Read Western Highland Purepecha Colosenses 3 Bible Online

Colosenses 3 - Western Highland Purepecha bible

Colosenses 3

¹Ekajtsï Krístu jinguni tsíntakia, Krístuni eranche je eska juramuxaka Diósïri jurhijkandani uaxakatini,

²ásteruchka parhakpenini era je, jinijtsïsï erancheaka,

³Diósïksïni tsípekua míndachetixati Krístu jinguni, ixujtsï uarhirixakaia.

⁴Enga Krístu xarharaska cha jinguni irekani jarhania, chájtujtsï imeni jáxentaaka kánekua t'íntskua jinguni.

⁵Méntkuchka jurajku je parhakpeni anapu nósesi jánhchakuani: Ásteru ísku jándi je, ásteru k'uratsekua ambe u je, ásteru xáni uíchueni jánhcha je, ásteru nósesi ambe tsitinhcha je, ka ásteru uarhise je, jimbokajtsï indeni k'éri ambe úntaaka.

⁶Jimboka Diósï ikimpesïnga enga nó kurhandiranhaaka,

⁷ka chájtujtsï urhetku índe ambe niátaparini irekaxapka.

⁸Iásï arini ambeterku jurajkia je: Ikiata ambe ka kurhunhperakua ambe ka ikikurhikua ambe ka uinhachatsperakua ambe,

⁹ka chkuándirakua ambe, jimboka nóterujtsï ísï jámaakia eskajtsï ióntki na jámempka,

¹⁰iásïjtsï ménderueni jáxentaskia, ísï eska chári Kuerajpiri na jáxeka, sánhani arhiakajtsï sánderu imeni jáxeni.

¹¹Ka nóteru arhiatia gríegueni o judioueni, mínda jukani o no jukani, mímixetini o no mímixetini, jántspírini o ánchetpirini, iámendu ambe Krístueristi ka ima iámenduecha jinguni jarhasti.

¹²Diósïksïni kánekua xénhchasti ka támuksïni pérakorhetixati, cháchka sesi ireka je, pamojkpiriuakajtsï ka káxumbeakajtsï ka sésijtsï arhijpeaka ka jarhojperantsï.

¹³Ekajtsï arhirperata ambe jatsitsperaka tekatsperantsï je ka púatsperantsï je. Ekaksïni Acha puáchentakia chájtuchka ísï púatsperantsï je,

¹⁴ka sánderu sáni jángorhe je xénhchperani, ka ísïjtsï márku sési irekaaka.

¹⁵P'ikuarhera je chári mintsitarhu Krístueri sési jakuani jatsini, ma anhanhatakuarhujkujtsï uandapantskata jarhaska. Ka inde jimbo diósmaiamu arhi je.

¹⁶Jesukristueri jurhetperakuani kánekua sési marhoata je, mímixekua jinguni jurhentperaparini ka arhistatsperaparini. Ka Diósïni mintsita jinguni arhia je tsípekueri pirekuechani,

¹⁷Ka iámu chári úkua ambe o uandakua ambe, Acha Jesusini uandaparini u je, Diósï Táteni diósmaiamu arhiparini Jesusini jimbo.

¹⁸Nanecha, chári achetini kurhandiraku je, eska néka Diósïni míteni.

¹⁹Tatecha, chári uarhitini xénhcha je, ásï uinhamarhekua je.

²⁰Sapicha, chári táteni ka chári nándeni kurhandirakua je, Acha ísïsï sési xéjti.

²¹Ka cha engajtsï sapichani kángorheajka, ásï ikiataa je, jimbokaksï nósesi p'ikuarhenheni pakaraaka.

²²Jántspiricha janhanharhi je chári ánchetpirini engaksïni ixu parhakpeni ánchetajka, ásï jiántku incharhetaku je engajtsï exenhani jauaka, chájtsï mintsita jimbosï jámka Achani janhanharhiparini.

²³Mintsita jinguni u je iámendu ambe, enajkiksïni Acha exeni jarhajki no máteru nema,

²⁴mítetini eskaksïni Acha íntskuaka ambe enga aiatspitini jaka. Jimbokajtsï Krístunisï marhoakujka.

²⁵Eka nema nósesi jámaska, nósesi ambe p'íntaati, jimboka Diósï iámenduechani májkueni exeasïnga.