Read Western Highland Purepecha Romanos 16 Bible Online

Romanos 16 - Western Highland Purepecha bible

Romanos 16

¹Kómarhixakaksïni eskajtsï sési erokaaka, juchari erachi nana Febeni, enga Sénkreasï anapu tángorhekuarhu jarhojpejka,

²eskajtsï sési erokaaka eska na k'uanijka eroani májkueni jakajkutichani, ka iámendu ambe jimbo jarhuata je eska xáni ambe uétarhenchajka jimboka inde uánekuechani jarhataska ka njíndenturini jarhuataristi.

³Uandajperata ma axakuaxaka Prískani ka Akilani, engajtsïni jarhuatajka Jesukristuni ánchekorhekuni,

⁴indejtsïni jíndeni kuájpeni jámani tsípekua íntspeni uékaxapti; ka no jíjkusïni diósmaiamukua arhiantaani jaka, iámendu no judiouecha jámberiksïsï diósmaiamu arhiantaani jati.

⁵Ka uandaperata axakuaxaka iámendu imechani engaksï Prisilo ka Akilo tángorhentka. Uandajperata axakuxakuxaka Epenetuni, imani ne engani ji xáni xénhchka, jimboka inde uénaska iámu Asiaueri Krístuni jakajkukuni.

⁶Mariantuni uandajperata ma axakuxaka, indeni enga chánhksïni jimbo xáni ánchekorheni jaka.

⁷Uandajperata axakuaxaka Andronikuni ka Juniasïni, imechani engachi jinguni márku ónhakata jápka, engaksï sánderu ambarhati uandakua párika ka engaksï inde urheta uénaka Krístuni jakajkuni.

⁸Ampliatuni uandajperata ma axakuxaka, engani xáni xénhchajka jimboka imajtu Achani jakajkusïnga.

⁹Urbanuntuni uandajperata axakuxaka, enga indejtu ánchekorhekujka Krístuni, ka Estakisintu ísï, imani engani ji xáni xénhchajka.

¹⁰Uandajperata axakuaxakaka Apelesini enga no k'uratsejka Krístuni jakajkuni, ka Arístobulo anapuechantu ísï.

¹¹Ka ístu Erodionini enga juchari iretarhu anapueka, ka Narsisuo anapuechani engaksï Acheni jakajkujka.

¹²Ka Trifenani ka Trifosani engaksï Achani ánchekorhekujka; Ka ístu Pérsidani engani xáni xénhchajka jimboka Achani ánchekorhekusïnga.

¹³Acheri erakukata Rufuntuni uandajperata ma axakuxaka, ka amambani enga jucheti jimbojtu nándeka.

¹⁴Ka Asinkrituni ka Flegonteni, ka Érmesini, ka Patrobasini, ka Érmasini, ka iámendu jakajkutichani engaksï imecha jinguni jaka.

¹⁵Filologuntuni uandajperata ma axakuxaka ka Juliani ka Nereuni ka jingunikua jémbani ka Olimpasïni, ka iámendu jakajkutichani engaksï imecha jinguni jaka.

¹⁶Iámenduecha sési uandajpera je ka ambakiti mintsitsita jinguni putinharikpera je. Iámendu Krístueri jakajkutichaksïni uandajperata ma axachexati.

¹⁷Ásï jáma je kúrheani imechani engaksï arhukpeni jámka ka engaksï uandakua ambe kántspejka ka engaksïni tsîjpachejka imani uadakuani engajtsï jurhenatini jakaia; jarharea je imechani engaksï ísï jámka,

¹⁸jimbokaksï inde no Acha Jesukristuni marhuakuxamka, andakorhexamtiksï ka jurhenastiksï séskueni jándirantani uandani ka jimbanhe jakajkutichani támisï páani.

¹⁹Chári kurhandirakua iápuru isï sési kurhakorhexati; ka jimbosïni tsípeni jaka. Uéksïnga k'óruni eskajtsï sési ka ambakiti eratsekuntaaka ambakiti ambe úni, ka eskajtsï no míteni uandaaka enga nósesi ambe úkueuaka.

²⁰Ka Diósï, enga sési jakueka, sóntkusï Satanasini chéti jatandukueni péraati. Juchari Acha Jesukristueri kóntperakua chánksïni jinguni jaue.

²¹Uandajperata máksïni axachexati jucheti jarhojpiri Timoteu, ka Lusiojtu ísï, ka Jasoni, ka Sosipatrujtu isï, engaksï jucheti iretarhu anapueka.

²²Ka jíjtuksïn Krístuni jimbo uandajperata ma axachexaka, ji Tersio, engani Páblueri jimbo karani jaka ini karakatani.

²³Gaiuksïni uandajperata ma axachexati, jucha indeo pakaraxaka ka ixuchi tángorhexaka. Erastu enga ireteri tumina patsarika uandajperata máksïni axachexati ka juchari erachi Kuartujtu ísï.

²⁵K'éristi Diósï, engaksïni ambakiti aiangperakuani ka Jesukristueri jurhentperatani úka sési jánhastani, engaksïni aianguka, inde ambe enga xáni ióni patsakata jápka

²⁶iásï mítenhaxatiia, ambe engaksï karakatecha uandantani jápka, ísï eska na juramukua jatsipka Diósï, enga méntkisïka, iámendu iretecha jakajku je,

²⁷Diósïristi k'érikua, enga májkueka ka enga iámumendu ambe jurhendika, Jesukristuni jimbochi méntkisï k'éri ambe arhixaka, ka ísï jakakuni jauaka.