Read Western Highland Purepecha 1 Corintios 5 Bible Online

1 Corintios 5 - Western Highland Purepecha bible

1 Corintios 5

¹Mítekorhexati eska cha ma isï nósesi irekaxaka, ka inde nósesi jásï irekua engaksï no jakajkuticha jamberi, no tekaajka úni, jimboka nema tatjemberi tembani[88] kúrhetixaka.

²Ka, ¡Útasïterusjtsï, méntku isï k'éramakorhexaka! ¿Andi nójtsï miskuarheni japirini ka indeni ísï niátatintsï kenditani?[89]

³Ka jucheti jimbo, nájkirukani no jímini jáka, p'ikuarhenhexaka chánksïni jinguni jarhani espiritu jimbo, ka indeni isï niátatini k'amanharhirantaskia,

⁴ka engajtsï juchari Acha Jesusïni jimbo tángorhentatini jarhajka, jíjtuni espirituni jimbo jima jauaka, ka Acha Jesukristueri uinhapekua cha jinguni jarhasïndi,

⁵indeni achetinchka Nóambakitini intskuntsï je, eska imeri k'uiripuekua k'amajkunhaka, ka imeri ánima p'ikunhantaati na enga jatini Acha junkuaaka.[90]

⁶¡Nósesi jarhasti eskajtsï ísï k'éramakorheni jauka! ¿Andi nójtsï míteski eska sántku xarhiperakua iámendu tsïrerini kerhutasïnga ka iamu xarhiperani?[91]

⁷Ma akandani péra je xarhiperakuani enga nóteru marhoajkia, ka cha tsïrerini jimbanhentsï je, jimbokajtsï cha isïska eska kurhinda paskueri, enga no xarhiperantskateka.[92] Jimboka Krístu, juchari karichi páskueri akua,[93] uándikunhaskia.

⁸Juchka je paskueri k'uínchekuani sesi úntani, no xarhiperakua jinguni, ju je nóteru jatanhetspeparini xénhchkpeparini o kurhunpeparini; no ikiatspepariniaru, sési jáxentatini ambakiti mintsita jinguniaru.

⁹Urhetkuksïni Karachespka,[94] eskajtsï ísku jandichani no kúrheapiringa.

¹⁰Ka no arhikuekaxaka eskajtsï métku jarhareauaka, parhakpeni anapuechani, ísku jandichani, tumina kánhchatichani, sïpajkurhechani, imechani engaksï eratakatechani diósïrajka. Jimboka enga ísïpiringa k'uanipirindi eskajtsï parhakpenirhu uéjpentapiringa.

¹¹Karachespkachkaksïni arhikuekani eskajtsï no kungorheaka, jakajkuti arhikorherichani jinguni,[95] engaksï ísku jandika ka tumina kánhchatini, ka sïpajkurheni ka engaksï eratakatechani diósïrajka ka arhinchpitichani, ka kauichenksï ka uarhisechani. Indeni jarhatichani jinguni ásï jamberi uaxaki je t'ireni.[96]

¹²¿Andisïni ji k'amanharhirantaua no jakajkutichani? ¿Andi jakajkutichani jima anapuechani nójtsï chasï k'amanharhirantaua?

¹³No jakajkutichani Diósïsï k'amanharhirantauati, ka indeni nósesi úrini enga cha jinguni jaka, chúntsïchka je.[97]