Read Western Highland Purepecha Efesios 1 Bible Online

Efesios 1 - Western Highland Purepecha bible

Efesios 1

¹Páblu, Krístu Jesusiri uandakua pári, jimboka Diósï ísï uékaska, karakuaxati Éfesu anapuechani engaksï Krístu Jesusini jimbo kaxumbentakia ka imanksï jakajkuni jarhani.

²Eskaksïni Diósï juchari Táte ka Acha Jesukristu kóndentaaka ka sési jakuaksïni íntskuni.

³Diósï, juchari Acha Jesukristueri Tátjemba k'éri ambe arhinhe, engajtsïni iámendu sési járhati újchakurakuechani Krístuni jimbo auandarhu uératini juácheaka;

⁴jimbokajtsïni Diósï jimajkantki Krístu jimbo erakuska enga parhakpeni nótki kueraanhempka, eskachi imani jimbo Diósïripiringa ka pímbinharhanchi. Ka jimbokajtsïni xénhchaska;

⁵erakutixaptijtsïnia eskachi Jesukristuni jimbo, Diósï uájpentaaka jimboka ima ísï tsípentaska,

⁶ka eskachi ísï, Diósïri kóntperatani k'érikuarhu péraaka, engajtsïni Uájpa jimbo kóndentaka enga ima xáni xénhchajka.

⁷Juchachi Krístueri iurhiri jimbo euajpenhantaska ka k'amanharhintskuechanchi púamenhantaaska. Diósï xáni engajtsïni kóndejka,

⁸engajtsïni mímixekua ka eratsekua jinguni xáni kánekua kóndeka.

⁹Diósïjtsïni aianguntasti ambe enga eratsetini jápka enga no káni mítekorhepka, eska ima Krístuni jimbo, námendu tsípentatini jápka

¹⁰jiájkani úni enga jurhiatekua niárapiringa: Eska Krístu juramukuaka iámendu ambeni enga xáni auandarhu ka parhakpeni jaka.

¹¹Krístuni jimbochi jucha p'iuaka ambe engachi míndamenhatini jaka; Diósï, enga újka néna enga ima tsípentajka eraantatixaptijtsïnia,

¹²eskachi jucha judiuecha, engachi Krístuni uénaka mintsikani, eska jucha jimbo imeri k'érikua k'éri ambe arhinhaaka.

¹³Chájtujtsï imani uandakuani kurharini enga ísïka, ka ambakiti aiangperakuani kurharini enga chári p'ímutantskueka, ka Krístuni jakajkutini, ka Espiritu Sántu enga aiatspekata jápkia, imani jimbojtsï chájtu míngorhenhatixakaia,

¹⁴ka inde Espiritu arhikuekasïndi eskajtsï intsïnhaaka ambe engajtsï míndanhaka, ka Diósïri aiatsperakua jiájkani janoati engachi jucha euajpenhantaaka ka ísï jámanchi imeri k'érikuani k'éri ambe arhiaka.

¹⁵Ísï jimbosïni jíjtuni mítetini, na engajtsï cha Acha Jesusini mintsikani jáka, ka na engajtsï iámendu Diósïrichani jarhuatajka,

¹⁶no kuatantka chánksïni jimbo diósïmaiamukua arhijpentani, míaparinksïni engani uandamukorheni jarhajka.

¹⁷Eska Diósï, Táte k'éri, juchari Acha Jesukristueri Tátjemba, Espiritu mímixekuerinksïni ka sési jánhastperakueriksïni íntskuaka, engajtsï jimbo úaka imani k'amak'amasï sési míteni;

¹⁸eskaksïni Diósï mintsita mítacheaka ka úntsï jánhaskani Diósïksïni ambesï úrani ióarhintsï; na enga xáni ambakeka ima k'érikua enga Diósï imerichani íntsajka.

¹⁹Ka na enga xáni k'éka imeri uinhapekua engajtsïni juchantsïni jakajkutichani íntskuka, xáni k'éri imeri uinhapekua,

²⁰enga Krístuni jimbo xarhataka enga tsítantaka ka auandarhu jurhijkandani uaxastani.

²¹Ka iámendu járhati juramukuecha jinguni ka iámendu ambe jimbo sánderu juramukua ka jarhamekua ka uinhapekua íntskusti iásï ka méntkisï.

²²Ka Krístuni iámendu ambe jatandutarantasti, ka jakajkuticheri tángorhekua jinguni, Krístuni éjpueni pérasti enga iámendu ambeni juramukujka,

²³ka tángorhekua ísïsti eska Krístueri anhanhatakua, enga iámendu ambe séserajka.