Read Western Highland Purepecha 1 Timoteo 1 Bible Online

1 Timoteo 1 - Western Highland Purepecha bible

1 Timoteo 1

¹Páblu, Jesukristueri uandakua pári, juchari Diósïri ka Acha Jesukristueri juramukua jimbo ima enga juchari míntsikueka,

²Timoteuni karakuxaka, enga jakajkukua jimbo jucheti uátsïtika, juchari Diósï Táte ka Acha Jesukristu t'úngeni jinguni jaue ka íntskuekini sési jakua ka p'amojkperakua ka újchakurekini.

³Engani Masedonia nirani jámempka, kómarhispkakini eskari Éfesu pakarapiringa arhiani imani engaksï ísku ambe ma újtsïkpeni jaka,

⁴ka ísku kurha je tua anapuecheri uandantskuechani, enga uarhiperata k'amarhujka, ka no jarhojpesïndi ambe enga Diósï uékani jaka enga jakajkukuarhu irenhajka.

⁵Jimbokinisï ísï juramucheni jaka, jimbokani uéksïnga eskajsï xénhchperaaka, sési jásï mintsita jinguni ka sési jásï eratsekua jinguni ka sési jimbo jakajkuparini.

⁶Máruksï támu ísï nirastia ka ísku ambeksï uandaparini jámsïndi.

⁷Uéksïndiksï juramukua jurhentpiri úkorheni, ka jiniksï no jamberi mítesti ambeksïsï uinhatsïtajki uandani.

⁸Mítetixakachi eska juramukua sési ambeska, niárani sési úranhania.

⁹Mítetixakachi eska kaxumbiticha no uétarhenchasïnga juramukuani, ariksïsï juramukuani uétarhenchajti: Engaksï no ambarhati k'uiripueka ka engaksï k'amanharhintstika ka engaksï nósesi ambe úrika, ka iámendu engaksï Diósïni no janhanharhijka ka engaksï amambani o tátjembani uándikujka ka ístu iámendu atajpiticha,

¹⁰ka ísku jándichani ka imechani engaksï no újka jánhaskani imaksï tatakeski óksï nanakeski ka k'uiripu atarantsticha ka chkuándirechani ka engaksï ísku aiatspejka ambe, ka iámendu imechani engaksï no ísï irekaka eska ambakiti jurhentperakua námendu arhijka.

¹¹Íni ambesï arhijti Diósïri ambakiti aiangperakua engarini Diósï jíndeni mintsikaka aiangpentani.

¹²Diósïmaiamu arhintasïnga juchari Acha Jesukristuni, engarini uinhaperantaka, ka íni ánchekorhetarini míndani.

¹³Nájkirukani ji urhetku ísï Jesukristuni uánekua ambe arhiparhatempka ka ístuni jámsïrempka jupikatarkorheni, k'órurini Diósï p'amojkusti jimbokani ji no mítespka ambesïni xáni nósesi ambe úempki engani nótkini jakajkuempka.

¹⁴Acha Jesukristurini tekajchentasti ka kánekuamendurini kóndesti ka íntskustirini jakajkukua ka xénhchperata enga Acha Jesukrituni jinguni újka p'inhani.

¹⁵Iámenduecha jakajku je, i ambe ísïsti, Jesukristu jurhasti íni parhakpeni k'amanharhintstichani p'ímutantaani, ka ji sánderu nósesi úrispka iámenduecha jinguni.

¹⁶K'óru Acha Diósïrini jíndeni tekachentasti, ka Jesukristu jindeni jimbo xarhatasti eska kánekua tekantskua jatsiska, ka eskaksï máteruecha exepiringa ka eskaksï Jesusini jakajkupiringa ka méntku ísï anapu irekuaksï jatsini.

¹⁷¡Imani enga méntkisï irecheka, méntku ísï k'eri ambe arhi je, enga nómeni uarhiaka, ka enga nónema újka exeni, imajkusï Diósïti! Ka ísïsti.

¹⁸Timoteo, jucheti uatsïti, ísïkini arhixaka eskari jakajkukua jimbo sési uarhipeaka, ísï eska chéti ambe na uandakata jápkia.

¹⁹Mintsika Diósïni ka sési eratseparini ambe u, máruksï nósesi eratseparini, jakajkukuanksï tsîtastia,

²⁰Imeneo ima ma ísïsti ka ístu Alejandru, jimbosïni Nóambakitini intsïnharhitaaka, nandikaksï ísï jámani Diósïni nóteru nósesi ambe arhiakia.