Read Western Highland Purepecha Romanos 12 Bible Online

Romanos 12 - Western Highland Purepecha bible

Romanos 12

¹Ísï jimbo, jucheti erachicha, Diósïri kóntperakua jimboksïni kómarhixaka eskajtsï Diósïni míndakuaka chári jánguani ka eskajtsï kaxumbentaaka ka eskaksïni Diósï jaiapanhentaaka, jimbokajtsï ísï k'éri ambe arhiaka.

²Ásï chájtu májkueni ireka je eska iásï anapuecha; jimini ménderueni, jimbanherantsï je chári eratsekuani, ka ísï jámani chári irekua ménderuenintaati, ka úakajtsï Diósï nénasï uéjki: Sési ambe, ka imani ambe enga sési p'ikuastpejka, ka imani ambe enga k'ámak'amasï sésika.

³Engarini Diósï jíndeni xénhchaka ka arhinirini eskaksïni arhiaka iámendu chánksïni: Ásï jáma je jukari sési xékorheni; sánderu sáni séskueni p'ikuarhera je, eskaksïni xántku Diósï intsïmbeka jakajkukua.

⁴Jimboka, ísï eskaksï jucha jantsiri ka jájki ambe na jukaka, no iámendu ambe méntkueni marhuasïndi,

⁵ístuchi juchajtu, náuejkichi uáneka, májku anhanhetakueskachi Krístueri, ka márkuchi mátakorhetixaka májku anhanhetakuarhu.

⁶Enga úka, táchani ísïchi jurhenaska ambe sési úni, eskajtsïni na Diósï íntskuka ambe engachi táchani jurhenakuaka sési ambe úni. Ka ekachi arhijtsïkpeni jurhenakuka, ju je arhijtsïkpeni xáni eskachi xántku jakajkujka;

⁷ne enga jurhengua intsïnhaaka eska úaka máteru nemani marhuakuni, ju je sési jásï marhuatspeni, ka ne enga jurhendanhaka eska jurhentpiriuaka, jurajku jurhentpeni;

⁸ne enga karhuatpeni jurhenaka, karhuatpeni jáme, ne enga intsïmpejka, sési jarhojpenhchaparini íntspe; ka ne enga íntsïnhaka eska urherukutiuaka, sési urherukue; ka ne enga intsïnhaka jurhengua eska jarhojpenhchaaka, tsípekua jinguni jarhojpe.

⁹Ásï arhimetaparini xénhchpere je. Ásï jiókorhe je nósesi jásï ambe, ka jángorhe je sési jásï ambe andandukorheni.

¹⁰Ísï xénhchpera je eskajtsï márkueni, máteruechani sánderu sési kaa je, ka janhanharhperani je.

¹¹Ásï xepe je enga úkua ambe kókuani uétarheni jauaka; ambakiti mintsita jinguni u je, Achani marhuakuni ísï jáma je.

¹²Tsípekua jinguni erokani ja je imani ambe engajtsï intsïnhaaka, tekantsï je ekajtsï nósesi ambe jatsini jarhajka; ka méntkisï uandamukukorheni ja je.

¹³Diósïri erakukatechani jarhuata je; ka sési erope je.

¹⁴Kómarhijpekua je imechani engaksïni atani kámka, ásï nósesi ambe arhia je.

¹⁵Tsípe je imecha jinguni engaksï tsípejka, ka uera je imecha jinguni engaksï uerajka.

¹⁶Sési pájpera je cha; ásï k'éramakorhe je, imecha jinguni je engaksï kétsekua uérajka. Ásï arhikorhe je eskajtsï jurhendiska.

¹⁷Ásï nósesi úkuntsï je, engaksïni nema nósesi úchejka ka sési ambe u je engajtsï exenhani jarhajka.

¹⁸Chári jimbo jángorhentsï je eskajtsï xáni újka, nónema jinguni arhirperani jarhiani.

¹⁹Jucheti uátsïticha: Ásï jáma je cha jandiojku uékani kuájpekorheni jámani nemani ambema úkuntani, jurajkuksï ima ikimenhani; jimboka ísï karakata jarhaska: “Acha Uandasïndi, jisïni arhinharhikpeaka, ji maiamuauaka imechani.”

²⁰“Engari xéaka eska chéti íkiatspiri k'arhimaxaka, t'irera sáni; ka enga ambe k'arhichani jaka, itsïmata; ísïri jámani k'uratsetaaka”

²¹Ásïkini ande nósesi únhchakua. T'u sési ambe niátaparini anda nósesi únhchakuani.