Read Western Highland Purepecha 1 Tesalonicenses 3 Bible Online

1 Tesalonicenses 3 - Western Highland Purepecha bible

1 Tesalonicenses 3

¹Ka jimbokachi nóteru úska erokorheni, jucha eratseska juchajkuni pakarani Atenasi.

²Ka jucheti erachi Timotenijkuchi axani, imani enga Diósï jarhuatajka Krístueri ambakiti aiangperakuani aiangapeni. Axaskachi eskaksïni chánksïni uinhaperantaaka ka tsíperantanksïni,

³eska indeni ambe jimbo nónema chkéjkamaaka. Jimbokajtsï mítetixakaia eskani jucha indeni ambe jatsika úkorhenchani.

⁴Ka támuksïni aianguspkia, engachi útasï cha jinguni jámani jápka eskachi uandanheata jatsipiringa; ka ísï jánhaskorhexati eskajtsï na mítetini jakaia.

⁵Ísï jimbo, ji, xáni junhejchani, kurhangorheska chári jakajkukua néna jámaxaki, jimbokaksïni chéjkuxapka eskaksïni terungutpiri ambe ma terungutapiringa ka eska juchari ánchekorheta ísku tsînchekorhepiringa.

⁶Enga úka Timoteo Tesalonica uératini junguastia ka sési ambejtsïni aiangusti chári jakajkukueri ambe, ka chári xénhchperateri ambe. Aianguxatijtsïni eskajtsïni cha méntku tsípekua jinguni míani jarhasïnga, ka eskajtsïni imajtu májkueni jirinhantasïnga eskani jucha na jirinhantaani jaka.

⁷Jimbochisï kánekua sési p'ikuarherantaka náuejkichi xáni uáni uandanheata jatsika engachi míteka eskajtsï chári jakajkuka jinguni sési anhaxurhikorhetixaka.

⁸Jucha ménderu tsípentasïnga engachi mítejka eskajtsï Acha jinguni sési anhaxurhikorhetixaka

⁹Nóteruchi jánhaskasïnga nénateruchisï jámaa, Diósïni diósïmaiamu arhintani engachi chánksïni jimbo xáni tsípeni jaka.

¹⁰Erantskutasïngachi ka chúskutanichi Diósïni kómu arhini eskajtsïni jiáretaaka ménderu eratentani ka andangutacheniksïni jakajkukua, engajtsï ambe kueratanchani jaka.

¹¹Mintsikaxakachi eskajtsïni juchari Diósï Táte ka juchari Acha Jesusi jarhuataaka eskaksïni úaka jurhani p'urhembeni.

¹²Ka eskaksïni Acha sánderu uinhaperaaka ka eskajtsï iámenduecha jinguni sánderu xénhchperaaka, májkueni eskaksïni jucha na xénhchajka.

¹³Eskajtsïni mintsita uinhaperacheaka, ka eskaksïni kaxumberaaka ka nómbema arhikua jukani juchari Táte Diósïni japarini, jiájkani enga juchari Acha Jesukristu junguaka iámendu imeri kaxumbitichani exeani.