Read Western Highland Purepecha 2 Corintios 3 Bible Online

2 Corintios 3 - Western Highland Purepecha bible

2 Corintios 3

¹¿Andi nóterujtsïni mínharhikuntasïnkia? O ¿Uétarheni jaki eskaksïni karakata ma exeraaka enga jucheti ambe sési arhiaka? O ¿Eskajtsïni cha karakata ma úcheaka ísï eskaksï máru na p'indejka?

²Chájtsïsï jucheti mintsitarhu jaka, jimbokajtsï jíndeni jimbo p'ímutantskata jarhaska, ka iámenduechaksï ísï mítetixati.

³Krístueri karakata enga chári ambe uandajka no tsakapurhu karanharhikukata jarhasti, Diósïri tsípiti Espiritu jucheti mintsitarhu pérasti.

⁴Ka Krístuni jimbochi Diósïni sési mintsikaxaka,

⁵eskachi no juchasï xáni jurhendika, eskachi Diósïni jimbosï ambe méka,

⁶imajtsïni axasti jimbanhe aiatsperakuani arhijtsïkpeni, nóchi karakata ambesï kámka, Diósïri Espiritueristi, jimboka karakata uándikpesïnga ka Diósïri Espiritu tsípekua íntspesïndi.

⁷Uiramu karanharhikukata t'it'ijkusïrempti, nájkiruka uándikpempka, ka israelicha jamberi tsónhaskaspti Moisesini eranharhikutini nájkiruka ts'irapenharhintani jápkia,

⁸jimajkani Espiritueri aiatsperakua náxani no sánderu t'it'ijkua,

⁹jimboka enga xáni k'éripka arhistatsperakua xukajpiri, néna no sánderu k'ériua aiatsperakua kaxumpiri,

¹⁰ima arhistatsperakua t'it'ijkuti no úati terukuntani íni aiatsperakua jinguni enga sánderu sési t'it'ijkujka.

¹¹Eka ima arhistatsperakua t'it'ijkuti párhuka, náxani no sánderu t'it'ijkua i aiatsperakua enga nómeni k'amakurhiaka.

¹²Jucha i ambe aiámenhaska, jimbochisï ts'iuekua jinguni aiangpentani jámka.

¹³No ísï eska Moisesi enga ónharhipka, jimboka no uékaspka eskaksï israelicha exepiringa eska nóteru t'ínharhispkia.

¹⁴Ka israelichaksï ísï miánharhimaspti, jimboka ónharhitaka pakaraska ima pakatperakua enga iásï arhinhantani jarhajkateru, jimboka Krístujkusï p'enonharhikuntajka.

¹⁵Ka iásï jamberiksï no kurhangusïndi engaksï Moisesiri karakata arhinhanta jarhajka.

¹⁶Jiánksï p'enonharhiatia engaksï Achani andarhentaaka.

¹⁷Jimboka Acha Espiritueska ka Espirituni nómbe ma óndasïndi.

¹⁸Jimajkani juchachi p'enonharhitanhaskia ka Acheri t'íntskuanchi t'ínharhixakaia, Espiritujtsïni sánderu ka sánderu imeni jájkupaxati.