Read Western Highland Purepecha Romanos 4 Bible Online

Romanos 4 - Western Highland Purepecha bible

Romanos 4

¹¿Ambesï xéntapi jiáni juchari táte Abraami, ima enga juchari tateka? ¿Ambesï jurhengorhe jakajkukueri ambe?

²Eka ambe kaxumbekua exemenhapka, imani jimbo úati sési xékorheni janhani, enga úka, no úati Diósïri jimbo k'éramakorheni jarhani.

³Ka andisï karakata arhijki: “Abrani Diósïni jakajkukuspti, jimbosï Diósïni kaxumbiti xépti.”

⁴Eka nema ánchekorhejka, no intsïmbenhasïndi maiamperakua, maiamunhasïndi jimboka kámenhani jarhasïngaia;

⁵Ka náuejki nómbema sési úrini, ka k'óru jakajkukuni imani enga maimpekujka k'amanharhinstichani, imeri jakajkukua jimbo p'uamenhantasïndi.

⁶Ísï eska Dabijtu na arhijka, eska tsípeaka ima ne enga Diósï kaxumbitini exeaka, no imani ambe exekuparini néna enga jámka,

⁷enga ísï uandapka: ¡Ima k'óruksï tsípesïndi engaksï nósesi járhati úkuechani púamenhantaka, ka nóteru maksï k'amanharintskua miámenhania!

⁸¡Tsípekorhe ne enga juchari Acha nóteru ma k'amanharhintskua míakuni jaka!

⁹¿Andi xásï tsípekua mínda jukarichajku intsïnha, ka no mínda jukaricha nómbe? Ekachi arhikia eska Abraami kaxumberanhantaspka jimboka Diósïni jakajkuspka,

¹⁰¿Andi mínda jarhuatapi o no jamberi mínda jukaripi? Nómbe, nótki ma mínda jukarixapti.

¹¹Ima nótki mínda jukaxapti, tátsekuasï ts'iuekuani mínda jatsikumenhaptia, ka indespti mínda, eska kaxumberanhantaspkia, jimboka Diósïni jakajkuspka; Ísï jimbo iámendu jakajkutichani tátekuaxati, nájkirukaksï mínda no jukarika, indejtuksï kaxumberanhantasïndi jimbokaksï Diósïni mintsikaska;

¹²ka mínda jukarichani jamberi tátekuaxati, engaksï no mínda jukakuantku mintsikani jarhajka, engaksï májkueni jakajkuparini irekani jaka eska juchari táte Abraami, enga mínda nótki jukempka.

¹³Abraami aiamenhasti eska imeri sïrukua jinguni parhakpeni míndamenhapiringa, jimboka no juramukuani mintsikaspka Diósïnisï mintsikapti.

¹⁴Ka ekaksï juramukua kurhandirakua jimbo p'ika aiatspekuani, ambeteru úni jakajkunia, ka aiatsperakuajtu nóteru ambema marhuauatia.

¹⁵Nani enga juramukua jimbo irekanhani jarhajka jima Diósï ikimpesïndi; ka eka juramukua no jarhajka, nómbema k'amanharhinhantasïndi.

¹⁶Jiájkani Diósïjkusï mintsikakueti, jimboka kóntperakua imeriska, ka inde aiatsperakua iámendu sïrukuani méntkisï marhuakuati; engajtsïni xáni Abraami tátecheni jaka, juramukua jinguni irerichani ka engaksï xáni Abraamini mintsikajka,

¹⁷ísï eska na karakata jaka: “Uáni iretani tátekuauakari.” Ka Diósïni japarini ísï úkorhesti, jimboka imani jakajkukuspka enga uarhirichani tsítantajka, ka enga exejka imani ambe enga nótki jamberi jarhajka.

¹⁸Abraami jakajkuspti eska intsïnhapiringa imani jamberi enga nóteru erokorhekuepkia; eska iretani uáneramenhapiringa enga arhinhapka: “Chéti sïrukua méntkusï xáni uáneati.”

¹⁹Ka nómeni jurajkuspti Diósïni mintsikani, nájkiruka t'arhepepkia ka nájkiruka ts'iuekuani k'amajkupkia ka sáno iúmu ekuatse uéxurhini jatirinia ka Sarajtu k'uparhata nóteru marhuatania.

²⁰Nójtu no jánhaskani uandaspti Diósï andisï útasï xáni ambe aiakuni jápki, k'óru sánderu ts'iuentaspti Diósïni mintsikaparini ka k'éri ambe arhiparini,

²¹sési míteparini eska uinhapekua jatsiska úni iámendu ambe enga xáni aiatspepka.

²²Ka jakajkukua jimbosï kaxumberanhantapti.

²³Ka inde karakata no Abraami jimbojkusï arhijti,

²⁴juchantsïntu arhixati eskachi juchajtu sési uéranchaka, ekachi mintsikaska imani, enga juchari Acha Jesusini tsítantaka,

²⁵enga juchari k'amanharhintskuechani jimbo uándikunhaka, ka enga tsíntanhantaka ka eskachi ísï jámani nóteru ambe ma kántspexakaia.