Read Western Highland Purepecha 2 Tesalonicenses 1 Bible Online

2 Tesalonicenses 1 - Western Highland Purepecha bible

2 Tesalonicenses 1

¹Jucha: Páblu ka Silbanu ka Timoteoksïni karachexaka, chánksïni engajtsï Tesalonika anapueka, Diósï Táteri jimbo ka juchari Acha Jesukristueri jimbo.

²Eska sési jakua ka kóntperata juchari Táte Diósïri ka Acha Jesukristueri cha jinguni jauaka.

³Erachicha, jucha chánksïni jimbo méntku diósïmaiuamukua arhijpentaxaka, eska na k'uanijka, jimboka chári jakajkuka kánexaka ka sánhani arhixakajtujtsï sánderu kánekua xénhchperani.

⁴Ka Diósïri tángorhekuechani jimbo, jucha jamberini sési p'ikuarheraparini uandantasïnga, imani jimbo engajtsï xáni jakajkuparini uinhapekorhentajka engaksïni atani kámka ka engajtsï nósesi p'ikuarherani jarhajka.

⁵Inde ambe jimbo xarharasïndi eska Diósï no jukari ambe arhijpesïnga, ísï jámanijtsï nitatarheaka Diósïri juramukuarhu inchani, imani juramukuarhu engajtsï jimbo nósesi nitamanchani jaka.

⁶Ka jimboka Diósï no jukari arhijpesïnga, nósesi p'ikuastantauati imechani engaksïni chánksïni nósesi kámka,

⁷ka chánksïni ka juchantsïni, engachi nósesi kánhajka mintsikustaatijtsïni. Jiájkani enga Acha Jesusi xarhanchentaaka imeri uinhapiti ánjelichani jinguni.

⁸Ima junguaati maiampetaraani iámendu imechani engaksï Diósïni no jiókorhejka ka engajtuksï juchari Acha Jesusiri ambakiti aiangperakuani no kurhandirakujka.

⁹Imaksï méntku k'ámajkunhaati ka nóksï úati Achani xéntani, ka nójtuksï exeati imeri t'ínskueri uinhapekuani jimbokaksï iauani jarhaparhatanhaaka.

¹⁰Imani jurhia enga Acha junguaaka, jakajkuticheri jimbo, k'érikuarhu péranhaati ka k'éri ambe arhiatiksï ima engaksï jakajkukuaka.

¹¹Indeni ambe jimbochisï méntku cha jimbo uandamukukorheni jarhajka, Diósïnichi kurhakuparini eskaksïni jaiapanhentaaka ka eskaksïni jarhuataaka ísï irekani eska ima na uéjka, ka eskajtsï úaka imeri uinhapekua jimbo iámu kaxumbentani.

¹²Ísï jámani chánksïni jimbo juchari Acha Jesisiri jakangurhikua k'érikuarhu péranhaati, ka imaksïni juchari Diósïri ka Acha Jesukristueri xénhchperakua jimbo janhanharhiati.