakorhespti:

³²Jíska chéti tua anapuecheri Diósï, Abraniri Diósï, ka Isakiri Diósï ka Jakobueri. Ka Moisesi manaraparini nóteru tékaasïrempti eraani.

³³Ka Acha arhispti: “P'iuaa chéti kuarhachichani, jimboka ini echeri engari atastatini jaka ji arhutakata jatsiska.

³⁴Ji exeskia jucheti iretani, na enga Ejiptu xáni nósesi nitamakorheni jaka, kurhaaskia na engaksï jirejiremeni jaka, ka kétseska p'ímutantaani. Iásï juíni, Ejiptukini axaaka.”

³⁵“Ka Moisesiniksï, imani engaksï no jiókorhepka ka arhisptiksï: ‘¿Nékini juramutini ka arhinharhikpitini péraski?’, Diósï imani axaspti eska juramuti ka p'ímutantspiri ánjeli jimbo enga tsïtunirhu xarhakupka.

³⁶Ka ima úspti eskaksï jurajkunhapiringa, k'éri ambe ka mínda ambe úparini Ejiptu tsimani ekuatse uéxurhini, ka ístu japunda charhapemerhu ka jima enga nónema irekaka.

³⁷Ísti Moisesi enga Israeli anapuechani arhiapka: ‘Diósï chári erachini ma imeri uandari úati, ísï eska jíndeni ka imantsï kurhajchaaka’.

³⁸Ísti Moisesi, enga ireta jinguni tángorhentatini jápka jima enga nónema jámka, ka enga ánjeli Sinai juátarhu uandajpempka ka juchari tátechani aianguantaani, ka enga tsípikueri uandakuechani p'iuaka ka juchantsïntsïni aianguantaasti.

³⁹Ínksïsí juchari tátecha no úekapti kurhandirakuni, ískuksï xéspti, ka sánderuksï Ejiptu k'uanhatsenhchantaxapti.

⁴⁰Ka Aroniniksï arhisti: Úcheajtsïni diósïchani engajtsïni juchantsïni urhechepaaka, jimbokani jucha no míteska ambexamu úkorhencha Moisesi engajtsïni Ejiptu petantaka.

⁴¹Ka jiájkanksï úakasï sapichuni ma úspti, ka jimaksï imani eratakuani kéjtsïtakuspti, ka k'uínchekuaksï ma úkuntaspti imani ambe engaksï újkuntapka.

⁴²Ka Diósï kéndikukuaspti, ka jurajkuaspti eskaksï jóskuechani ambe k'éri ambe arhiapiringa. Ísï eska na karakata jaka Diósïri uandaricheri karakatecharhu; ‘Israeli anapuecha, ¿Andi chájtsïni tsimani ekuatse uéxurhini kéjtsïtacheski jima enga no irenhaka?

⁴³Sánderujtsïsï Molokiri kuákuani ka Refaniri jóskuantsï pájtakorheaska, imani eratakatechani engajtsï újkukorheaka engajtsï k'éri ambe eratajka. Ísï jimboksïni ji Babilonia jima sánderu chúaka.’

⁴⁴Juchari tátechaksï jima enga nónema irekaka jima jatsispti tiósta aiatsperakuerini, ísï eska na juramupka ima enga Moisesini arhipka eska ísï jásï ma úpiringa na enga jásï ma exepka.

⁴⁵Juchari tátecha engaksï tióstani jurajkumenhapka, Josue jingunksï pájtaspti inchaakutspeni jima enga Diósï petaatpepka juchari tátechani japarini, ka jimajkani jamberi enga Dabipka.

⁴⁶Ima enga Diósï xáni jaiapanhentapka, ka Dabi Diósïni sésekua kurhakuspti tiósïo ma úni nani enga Jakobueri sïrukua úpiringa k'éri ambe arhini.

⁴⁷Ka Salomonisï tiósïoni úkupti.

⁴⁸Nájkiruka auandarhu anapu Diósï no k'umachekua k'uiripu jimbo úkatarhu irekaka. Eska na uandaka Diósïri uandari:

⁴⁹‘Auanda jucheti k'éri uaxantskuesti ka parhakpeni jucheti jatandukua. Acha uandaxati, ¿Andi na jásï májtsïnisï k'umanchekua úchea? ¿Nanisïni ji mintsikorhea?

⁵⁰¿Andi no jucheti jájki úski iámendu íni ambe?’

⁵¹¡Inchajtsïmasïngajtsï! ¡Nójtsï p'ikuarhenhesïnga ka nójtsï kurhasïnga eskaksï no judiuecha! Chájtsï méntkisï Espiritu Sántuni no jiókorhesïnga. Májkuentsï jarhaska eskaksï chári tua anapuecha.

⁵²¿Chári tátechaksï náki Diósïri uandarini no atakuekaski? Uándikuastiksï imani engaksï uandantaka Kaxumbitiri jukuani, imani engajtsï cha iásï intsïnharhitpeka ka uandikuntsï.

⁵³Chájtsï no kurhandirakusïnga Juramukuani imani engajtsï ánjelichani jimbo p'ika.”

⁵⁴Íni ambeksï kurhaarini, kurhunhexaptiksï xáni ikiani ka sïnichaksï kirisïmeantaspti Estebanuni ikiakuni.

⁵⁵Ka Estebanu Espiritu Sántuni uinirhikorhetini, eranchespti ka exespti Diósïri t'íntskuani, ka Jesusini enga Diósïni jurhinkandani jakupka.

⁵⁶Ka uandaspti: — Exexaka auanda mitakorhetini jarhani ka acheti Uájpani enga Diósïni jurhijkandani jakuka.

⁵⁷Ka Estebanu uinhachaspti ka iámenduechaksï míndikorhespti ka sájparherasptiksï.

⁵⁸Iretarhuksï petaatantaspti ka tsakapkuerasptiksï. Ka ima engaksï chkuándiraparini ambe arhiparhatani jápka, takusï ambeksï tumbini ma k'uanindutaspti enga Sáulu arhinhempka.

⁵⁹Ka engaksï tsakapu k'uanirani jápka, Estebanu uandamukukorhexapti: “Acha Jesusi, p'íkuntsï jucheti espirituni.”

⁶⁰Ka tinguixurhitini uinhachaspti: “¡Acha, ásï ambe k'amanharhirantaa!” Ka ísï uandarini uarhispti.