Read Western Highland Purepecha Filipenses 3 Bible Online

Filipenses 3 - Western Highland Purepecha bible

Filipenses 3

¹Jiájkani jucheti erachicha, Achani jimbo tsípentsï je, ambe uéjki jarhani. Ji no kuatantaaka ménderuksïni indeni ambe karacheni jarhani, ka engaksïni chánksïni marhoachejka.

²Xéparini jáma je uíchueni jarhatichani jinguni, ka imecha jinguni engaksï nósesi eratseparini ánchekorhejka, jarharea je, ka engaksï ts'iuekuarhu p'ikujtsïkukata arhikorherika.

³Jimbokachi juchasï jindeka engachi sési jimbo ts'iuekuarhu p'ikujtsikumenhaka, engachi Espirituni jimbo Diósïni k'éri ambe arhijka ka engachi Jesukristuni jimbo tsípekorhejka, ka engachi no parhakpenirhu anapu ambe mintsikani jarhajka,

⁴nájkirukani jíjtuni játsika, andi parhakpeni anapu ambemintsikani jarhani. Eka nema parhakpenirhu anapu ambe mintsikajka, jíjtuni sánderu mintsikapiringa.

⁵Iúmu tanimu jurhia jimbo, andajpenutini, ts'iuekuarhu pasïri p'ikujtsïkumenhaspka, Israelicheri arhujtateska, Benjaminiri sïrukua; ebreueska ka juramukua jimbo fariseuespka

⁶xáni ikiani, juramukuani kuájpekuekani, tángorherichani andanguani káska ataani; ka juramukua jimbo nómbe ma arhikua jukaspka jimbokani kurhandirakusïrempka.

⁷Ka imani ambe engani ji jukaparhakua eratempka urhetku, iásï Jesukristuni jimbo jurajkuskia iámu ambe

⁸ka iásï sanderuia, sési xentaparini; ji nósani jukaparharasïnga Krístu Jesusi jinguni jucheti Tate, engani jimbo iámendu ambe tsîtaka, ka iámu ambe k'uanikuska, ka Krístu Jesusini andakorheska,

⁹ka engani imani jinguni járhajkia; no jucheti sési jángua jimboesti, enga juramukuarhu arhijka, Krístuni mintsikani ka jakajkuparini jimbuesti, enga Diósï jimbo jurhajka, jakajkukua jimbo mintsikaparini.

¹⁰Krístunisïni ueéjka míteni, ka tsíntskua imeri uinhapekua p'ikuarherani, ka imeni nósesi p'ikuarherani ka eskajtuni imeni uándikunhapiringa,

¹¹nandikani jíjtuni antajkorhiakia tsítanhantani.

¹²Ka íni jinguni no arhixaka, eskani sési jáxentaskia ka eskani iámu ambe íntsïnhaskia, jínisïni jángorhentani jaka urhepani uérani, nándikani andajkorhiaka niarani andanguni, jimborinisï Tata Jesukristu p'ímutantati.

¹³Erachicha, nóchkani arhixaka eskani úskia niarani. K'óru engani úni jaka: Ióntki anapu ambe mirikurhixakaia ka jángorhentaxaka urhepani uerani.

¹⁴Uinhamuchkasïni nirani jaka andakuarhu niárani, ka íntsimperata p'irani engarini Diósï auandarhu uératini uandajpaka Tata Jesukristuni jimbo.

¹⁵Ka Jucha, engachi sáani míakua jukarikia, ísïchisi jatsika jamani, ka enkajtsï ambe ménderueni p'ikuarhenhejka, imechantu Diósï sési jánhastauti.

¹⁶K'óru, játsiskachi ísï irekani eskachi na jánhaskakia, ka ju je chúngumani sánderu jánhaskapani.

¹⁷Erachicha, chájtu méntkueni jáma je, eskani ji, ka exea je imechani engaksï ísï irekaka, eskachi jucha na irekaka.

¹⁸Jimbokaksïni mémechani uéntaspkia arhini, ka ménderuksïni uéparini arhixaka, eskajtsï uánekua ísï irekaska enakijtsï ikiajki exeni Krístueri chaparhatakuani,

¹⁹indeksï tsînchekuarhu ísï niraxati, indeksï parhakpenirhu anapu ambejkusï tsítijti, Diósïnksï indeni ambe jimbo mójtakuxati ka ísïksï jámani k'éramakorhesïndi, jiniksïsï k'uratsekua jukapirindi ka nóksï parhakpeni anapu ambejku eratseni.

²⁰K'óruchi jucha auandarhu anapueska, ka erokaxakachi eska jini uératini júuaka P'imutantspiri Acha Jesukristu,

²¹ka sési jájkuntaati juchari nósesi jasï anhanhatakuechani, eska ima na sési jáxeka, ka imeri uinhapekua jinguni júati enga iámendu ambeni juramukuaka.