Read Western Highland Purepecha 2 Corintios 9 Bible Online

2 Corintios 9 - Western Highland Purepecha bible

2 Corintios 9

¹Ka ambejtuksïni arhia jarhojperateri ambe engajtsï jakajkutichani tánakuani jaka,

²jimbokani míteska eskajtsï tsípekua jinguni úxaka. Ka Masedonia anapuechani aianguaska, eskajtsï cha Akaia anapuecha, uéxurhintkisï íntspekuekani jápkia, ka uánekua imajtuksï jángorhentasti sánderu íntspeni.

³Ka ji no uékaska ísku jatini uandani eskaksïni mintsinharhisïnga, jimbosïni indeni tatechani axaaka, ka eskaksïni na k'amaraka arhini, sési eroa je sáni,

⁴nándikani jucha janoaka máru Masedonia anapuechani jinguni ka cha no jinguntku jarhani, ka jucha ísku jatini chári jimbo k'uratsetakorhetini pakarani.

⁵Jimbosïni sési xépka urheta inde tatechani axaani, indeksïni miátantaati ambe engajtsï aiakorhepka íntspeni, ka t'uínchkajtsï jima jatsinia nójtsï jiáni uarhisekua xarhatani jarhani.

⁶Miántsï je arhini ambe: Sántku p'ikuntaati ima enga tsíri jatsikua kuétsapekupka; ka kánekua p'ikuntaati ima enga no chéjkurhaparini jatsijka.

⁷Cha íntspe je na engajtsï xáni uandakorhepkia, no p'akarhkurhatpeparini o p'amojkuparini, jimboka Diósï xénhchchasïnga imani enga tsípekua jinguni íntspejka.

⁸Ka Diósïksïni sánderu ambe kóndeati, ka méntkisïjtsï pakaranchaaka, engajtsï jinguni úaka máteruechani jarhuataani.

⁹Eska na karakata jaka: “No jatsikorherichani kánekua jarhuatasti, ka méntkisï kánhachani jarhojpesïndi.”

¹⁰Diósï íntspesïndi tsíri ka t'irekua, chánksïntuksïni íntskuati ka káneracheni ambe engajtsï tsípekua jinguni íntspeaka.

¹¹Chájtsï iámu ambe jatsikorheaka ka úakajtsï sánderu jarhojpeni. Ka Diósï, k'éri ambe arhinhaati engani jucha íntspeni jauaka chári jarhojperatani.

¹²Jimbokaksï jakajkuticha no ísku p'irasïnga jarhojperata ambe, imaksï Diósïni kánekua diósïmaiamu íntskuntasïndi,

¹³ka k'éri ambeksï arhisïndi exerini eskajtsï cha jarhojpexaka jimbokajtsï Krístueri ambakiti aiangperakuani sési kurhangutixaka.

¹⁴Ka mintsita jingunksïni kómarhijpecheati engaksïni Diósï xáni ambe kóndeka.

¹⁵¡Diósïmaiamu arhinhe, jimboka kánekua kóntpesïnga!