Read Western Highland Purepecha Romanos 10 Bible Online

Romanos 10 - Western Highland Purepecha bible

Romanos 10

¹Jucheti erachicha, jucheti mintsita jingunisïni uandani jaka ka jucheti uandamukukorhekua engani xáni Israelini jimbo arhini jaka, imani jimboesti: Eska p'ímutanhantaaka.

²Jimbokani ji uandakuantaaxaka eskaksï Diósïni míteska, enga úka, nóksï sési jurhenasti.

³Jimbokaksï miripakurhisïnga Diósïri sési arhijperakuani, ka imecheri juramukuanksï janhanharhitini, Diósïri sési p'ájperakuanksï no kurhandirakusïndi.

⁴Jimbokachi Krístuni jimbosï sési pájperka, ka imani jimboksïsï sési kánhajti ima engaksï jakajkutika.

⁵Jimboka terujkani anhaxurhikueri ambe, enga juramukua jimboeka Moisesi arisï karasti: Ne emanga indeni ambe kurhandiraska, indeni jimbo irekaati.

⁶Ka sési arhijperakua enga jakajkukua jimboejka arhisïndi: Ásï jáma ísï eratseni: ¿Néjtu niua auandarhu? (Arhikuekani eska Krístu kétseaka);

⁷o ásï jáma je isï eratseni: ¿Néjtu uékanhea kauaru enga nómeni andanherka? (Arhikuekani eska Ksístuni tsítantaaka).

⁸Ka ¿Andisï arhijki k'óru?: “Uandakua ixujkukini jachesti, penchumekua ka mintsitarhuri kámaxaka.” Jucha indeni jásï jakajkukuanisïni arhijtsïkpejka,

⁹ekari uandaska eska Jesusi Acheska, ka ekari mintsita jinguni jakajkuska eska Diósï tsítantaska, p'ímutanhantakari.

¹⁰Jimboka uétarhesïnga mintsita jinguni jakajkuni eskari ísï jámani séseranhantaaka, ka uétarhesïndi uandani Jesusi jiókorheni ka ísï jámani p'ímutanhantani.

¹¹Jimbokachka karakata arhixaka: “Ne emanga Diósïni mintsikaaka, no k'uratsetanhaati.” Arhini.

¹²Diósïri jimbochi iámenduecha májkueniska judioucha o no judiouecha, májku Achesti iámenduecheri ka iámenduechani kánhachani ambe intsïmpeasïndi imechani engaksï kurhakujka.

¹³Jimboka arhisïnga eska ne ekaksï Achani uandajpakorheaka eskaksï ima p'imutanhantaaka.

¹⁴Ka, ¿Nenaksïsï uandajpaia engaksï no jakajkukujka? Ka ¿Nénaksïsï jakajkukuaia engaksï nómeni aiangunhaka sáni imeri ambe? Ka ¿Nénaksïsï míteaia enga nónema sáni arhijtsïkuajka?

¹⁵Ka ¿Nénaksïsï arhijtsïkpea, enga nónema sáni axaajka aiangpentani? Eska na karakata jaka: ¡Xáni engaksï sési xanharajka ima engaksï ambakiti aiangperakuani juáni jaka! Arhini.

¹⁶Ka enga úka, nóksï iámenduecha jiókorhesti ambakiti aiangperakuani. Jimboka Isaiasi uandasïnga: “Acha, ¿Ne kurhaski ka jakajkuni juchari aiangperakuani?”

¹⁷Ísï jimbo, aiangperakua kurharinisï jakajkunhajti, ka aiangperakuani Krístusï aiangpejti.

¹⁸Ka ji kurhamerhekorhesïnga ¿Andi nóksï kurha aiangperakuani? ¡Kurhastiksï! Nochka karakata arhixaki andi eska: Iámu parhakpeni nirasti indecheri uandakua, Ka iámu parhakpeni mítekorhesti imecheri uandakua.

¹⁹Ka kurhangorhexakateruni: ¿Andi Israeli anapuechaksï no mítepi ini ambe? Nóchka Moisesisï uénaspi uandani andi: “Jiksïni no uinhaakorheraaka iretani enga no jamberi ireteka, iretani ma jimboksïni ikiataaka enga no uéjka kurhandirani.”

²⁰Ka tátsekua Isaiasijtu uandasti: Imechajtsïni xéntasti engajtsini no jirinhantani jápka; ka imechani xarhakuaska engajtsïni no kurhangorhempka.

²¹Ka enga Isaiasi Israeliricheri ambe arisï uandasïndi: “Ískuni chúskuska ióxurhantatini erontani ini iretani enga no kurhandirajka ka k'óru sóntku enga mókukorhejka.”